|
وش علاج الجذام أو الجثام السلام عليكم ورحمة الله وبركاته اخواني الكرام انا عندي حاشي في بداية الامر مرض وجاه الجذري في جسمه وحراره خلته يبرك كم يوم وعالجته بخافض حراره ومضادات وسلم الحاشي ولكن بعد ذلك في اسافله بداء يظهر لي فيه مثل الجرب وكن طري ماهوب يابس مثل الجرب وعطيته ابرة جرب وعدتها عليه بعد اسبوعين ولم يسلم الحاشي من هذا المرض بل زاد في مواقع اخرى في جسمه مثل اجزاء بسيطه من نحره واجزاء بسيطه في رقبته ولم اعرف هالمرض وصفته لرجال وقالي هذ جذاع او جثام يأتي بعد الجذري وطالما انه سلم من الجذري ومن الحراره وتعدت ياخذ وقت ليما يسلم من الجذاع بيحت وبره كله وبعدين يسلم بسألكم وش هالمرض ووشنهو علاجه الله لايهينكم وحسب معرفتي انه ماهوب معدي وحسب ماوصلني ايضاً فهل هذا صحيح |
رد: وش علاج الجذام أو الجثام يقولون له كويه راس الذنب مع العصعص بس من تحت جهة المدمن لكن عند واحد من الربع وكواه ولا كن ما تحسن وناوي ارسله للجامعه في الحساء |
رد: وش علاج الجذام أو الجثام أنصحك بالجامعة ولا خذ عينه من الدم وأفحصها وبيعطونك العلم الصحيح وانتبه لا يكون معدي أعزله بالفتره الحاليه حتى تطلع النتيجة |
رد: وش علاج الجذام أو الجثام مشكور يابو فالح على التجاوب السريع ومشكور اخوي بندر على هذه النصيحه المرض حالياً له ثلاث شهور وانا اعالج فيه من مضادات وكل شي مافاد وحصنت الي معه بمضادات اول المرض وسلمو ولاعاد جاهم شي من فضل الله لكن ابي اعالج هالمرض وانتظر تجربت احد الاخوه |
رد: وش علاج الجذام أو الجثام الجذام يكوى من عند حد الرقيه مع الراس (مثل مذبح الطلي) بطول الحد ويحلق على المفاصل اليدين والرجلين وعلى منبت الذنب وان شاالله انها تطيب |
رد: وش علاج الجذام أو الجثام هذا ماهو جذام الجذام يسمى عند البيطريه تسمم دموي وهو عباره عن فايروس يصيب الجهاز التنفسي وعادة يجي مع التغيرات الجويه في بداية الصيف وعلاجه متوفر عند البيطري والايام هذي وقت التحصين منه وما تشوف شر |
رد: وش علاج الجذام أو الجثام الجذام مرض معروف عند اهل الابل . يصيب الابل في جلودها ينفخ الجلد ويحت الوبر ويظهر جروح على الجلد . المهم انه يعالجونه الباديه بالكوي في عدة مناطق في جسم الناقه ويكون الكوي واضح ومشوه. العلاج اللي انا جربته بنفسي لايختلف عنه كثير لكنه كوي في منطقه غير واضحه وهو خرق اذن الناقه في قاعة غضروف الاذن (الاذاني الثنتين) بمكوى صغير حجم الخلال او اكبر شوي بعد عشرة ايام شف النتيجه انا جربته بنفسي في ناقه بكر بعد ماتمكن المرض منها وبين في جسمها كله ونفع ولله الحمد منقول |
| الساعة الآن 39 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |