|
الفزعه يارجال السلام عليكم ،،، عندي ناقة لا كلت ولاشربت حتي ألما لها أسبوعين عطينها إبرة هيام وإبرة تنشيط الكبد وبشطناها من الحمام وعطيناها حبوب دود وكويناها من الجرح ولا فاد حالتها تعبانه والذبان عند خشتها الي مرت عليه الحاله لا يبخل وسلامتكم |
رد: الفزعه يارجال ارحب يا ذيب أنا أشور عليك بتحليل الدم بأقرب مختبر لديك |
رد: الفزعه يارجال بعد التحيه اللي في الناقه نوع من الهيام وصعب علاجه والله يعوضك خير منها عط الناقه علبتين كامله من علاج الهيام يسمى الخليجيه مره وحده |
رد: الفزعه يارجال يا خوي دائما ابدأ يالبنسلين الابيض ثم تطبب اذا ما فاد ونصيحتي اعطها20مل-20مل-20مل ثلاثه ايام وشف الفرق اذا ما قد جربته معها والله يشفيها ولا يخسرك |
رد: الفزعه يارجال اذا كانت حالتها صعبة بالمره واستنفدت كل التجارب والحيل ولم تستفيد عليك بالحية دور لك حية ثم هشم راسها وحطها في فمها وخلها تبلع الحية ثم خلك حولها سوف تترتفع درجة حرارتها اغسلها بالماء فقط وانتظر النتيجة ام السلامة او الموت مع التحية |
رد: الفزعه يارجال ان كان الناقه ملاقي والا شهرين وحولها واستبركت ويطلع من ثمها ريحه كريهه هذا تسمم حمل وعلاجه 1- لازم تعطيها فاتح للشهيه والا عندك النسكافيه مع البيبسي حق العايله 2- ابر الحديد والنحاس تحت الجلد 5 ايام 3- ملتي فيتامين بودره ملعقه في غرشة مويه صحه وتغرها فيها والا ملعقه مع لقام عجين 4-فيه محلول سكر مركز في الصيدليه تعطيها منه كل يوم مقدار كاس مويه تغرها فيه 3 ايام وان ما لقيته عندك دبس التمر المركز 5- ان كان الناقه مستبركه لازم تشوف لك ونش يقومها مع الصباح علشان تطلق ملاحظه اكثر الفيتامينات الي في السوق تجاري الله الله في الغالي سعره فيه وواصل مع الشباب ما هم مقصرين |
رد: الفزعه يارجال يمكن الناقه فيها هدب في فمها ملتهب .. وعلامته اذا قربت فمها ريحته شينه . |
رد: الفزعه يارجال مع اخوي حاتم |
رد: الفزعه يارجال ألاخ/ ذيب انا رايي توضح أكثر على شاان الربع يفيدونك أكثر: 1. حال الناقة ( سنها, قبل المرض معشر,على ضراب,لقحه ,......) شاريها جديد والا من حلالك 2. علف الناقة 3. تسرح والا في شبك. 4. وش الاعراض من بداء المرض إلى هالوقت 5. أستشرت فيها احد وشافها له خبرة ووش قالك فيها وانا مع الربع حللها دم واذا هي ناقة غالية عليك انصحك توديها لمستشفى الحساء ولا تتاخر. والله يشفيها |
رد: الفزعه يارجال اقتباس:
الأخ ذيب ارى انك عملت كل الاسباب لكن هل كشطت الجزء العلوي من فم الناقه يوم نظفت الهدب ولماذا كويتها عن الجرح هل انت متأكد بأنها مصابه بذلك ولا اجتهاد فقط وهل الناقه دايم باركة او تسدح على جنوبها ؟ عموماً انا بنقلك تجربتي لحاله مشابهه لحالتك تماماً لتعم الفائده لك ولجميع الاعضاء انا كانت عندي خلفه لها 20 يوم والد جتها اعراض ناقتك ولكن ازيد عليها البروك دايم لدرجة اني كل يوم اتوقع انها ماتت بصراحة ماخليت علاج طبي ما استخدمته ولا نفع شار علي شخص اجيب رجال يعالج طب شعبي وجبته لقينا الناقه فيها هدب ونظفه وملحه وكشط بالموس( الجزء العلوي من الفم) والغريب انه كوى الناقه داخل فمها يقول عرقين داخل الفم وكوى الناقه مطرق على المنحر ( اخر الرقبه) وكوها مطرق ايضاً على الكلى من كل جهه وقالي عطها ابره هيام فرنسية وخلها على البرسيم فقط لمدة اسبوع ومن ثاني يوم ولله الحمد الناقه ادور الماء وتاكل اكل خفيف تدريجياً حتى سلمت بعد الله ثم هالشخص اتمنى افدتك وأسأل الله ان يشفيها ولا يخسر عليك |
رد: الفزعه يارجال اقتباس:
لوصار عندي مثل ماصار عندك ماجاوزت هالشور الطيب الله يشفي ناقتك |
رد: الفزعه يارجال اقتباس:
ويمكن طال عمرك تشرح لنا كوى الناقه داخل فمها يقول عرقين داخل الفم وين بالظبط الكوي داخل الفم والعرقين في الجما والا الشدوق و لا اللسان اسئل الله ان يشفي ناقة الاخ صاحب الموضوع ولا يخسر المسلمين |
رد: الفزعه يارجال اقتباس:
الاخ سعيد نعم الجما وبالنسبة لمكان الكوي الله العالم انها بالشدوق لكن أبشر بكلم اللي كوى الناقه واستفسر عن مكان الكوى داخل الفم بالضبط واردلك أول مايرد علي |
| الساعة الآن 40 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |