البعير يمشي ويطيح
 

السلام عليكم عندنا جمل هرش جاه بلي البعير قومتة من قدام ثقيلة واذا اطلقنا بدون قيد وهجار يدوده وممشاة ممشى الرجال السكران ومرات وهو واقف يطيح على جمبة طيحة قشرة مع العلم انه مو قلب عصب والبعير صحتة عال العال ياكل ويشرب وسمين

الاخ عبد الله
ارجوا الاهتمام في بعيركم يعني الروحه والجيه خلها عادي

1 -البعير يضرس
2 -لا وقفت وقدام البعير تشوف ميلان من مطلع الرقبه ( الرقبه ماهي مستقيمه الى الامام )
3 - البعير وش سنه

ممكن يكون طير

ارجوا سرعت الرد
اخوك

هلا يابن مرخان البعير رقبتة زينة وان مشي مع البل لا يجنب ولا يطلع منها اما الضراس اى بالله يضرس ورقتة زينة وبناته رباع البعير البلي والله اعلم انه فى يدينة رحنا للدكتور وعطانا ابرة لون دواها ازرق وعطانا اربع ابر وعطيناها الجمل وهذا حالة ترى له الحين من 3\3 انجليزي يعني 5 شهور وسلامتك وتعيش

عبدالله العازمي
اولا اشكر مشرفنا فيصل بن مرخان حيث وفر ت اسئلته بعض الاجوبه
مايستاهل الهرش بعيرك بحاجه لفيتامين B1وفيتامين E SELENIUM ثلاث جرعات من كل نوع وعليك بالتمر او الدبس

الله يجزاكم خير ويرحم والديكم

الله يجزاك خير أخوي عيد المنصوري

يالربع ممكن اعرف شلون اعطيه التمر يعني احطة بالعلف والا مع الماء والا القمة تلقيم

اخي عبدالله
يمكن اعطاء التمر بأي من الطرق اللي ذكرت