مانبي دمــــــعك
 

[poet font="Simplified Arabic,5,darkblue,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
احفظي باقي دموعك وفري كل الشجون..
والحكي منك خسارة ودي اني مسمعه..
ادري انه كل قلب(ن) بالهوا يمكن يخون..
لكن انه صعب مثلي شخص مثلك يخدعه
اقنعي قلبك بفرقا واتركي قلبي بهون..
حتى انا ياوجد عمري في فراقك بقنعه..
بعد غيرك لي يهون وبعدك انتي مايهون..
ومن بذل عمره بوصلك كيف يقدر يقطعه
لاذكرت العمر دونك كيف حاله يالفتون ..
كيف يبدا فجر وانتي في حياتي مطلـــعه..
لاظلمت دنياي عقبك وابتدى ليل السكون..
من يخاشر حزن قلبي من يواسي مدمعه..
من يرجع ضحكتي لاصرت بالضيم امغبون..
من يفك القلب عقبك والمصايب تصرعه..
لاظهر ذاك المحيا ماقوت ترمش عيون..
وقفت كل الحكاوي و الخطاوي تتبعه.
ول عود(ن) لا تمثنى غصب عنهم يتبعون.
والجمال اللي ملكته كيف عدى برقعه

لانتثر ليل(ن) حبسته فوق راسك للمتون..
حارت النظرات حتى في ايدينك ترفعه

اما انا من كان وافي دايم(ن) قلبه يصون..
ماعرف طعم الخيانه لين قلبك جرعه
ماسمعت الهرج فيك ولا لحق قلبي ظنون..
و كل شك(ن) لاقربني كان قلبي يقمعه
لو يكون الجرح هين كان في جرحك تمون..
لو يكون العذر بين قلت ياقلبي طعه
لو يكون الدمع منك جرح اطراف الجفون..
كان زلتك بتعدي ووامر ربي من سعه
لكن انتي من يلون للخيانه الف لون..
ومن سلك في وسط جاشي الف دربن يقلعه

من يكون اللي سكن في وسط قلبك من يكون..
و من طمع يملك غلاك؟؟ ومنهو اللي طمعه..
منهو اللى زاد جرحي ثم ملا قلبي طعون..
مايزيل الحزن شرحي دام انا عايش معه..
راضي (ن) بالهم كله ماطلبت اليوم عون..
عندك اللي لاطلب عونك تجيه وتنفعه..

هامتي يابنت تعلا فوق براق المزون..
وهيبتي يابنت تحدث في عظامك قرقعه..
احفظي دمعك بعينك مانبي كل الشجون..
والحكي كل الحكي ماهو بودي اسمعه..
[/poet]

الاخ الشاعر والكاتب

الاستاذ ناصر بن عطالله

اولا ارحب فيك اجمل ترحيب

ويا هلا بك ومرحبا ترحيبة المطر

مصافحة أولى جميلة ورائعة


تقبل اطيب التحايا

ودمت بود

أخوك

خــــــــــــالد السبيعي


العيبه..

فايز السجيمي


مروركم اسعدني..

وياهلا ومرحبا بكم...

الاخ :ناصر بن عطا الله
لقد قرات قصيدتك مرار ا وتكرارا من حلا وتها حقا انها قصيده شجنيه هادئة الايقاع متشحه بقوة المنطق والمعقوليه الشعريه
ادري انه كل قلب (ن)بالهوى يمكن يخون 0000 لكن انه صعب مثلك شخص مثلي يخدعه
لا ادري ما اذا اسمي هذا البيت الذي اخذنا بروعته الفنيه عن مفارقته المعنويه اخي ناصر انت شاعر جميل الا حساس قريب من القلب وكلامك ليس فيه ادنى تكلف وعفوي لكن العفويه احيانا تتناقض مع نفسها من دون ان يشعر صاحبها اهم ما في الوجدانيات يا اخي ناصر هو تضخيم قيمة المحبوب وليس العكس تضخيم قدراته الجماليه او الذهنيه ااااالخ
الاخ ناصر لقد امتعتنا بقصيده بلا ريب وشكراااا لك

الاخ ... عبد الرحمــــــن..


اشكرك على مرور وشهادتك وســـــام على صدر نــــــاصر بن عطــــــالله....


ولاهنـــــــــــــــــــــــــت............

جاســـــــــــــــــــــم الجربوعي..

مرحبا بك..

نـــورت الصفحة طــــال عمرك

ناصر بن عطالله


مرحبا مليوووووووون والله يحيك



وصح الله السانك على القصيده الرايعه



وما اقول الا بيض الله وجهك وتسلم يمينك على القصيده

المنصوري....


لاهنت على مرورك العذب....


وشاكر لك حضــــــــــــــــورك..

صح لسانك اخوي ناصر ولاهنت على ذا القصيده الزينة

ناصر بن عطالله


مرحبا مليوووووووون والله يحيك



وصح الله السانك على القصيده الرايعه



وما اقول الا بيض الله وجهك وتسلم يمينك على القصيده

اخوي ناصر بن عطا الله بيض الله وجهك وماقصرت ابيات في قمة الروعه والابداع