|
طلب المساعده ياخوان السلام عليكم ورحمة الله وبركاته اشكر الاخوان الكرام على هذا الموقع المميز، والخاص باللابل ومستلزماتها، واستبيحكم عذرا بالسؤال، انا اخوكم من الامارات العربية المتحده، وحاب اني اقيض الركاب هذا الصيف في المملكه، ركابي ركاب ركض ما هي مزاين، فحاب اعرف وين ابرد مكان في الصيف، هل هي الطايف او تبوك؟ ومن ناحية الاعلاف، وين ارخص؟ ونظام الجت اللي متداولينه في المنتدى هل هو الجت اليابس، اللي معروف عندنا في الامارات بالجت السوداني؟ وبعدين الشعير، كم وزن الكيس وكم قيمتها؟ وهل يباع الجت الاخضر من المزارع وبكم؟ ارجو المساعده من الاخوان الكرام في هذه الاستفسارات. اخوكم في الله بوسيف. |
رد: طلب المساعده ياخوان ينقل للقسم المختص |
رد: طلب المساعده ياخوان اطيب مكان للمقيـض ( ميدان الطائـف ) والاخوان من قطر والامارات الحبيبه اهل الهجن معظمهم يقيضون هنـاك .. ومرحبا ومسهـلا مليـوووون .. وكل شي متوفر وفي متناول الجميـع .. والجو امطار وبراد ونعمه من اللـه .. والعزب بإمكانك تستأجر عزبه واسعارها مناسبـه جداً .. كذلك العماله متوفره .. والسباقات ستكون قويه هالسنـه . .. ونتشرف بك يابوسيـف فالطائف وفي خدمة الطيبين شرواك |
رد: طلب المساعده ياخوان المكان عطاك علمه ابو ذعار اما باقي العلوم باعطيكياها الشعير سعره 40 تسعيرة الحكومه خمسين كيلو البرسيم اخضر الصره حسب حجمها والحصاد صيف وشتاء في الصيف يرخص والشتاء يغلى ان رخص .... بنص و بريال وان غلى ..... بريال ونص و بريالين وللكميات اكيد اقل تتفق مع المزارع يوفرون لك في كل ديره اسعار وهذي تسعيرة الرياض فقط اما الطايف لا اعلم |
رد: طلب المساعده ياخوان صبحكم الله بالخير يا اخوان نوره مشكورين على الرد على الموضوع وما قصرتوا. بياض الويه عليكم، وفالكم وفالنا الناموس . |
رد: طلب المساعده ياخوان السلام عليكم ورحمة الله وبركاته، الاخ الكريم مشعل البرقاوي، كيف الحال يا خوي؟ انشالله انك طيب. اقول اخ مشعل، انا عزمت اني اقيض انشالله في الطايف، بس تراني اول مره اجيها، وخبرك نحن اسعوديه حدنا المنطقه الشرقيه والنعيريه ومكه والمدينه، فاذا اتعرف حد من اخوياك في الطايف والا انت من هل الطايف، تراك بتسوي خير فينا وادلينا على الترتيب هناك. انا واحد من خواني ببعثه عشان ايرتب الامور قدامنا، مثل تاجير العزبه و توفير الطعام للهجن، يعني ترتيب الامور الاداريه كلها، فياليت لو تقدر اتساعدني على هل الموضوع، واتعطيني رقم تيلفون اتواصل معاه وايدلينا هناك وين المكان بالضبط وانرتب معاه. بكون شاكرلك كثير يا اخ مشعل، ويعله انشالله في ميزان حسناتك. اخوك بوسيف. |
رد: طلب المساعده ياخوان وعليكم السلام ورحمة الله وبركاته يابوسيـف الله يحييك وابرك الساعات .. والامور متيسره بإذن الله العلي القدير وابشر باللي نقدر عليـه .. وهذا حق وواجب .. والله يحييك ومرحبا بك تراحيب المطـر . وذا رقم جوالي : 0557000364 ونتشرف بخدمتك وخدمة الطيّبيـــــن . وأنت من شعبً عليّ فضل كبير منه ولايمكن اوفيهم حقهم . أخوك |
| الساعة الآن 13 : 09 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |