منتـديـات مــزايـن - ألسعودي و ألسعودي

منتـديـات مــزايـن (http://www.mzayan.com/vb/index.php)

- الأسئلة والإستشارات (http://www.mzayan.com/vb/forumdisplay.php?f=91)

- - ألسعودي و ألسعودي (http://www.mzayan.com/vb/showthread.php?t=4615)

فهد العجمي

29 / 07 / 2007 34 : 04 AM

ألسعودي و ألسعودي

الاخوه الاعزاء

السلام عليكم ورحمة الله وبركاته ... ارجو منكم جزاكم الله خير ان تخبروني بالاتي ولا عليكم أمر.

اولآ: انا اسمع عن الفحل المسمى بالسعودي للامير فيصل بن سعود وايضآ السعودي لبادي بن وديد المرشدي العتيبي
هل هو نفس الفحل انتقل من شخص لشخص؟

ثانيآ:اللي يعرف شي عن انتاج السعودي لبادي بن وديد شي يدلي بدلوه . وشكرآ لكم

مبارك المري

29 / 07 / 2007 38 : 06 AM

الله يحييك يافهد

وانشاء الله تجد جوابك عند الاخوان

وتم النقل الى قسم الاسئلة والاستشارات

سلطان المطيري

29 / 07 / 2007 52 : 09 AM

الله يحييك يافهد

وانشاء الله تجد جوابك عند الاخوان

حمد الغواص

03 / 08 / 2007 09 : 10 AM

وفي انتطار المزحمي او الاخ عبدالرحمن بن عبدالعزيز

عبدالرحمن عبدالعزيز

07 / 08 / 2007 47 : 02 PM

حياك الله اخوي حمد
اللي اعرفه ان السعودي بعير الامير فيصل بن سعود وانا ما قد شفته بس اسمع به
وليس لدي علم اذا انتقلت ملكيته الى بادي بن وديد ولكن :
بالرجوع للصور اللي عرضها الاخ فزاع عن الفحول اللي فازت بمزاين نوفا ومنها بعير بادي فاني اعتقد ان لما اكن مخطاء بان شاهد الامير سعود بن محمد على البعير وهو مطرق بعلو الفخذ الايمن اذا البعير المقصود هو اللي شارك فيه بادي بمزاين نوفا
والصوره المرفقه هي لبعير بادي بعد اذن الاخ فزاع

http://www.mzayan.com/vb/images/uplo...85b416db28.jpg

وتقبلوا تحياتي

عبدالله بن مخلد العتيبي

07 / 08 / 2007 50 : 11 PM

وعليكم السلام ورحمة الله وبركاته

ارحب يافهد على ماعتقد انها تشابه اسامي

وبعير ابن وديد اللي شاركبه في في مزاين سلطان بن محمد في الصياهد هذا البعير شاريه ابن وديد من العونه على ماعتقد انه شاريه من حشر بن عون ولاباعه بن وديد
اما من ناحية هل اسمة السعودي ماعندي خبر
تقبلوا تحياتي

فهد العجمي

08 / 08 / 2007 44 : 04 AM

الاخوه الاعزاء . السلام عليكم ورحمة الله .

اشكركم على تجاوبكم وردكم على استفساري وهذه المداولات لها فائده لجميع المهتمين بالابل .

وانا ايضآ احب ان اشارك بمعلومه وصلتني . وهي ان البعير السعودي لبادي بن وديد سيم بمبلغ (5000000) خمسة ملايين ريال في اليومين الماضيه ويقال ان انتاج البعير طيب وبيع من انتاجه باسعار عاليه الله يبارك لراعيه فيه ويعطيه خيره ويكفيه شره ويبارك للجميع .ولم احصل عن معلومه عن السعودي الثاني .

بندر مطر البقمى

08 / 08 / 2007 02 : 08 AM

الاخ فهد الاخوان الاعزاء
السلام عليكم ورحمه الله وبركاته
احب اشارك معكم وحسب علمي ان بعير بادي بن وديد المرشدي العتيبي
ان اسمه عليان ولاكن اذا غيرو اسمه الله اعلم
اخوكم بندر البقمي,,,,,,,,,,,,,,,,ابو مطر

فهد العجمي

09 / 08 / 2007 35 : 04 AM

الاخ بندر الاخوه الاعضاء... السلام عليكم ورحمة الله

انا استفسرت من اللي اعطاني المعلومه السابقه وقال لي ان البعير الموجود عنده اسمه السعودي وابوه هو اللي اسمه عليان وان عليان غير موجود عنده الان .
لكن انشاء الله ان الله احيانا اذا زان الجو بروح لمكانه واشوف بعيني واستفسر من راعي الحلال واللي بيخاويني الله يحييه

الساعة الآن 22 : 01 AM بتوقيت مسقط

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant