|
الفزعه يامال الشحم بكرهـ حدمّانه !! السلام عليكم ورحمة الله وبركاته مسيكم بالخير يالربع اخواني شريت لي بكره حقه فاخره بمبلغ غالي قبل اسبوع وعزلتها في شبك ثلاث ايام تقريبا عند الابل قلت ابيها تزين ومنها توالف المهم في يوم من الايام لاحظت شعفتها مع جنبها منتوف منها قلت يمكن من الابل مع ان مشكك لان الشبك رفيع والابل عندي مابها نتف ملحوظ هل من الممكن البكره تنتف عمرها الشئ الثاني امس وقفت وحده من البكار تمعّك ع الشبك ونتفت البكره من شعفتها زبدة الموضوع ان البكره طلعت تنتف مع انها عند راعيها ماكان هالطبع فيها هل لاني عزلتها في شبك لحالها خلاها تحّدم مثلا وتنتف عمرها والبكار اللي تجيها تمعك !!!! ياليت من له تجارب في هالموضوع يوافينا بالعلوم ويعطينا الاسباب وطرق العلاج لاهنتوووا والحين وش الطريقه المناسبه اللي ممكن استخدمها في مثل هالحاله وجعل الله مايريكم مكروه في عيالكم وحلالكم اخوووكم / قرناس |
رد: الفزعه يامال الشحم بكرهـ حدمّانه !! الله الله ياخوي من الشبك انا عندي قعود طيب عازله عشان نسمنه واشوف وبرته منتوفه واثره ينتف وبرته ورحت لطبيب بيطري عطاني شراب جالون 3 بيالت مع قارورة ام ريال ماء لمده 10 ايام والحمدلله زان وتغير تلقها في ثاني صيدله في الجنادريه وانت وجهك شمال عند الدكتور ياسر دكتور 100 با100 موفق |
رد: الفزعه يامال الشحم بكرهـ حدمّانه !! هلا يا قرناس بجاوبك على اسألتك هل من الممكن البكره تنتف عمرها ؟ نعم ممكن تنتف عمرها . هل لاني عزلتها في شبك لحالها خلاها تحّدم مثلا وتنتف عمرها والبكار اللي تجيها تمعك ؟ أحتمال كبيران هذا السبب لكن لا فكيتها معهن وشفتها تنتف تأكد انه طبع فيها او أن عندها نقص أملاح ياليت من له تجارب في هالموضوع يوافينا بالعلوم ويعطينا الاسباب وطرق العلاج لاهنتوووا أن شاء الله يتفاعلون معاك الأخوان وينقلون لك تجاربهم . والحين وش الطريقه المناسبه اللي ممكن استخدمها في مثل هالحاله ؟ حطلها ملح بشبكها واذا والفت البل وفكيتها معاهن ولقيتها تنتف من البكار رش على أشعاف البكار اللي تنتف منهن فلفل حار مطحون . وأن شاء الله الأخوان اللي عندهم تجارب يفيدونك |
رد: الفزعه يامال الشحم بكرهـ حدمّانه !! لا هنت ياصالح على الرد والمشاركه وجعلك تشوف بنات قعودك يسرن الناظر لاعدمناك وتجربتك وصلت اخووي :) |
رد: الفزعه يامال الشحم بكرهـ حدمّانه !! يابندر جزاك الله خير واشهد انك كفيت ووفيت ياالنشمي جعلك ذخر |
رد: الفزعه يامال الشحم بكرهـ حدمّانه !! جلل البكره ياقرناس وهذا احد الحلول |
رد: الفزعه يامال الشحم بكرهـ حدمّانه !! امرها بسيط عليك بالجلال وانا اخوك والملح وطلق البكره مع الابل وان كانك شفتها تنتف البل عزلها بس لاتوطي الجلال عنه |
رد: الفزعه يامال الشحم بكرهـ حدمّانه !! ياخوي فـك البكره مع البل تسرح وتضوي وخل العين عليهاا ان كنت بصفه مستمره مع ابلك أو العامل . وخلها توالف البكار .. وينطلق نظرهاا .. ويزين خاطرهاا .. وفكها من السجن اللي هي فيـه . وهذا العلاج بأمر الله |
رد: الفزعه يامال الشحم بكرهـ حدمّانه !! اول شي جلل البكره وحطلها ملح الابيض الخشن وخلها معزوله لين تنسى هالطبع ======================= في طريقه ثانيه حطلها الفلفل المطحون تحصله في البقالات شربه شوية ماء وحطه على شعفتها وخلها تذوقه وتصد وحط على وحده من البكار وخلها تدخل معها الشبك وتذوقه وبكذا تصد عن نتف الوبر كله بس هالطريقه يبيلك تستمر معها كم يوم |
رد: الفزعه يامال الشحم بكرهـ حدمّانه !! اقتباس:
عطاك العلم اللي ما عاد وراه كلام |
رد: الفزعه يامال الشحم بكرهـ حدمّانه !! جعل من اخركم فالجنه وابشركم فكيت البكره مع امهاتها وان الله تم لها مابها خلاف |
رد: الفزعه يامال الشحم بكرهـ حدمّانه !! اقتباس:
|
رد: الفزعه يامال الشحم بكرهـ حدمّانه !! الله يبركلك بمعطاك والمسلمين اجمعين اخوي ليتك تذكر لنا اسم الدوى لنا محتاجينه ويستفيد اكثر عدد ممكن من الاخوان |
رد: الفزعه يامال الشحم بكرهـ حدمّانه !! يالبقمي الله يعافيك اذكر لنا اسم العلاج |
رد: الفزعه يامال الشحم بكرهـ حدمّانه !! مثل ماقال التميمي جللها ولا تفكها مع البل نصيحه عشان ما تطبعها |
| الساعة الآن 50 : 09 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |