|
الفزعه يارجال بسم الله الرحمن الرحيم السلام عليكم ورحمة الله عندي ناقه الله يسلمكم لها شهر ليا مشت تقول تسحب براطمها في الارض مرخيه راسها مررره والاكل ماتاكل غير لقمتين خبز وتترك الباقي والاعلاف ماتاكلها مره وتجيها رعده في بعض الايام وتقول ترجع على ورا وتبي تطيح وجينا الدكتور وقال هذا الدبدبه وعطانا ابره ودقاناها ولا فاد اللي قد مرة عليها يفيدنا الله يجزاه خير ولا يسال احد يعرف |
رد: الفزعه يارجال مرض الدبدبه الله يكفينا شره ( هو اشبه مايكون بجلطه وهوهزه بالراس وعدم اتزان وتختلف من قويه الى متوسطه )وهذا المرض الخبيث ذبح لنا ناقتين وسلمت ناقتين من الله ثم علاج جربته ونفع .. وهو ( صعوط هندي ) وبعضهم يسمونه تنباك .. تلقاه عند العطارين ولا تحصله عند اي عطار.. وهو في علب صغيره معدنيه مغلفه بقرطاس وداخل العلبه طحين لونه احمر مثل الحنا وحار وطريقة استخدامه تحط ملعقه كبيره في علبة ماء ابو ريال وتعبيها ماء وترجه مظبوط ثم تصعطه الناقه في خشمها في كل منخر نصف مرتين فاليوم علبه الصباح وعلبه المغرب وبأذن الله بتشوف الناقه تحسن ولاتنسى تعطيها فيتامينات وحاول تطعمها بيدك تمر او فتات برسيم او شعير مجروش لاجل ماتدهور حالة الناقه من قلة الغذاء .. واستمر على العلاج لاتقطعه ابدا حتى تشوف الناقه طبيعيه .. لاني انا اول مابديت اعالج ناقتي الاولى كانت منسدحه ماتقدر تبرك وثالث يوم بركت وبعد اسبوع قامت ولا كملت خمس وعشرين يوم الا وهي طبيعيه مافيها الا العافيه .. اما الناقه الثانيه قطعت عنها العلاج بدري وصار فيها هزه واضحه اذا مشت بسرعه اودرهمت .. هذي تجربتي مع مرض الدبدبه واسال الله ان يشافي ناقتك وان شاءلله بس تلقى الصعوط لاني اظنه قليل عند العطارين .. وسلامتك |
رد: الفزعه يارجال |
رد: الفزعه يارجال بارك الله فيك أخوي حاتم العزيزي ونفع بك ,, وماتشوف شر ناقتك أخوي محمد الغنامي ،، وبشرنا عنهاا أول ما تتعافى لآن ها الطريقة محتاجينهاا الكثير من ملاك الابل ،، تحياتي لكـم ،، |
رد: الفزعه يارجال جزاك الله خيرا حاتم الله لايهينك على المعلومه المفيده |
رد: الفزعه يارجال بارك الله فيك أخوي حاتم العزيزي ونفع بك ,, وماتشوف شر ناقتك أخوي محمد الغنامي |
رد: الفزعه يارجال بارك الله فيك أخوي حاتم العزيزي ونفع بك ,, وماتشوف شر ناقتك أخوي محمد الغنامي |
رد: الفزعه يارجال جزاك الله خير يااخ حاتم وبيض الله وجهك وكثر الله من امثالك وان شاء الله ابشركم عنها حين تعافى |
| الساعة الآن 18 : 02 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |