لا خاب من استشار
 

يا اخوان السلام عليكم ورحمة الله وبركاتة
عندي ناقة لقحة بكر ونشالة بتلد شهر 10 ميلادي والناقة طبعهااا زين وتقارد لكن انا خاف يتغير طبعهاا بعد ماتلد والسؤال هنااا
ابي اسهل طريقة اطبع فيها الناقة علي الحلب وتكون طريقة سهلة ومجربة
والله لا يهينكم :cool:

اخوي محمد
جزاك الله خير كلمة ان شاء الله لا تكتب ونشالة !! عدلها بارك الله فيك

وبخصوص طلبك اتبع احد الطريقتين :
1) تعودها على العقال من اللحين بالليل ولي ولدت بيسهل عليك حلبها بالعقال فقط او بالحوي (وهو حبل يربط على الفخوذ ) مع العقال لمدة اسبوع بس او
2) بعد خمس ايام من الولاده حط برجولها القيد لمدة اسبوع وبتحالب معك ان شاء الله

والطريقتين كلها مجربه اهم شيء هو يد الحلاب بالبدايه لا يعسرها وتكون يده خفيفه حتى ما يطيرها لانها ان طارت لن تتطبع مرة اخرى بسهوله
ويمكن معد تتطبع ابدا
اتمنى اني افدتك

اخوي عبدالرحمن عبدالعزيز اول شي شكرا لك علي تعديل كلمة ان شاء الله وبيض الله وجهك
وثاني شي جزاك الله الف خير يا غالي علي التوضيح
ولا عدمناك