رأيكم بالقعود
 

أخواني أعضاء المنتدى
السلام عليكم ورحمة الله وبركاته
هذه الصور لقعود طيب وعمره لايتجاوز 6 أشهر
وهو من أصل طيب.. وخواته بيعن على 800000 ألف في حفر الباطن
وأنا بهذا الموضوع أطلب رأي أهل النظر..
ولكم مني جزيل الشكر والعرفان.



http://www.mzayan.com/vb/images/uplo...0ecb30404e.jpg

http://www.mzayan.com/vb/images/uplo...0ecb32ff4e.jpg

http://www.mzayan.com/vb/images/uplo...0ecde57465.jpg

http://www.mzayan.com/vb/images/uplo...0ecde81425.jpg

هذي خوات القعود من امه
اللي بيعن على 80 الف

http://www.mzayan.com/vb/images/uplo...103c27c26c.jpg

http://www.mzayan.com/vb/images/uplo...103c2ab819.jpg

الله يبارك فيه

بدون مجامله القعود طيب ومشربه وسط

بسم الله الرحمن الرحيم

اذا على العمر الي تقول يعتبر حاشي بالعاميه او مخلول

وحني بالعاده ما نحكم على وجهه بالوقت الحالي ولاكن انحط

مواصفات وانتفائل فيها مثل العرقوب والرقبه والغارب واذا انفرد يبين اكثر


وبالنسبه للقعود غاربه زين ورقبته زينه وعرقوبه مهو زين والراس ما عليه بالنسبه لحاشي
ولاكن ما يميزه بالوقت الحالي الي الغارب واذا قسني الغارب بالسنام بيطلع سنامه متأخر وطيب

والقعود يلقى عمره قدامه وانشالله بيزين وخواته طيبات واذا تبي تفحله يتفحل لانه اصله طيب كما ذكرت انت

والله يبارك لكم فيه ويرزقكم منه

الحربي كيف الحال وفالك المليون
أما بالنسبه للقعود0
الحقيقه لابد منها أنه مايسواء شي ولافيه من الزين الذي يلفت الانظار ولكن ربما ألاصل يلحقه بعدين ولكن الواضح لنا الآن انه بعيد كل البعد عن مواري الزين 0
هذا وجهة نظري وكلآ له وجهة نظر خاصه به 0

براك الله فيك

الحقيقه انه القعود معاه صغر بالعمر ولا فيه من الموصفات الي تميزه ولكن الي يشتريه والله يوفقه يبي يصبر عليه

ويشوف محاسنه لامن اصبح جمل


مع تحياااااااااااااااااااااااتي أبن زعلان

براك الله فيك

الحقيقه انه القعود معاه صغر بالعمر ولا فيه من الموصفات الي تميزه ولكن الي يشتريه والله يوفقه يبي يصبر عليه

ويشوف محاسنه لامن اصبح جمل


مع تحياااااااااااااااااااااااتي أبن زعلان

باأخوان بدون مجامله أريد أن توضحون لي الشيء الزين الي بالقعود والشيء الشين الي بالقعود بالتحديد المشرب أو الغارب العرقوب ولكم مني جزيل الشكر

تحيه
 

الاخ علي الحربي

نسال الله لنا ولك التوفيق

بالنسبه لمواصفات القعود وانت طلبت الراي بدون مجامله

اقول

راس القعود ردي وتركيبة راسه ماهيب المطلوبه

ماله سبال وخشمه ردي واذنه رديه يعني ان القعود (ازقم)
يعني مايصلح فحل بالمره

رقبته قصيره و تعانقها وكذلك وضاحه ليس الوضاح المطلوب
وعرقوبه اركز ووبرته رديه

اما القعود وخلق الله سبحانه وتعالى كله زين
ماشفت فيه مواصفات الفحل

اما بالنسبه لاخوات القعود اعتقد ان اسعارهن فيها مبالغه كبيره

وكذلك انت ذكرت ان النياق خوات القعود من امه وماادري وش تقصد
هل يفحل القعود من ناحية الام ولا الاب

والمعروف ان القعود يفحل من ناحية الاب

واشير عليك انك تبيعه وتشوف لك قعود غيره

والرجاء من الاخوان البعد عن المجاملات والمدح اللي على غير داعي

هذا رايي فان اصبت من الله وان اخطئت فمن نفسي والشيطان

اخوك
المزحمي

لكم مني جزيل الشكر والعرفان
على ردودكم وآرائكم القيمة والطيبة

بكل صراحه القعود عادي لكن دام اصله طيب اصبر عليه لين يصير حق ان زان ولا بيعه بس فيه ملاحظه بعض الحلال مايزين لين يصيرحق او لقي وهذا ساس في بعض المرح والله اعلم

بيض الله وجهك عزالله انك قلت الصحيح

أنا مع أخووي المزحمـــي ...فالقعــود ينقصه كثيرمن صفــات الزين,,

وأنت طلبت المشورة بدون مجأمله ياعلي..

والله يبارك لك ويرزقك من واسع فضله

مرحبا ياعلي ....
ابعطيك رايي بدون مجاملة وانت اصلا ماعرضته تدور المجاملة
القعود مافيه من الزين شعره انصحك انك تبيعه لانك ماظني
بتلقى وراه ربح او فايده هذه وجهة نظري. وشكرا....

مع اخوي عبدالله بن مطلق