|
الفزعه ياهل الفزعات السلام عليكم ورحمه الله عندي حواره مالوده لها ثلا ث ايام جارها من أمها لان أمها ديدها خربان واعطيها لبن خلفتين عندي صارلها شهر وامورها طيبه لين جا ثالث يوم الصبح وعطيناها لبن مصغر لها اربع ايام شربت ربع لتر تغريبا وعافته من بعدها الحواره تعبانه وطايحه ماتقدر اتقوم لين اقومها وتقف وعطيتها الضهر حليب ولا شربته وقست الحراره وحصلت فيها حراره العصر شربت مرضاعه وخرجت مثل العق اسود واذا وقفتها ماتبرك طيح |
رد: الفزعه ياهل الفزعات مساك الله بالخير لاعاد تغير عليها الحليب حاول انك ترضعها من ناقه واحده فقط ومدامه ظهر منها مثل العق الحمد الله حذفت بالشر حاول من الصباح تسقيها ماء بارد ولا عاد تكثرون عليها من الحليب وجعلك ما تشوف شر |
رد: الفزعه ياهل الفزعات لاهنت ياسيف جعل والديك في الجنه |
رد: الفزعه ياهل الفزعات الاخ فالح مع كلام الاخ سيف لا تغير الحليب على الحوار تراه يضره ولا ينفعه لكن انتبه لا يكون حوارك عاكم من كثر الحليب لا تعطيه حليب او غيره حتى تتأكد من عملية الأخراج وهذا رابط لموضوع سابق قد يفيدك http://www.mzayan.com/vb/showthread.php?t=6312 |
رد: الفزعه ياهل الفزعات ما دام تقول العق طالع ما قدامها الا العافيه لكن ابدلك على طريقه افضل وانظف من الرضاعه روح للسوبر وخذ من عنده اكياس نايلون حجم صغير وحط الحليب فيه واخرمه من الطرف بشوكه وحطه ففم الحوار وبعدين ارم الكيس هذا فراي انظف من الرضاعة يمكن تتلوث ويجي للحوار تتسم خذها من مجرب |
رد: الفزعه ياهل الفزعات تغير الحليب خطر عل الحوار الأنسب انك تشوف لك خفوت وتركب الحوار عليها |
| الساعة الآن 22 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |