منتـديـات مــزايـن - ودي مع البل ما رقات النسانيس ((قصيده رووووعه))

منتـديـات مــزايـن (http://www.mzayan.com/vb/index.php)

- الوسائط المتعددة لمزاين (http://www.mzayan.com/vb/forumdisplay.php?f=105)

ودي مع البل ما رقات النسانيس ((قصيده رووووعه))

يالله من قلب عرفت اختياره
وده مع البل مارقات النسانيس
الي تذكرت الرخاء والحضاره
طرى علي شوف البكار المعابيس
لا احد يقول مشترى البل خساره
البل ذهب ويساق فيها قراطيس
كم شيخ قومن تجذب البدو ناره
من دونها حامت عليه القرانيس
والبل مع الناموس فيها تجاره
زود لقوت كاسبين النواميس
الطيبين اهل الوفاء والنماره
زادو لها الاثمان وارخو لها الكيس
لا باس في فوز وزين العماره
لا شك راعيها بقلبه هواجيس
مهونة لا من شكى حيف جاره
يصبح من الضيقه بقلبه حواسيس
والبل توسع له منازل دياره
وتبعد همومه مبعدات المراويس
لا شد راعيها عليها قشاره
تقطع به الفرجه بليا منافيس
ياخذ لها في كل بر سفاره
يمشي بها في غادر ما بعد ديس
عقب الحيا التالي تجدد خضاره
ما فيه قبله كود جرة عواسيس
والناس كل عند ربه وقاره
ناس على خير وناس مفاليس
واستغفر الله عد هادف مطاره
واستغفر الله واستعذبه من بليس