|
أرجـوا من اهل الابل الدخول ضروري!!! السلام عليكم ورحمة الله وبركاتة يالربع انا عندي جذعة واضربتها يجي اربع مرات ومالله كتب لها عشار واللحين لاشافت البعير هجت وقامت ترد البل و بعدها تبعد من البل لحالها وماتبي البعير وأذا حديتها على البعيرماتشاول ويبيها البعير وأدخلها في شبك وعقلها للبعير واذا طرحها ترغي وتوزر وتشاول وهي بارك وكله خوووف وأذا استشملها البعير انسدحت ماتبيه ياستشمل . ولذا اللحين ماعرفت والله وش طبها اخاف تفدر البعارين ومكتب الله عشارها وتروح الزمان ذاه حايل واللي يعرف له ياأخوان طب يعلمني به ؟والا من مرت عليه ذاه الحاله يعطينا تجربتة!! |
رد: أرجـوا من اهل الابل الدخول ضروري!!! حياك الله ارسلها لمستشفي الحسا ولا تخلي احد يتعبث فيها |
رد: أرجـوا من اهل الابل الدخول ضروري!!! أرحب يا نوااااااااااااااااااااف ،،، أعلم أن ماختاره الله لك أبرك وأفضل مما ستختاره أنت لنفسك خل البعير معها في شبك وبيسنعها لك . الله يكتب لك الخير والخيره |
رد: أرجـوا من اهل الابل الدخول ضروري!!! جزااااااكم الله خير جميع وأشكركم اخواني فيصل الرويس و طلال الروقي بالنسبة لارسالها لمستشفى الاحساء ماأقــدر لضرووف العمل بالرياض |
رد: أرجـوا من اهل الابل الدخول ضروري!!! فتشها يانواااااااااااااااااااف أمكن فيها ذيخ تراه يرد العشار |
رد: أرجـوا من اهل الابل الدخول ضروري!!! فتش عنها اكيد فيها صيييييد عسى الله يكتب اللي فيه الخير |
رد: أرجـوا من اهل الابل الدخول ضروري!!! اعزلها في شبك وخل البرسيم نافع عندها لمدة اسبوع وفتش عنها الصيد وبعد هالاسبوع أعقل يدها وفك البعير عليها وآن شاء الله تعشر |
رد: أرجـوا من اهل الابل الدخول ضروري!!! ممكن فيها صيد الله يرزقك منها ما يسرك |
رد: أرجـوا من اهل الابل الدخول ضروري!!! ارحب يانواف , الله العالم انك عسرت العجم واضربتها وهي ماهيب ميسر وهذا والعلم عند الله هو اللي ماخلاها تعشر وتروح يسرتها , لاعاد تعقلها للبعير البكرة ماهيب ميسر هذا الواضح من كلامك, ارخ عليها البرسيم وخلها تمسي مع البعير وان كان خليتها للزمان الجاي ترى الضراب ان الله احيانا واحياك بعد خمسة اشهر وهو افضل وفقك الله يانواف |
رد: أرجـوا من اهل الابل الدخول ضروري!!! اقتباس:
يالربع ترى راعي البل ما يعسر الناقه لا تفك على المطيه الا اذا هواها البعير وهير هوت البعير |
رد: أرجـوا من اهل الابل الدخول ضروري!!! يا أخواااااااان الناقة الفتاة مايجي فيها صيد ،، يجي فيها ذيخ ،،،، |
رد: أرجـوا من اهل الابل الدخول ضروري!!! كلام اخونا العاطفي صحيح .. ولاتعسرون البل على الظراب يامسلمين هد فحلها فيهاووكل الله اما بكرتك لاتعسرها ان يسرت ذالزمان وشفت مواري يسرتها فأضربها ولا خلها للزمان الجاي احسن وأبرك سوااالم |
رد: أرجـوا من اهل الابل الدخول ضروري!!! أشكر الجميع على مرورهم على موضوعي وتجاوبهم مع الحالة التي مرت علي وبالنسبة للناقة ترا اول اظراب لها كانت ميسر وتبي البعير والبعير اللي حولي مايعرف يطرح لازم تعقل له وبعدها كل ماعرضناها على الفحل تبرك واخرتها قامت تنحااش عنها وترا ما اعرضها على البعير الا انها عاقبت البل بالهدير وتضرب خواتها أخرها قبل اسبوعين مريت الدكتور وعطاني ابره يسرة وقال لي بعد مرور 48 ساعة حدها على البعير وسويت اللي قالي ونفس الحال ترد امهاتها عن البعير واذا ماقدرت راحت لحالها بعيد عن البل واسوقها لين تجي الفحل وتبرك له بس ترغي وتشاول وتوزر وهي بارك؟ واذاا استشملها البعير انسدحت ولا يطول معها يقوم منها؟ |
رد: أرجـوا من اهل الابل الدخول ضروري!!! البكره مهيب بميسر وهذا السبب وكانك عجل فتش عنها للذيخ وإلا سدد حلقة الرحم وعطها إبرة اليسره إستروميت بالإسم مقدار 10 سم وبعد 11 يوم عطها بعد 10 سم وبعدها بيومين خلها مع الفحل وبتبرك له من حالها بعض الأطباء البيطريين يقول تعطيها بس 5سم لكنها ماتكفي أبد هذا اللي سويته بجذعه عندي وأبشرك إنها معشر الحين لها شهرين تحياتي |
رد: أرجـوا من اهل الابل الدخول ضروري!!! لاهنــــت أخوي مشبب القحطاني |
| الساعة الآن 16 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |