|
نبي العلم الوكاد الله يجزاكم بالخير ياأهل الخبرة السلام عليكم ورحمة الله وبركاته عندي ناقتين ماعشرت بالرغم من أنها ضربت أكثر من 6 مرات واليوم جبت لها طبيب شعبي وأدخل على الناقتين ووجد الحلقه مسكره ووسعها وباقي الرحم والقراين سليمه وحط في رحم الناقتين ملح وعويدي وأنا بعد عطيتها مضاد تترامايسن في اللحم وعطيت الثنتين إبرة يسره إستروميت الألمانية بمقدار 10 سم لكل وحده بهدف التنظيف ومنع إنقطاع اليسرة (أبشركم صرت خبره في الإدخال علمني الرجال الله يوفقه وأنا في الخدمه يالربع:mwalat1::mwalat24:) سؤالي يالغالين متى يضربها الفحل بأمان بحيث مايضره الملح ولايضر النوق الإضراب:mwalat23:؟؟ اللي أعرفه إنه بعد عشرة أيام إلى إسبوعين أقل شيء لكن الرجال يقول بعد أربعة أيام أو خمسة يضربها الفحل مايضر:mwalat13::mwalat13:!!!! بغيت منكم يالمطاليق العلم الوكاد لأن الرجال اللي دخل على النوق خبرة وثقه لكن 4 أيام أشوفها قليل ولا ذا باللي أعرفه:mwalat24: تحياتي للجميع |
رد: نبي العلم الوكاد الله يجزاكم بالخير ياأهل الخبرة والله يامشبب ودي أخدمك وأخدم المطاليق شرواك..ولكن الخبره لك عليها شوي حتى ولو إني راعي ذود من السنين الغابره..ولكن مدام تقول إن الرجال خبره فتوكل على الله وإتبع تعليماته..وبإذن الله تعالى تشوف مايسرك.. تقديري وأحترامي.. |
رد: نبي العلم الوكاد الله يجزاكم بالخير ياأهل الخبرة اربع ايام وهد الفحل عليها وانا إلى غشيتك كلام الرجال وافي |
رد: نبي العلم الوكاد الله يجزاكم بالخير ياأهل الخبرة اقتباس:
شرواك الطيب يالقرم أرحب مدد بلا عدد يابن العم شرفتني بمرورك العطر |
رد: نبي العلم الوكاد الله يجزاكم بالخير ياأهل الخبرة اقتباس:
أرحب أرحب يالقرم إنت الوافي يالوافي شرفتني بمرورك العطر |
رد: نبي العلم الوكاد الله يجزاكم بالخير ياأهل الخبرة اقتباس:
كلام سليم 100% توكل على الله |
رد: نبي العلم الوكاد الله يجزاكم بالخير ياأهل الخبرة بعد اربع ايام وعلى مسؤليتي انا بعد الله يبارك لك فيهن ويتعاشرن |
رد: نبي العلم الوكاد الله يجزاكم بالخير ياأهل الخبرة أررررحب يالدكتور القادم :) بسألك .. هل الدكتور حط حبه داخل الرحم ؟؟؟ اذا حطها لاتضربها قبل 8_10 أيام . واذا ما حط شي مجرد ما ذكرته انت فتوكل على الله وضربها في اليوم الرابع .. والله يكتب عشارهن . |
رد: نبي العلم الوكاد الله يجزاكم بالخير ياأهل الخبرة اهم شي تضربهن وهن مجاسير ..انا اقول خل الابره تاخذ مجراها من التنظيف وزيادة الجسره يعني اقل شي اسبوع . |
رد: نبي العلم الوكاد الله يجزاكم بالخير ياأهل الخبرة يابو حماد صبحكم ربي بالخير في مثل هالامور معروفه لدى الكثير مدام انك تقول ماوضع حبوب تنظيف الرحم فالافضل حسب تجربتي السابقه في اكثر من ناقه تركها 10 ايام وهد الفحل عليها اما اذا وضع حبوب لتنظيف الرحم في الافضل بعد 15 يوم . ولكن يابو حماد كان ودي انك ما اعطيتها ابرة يسرة مدامها ميسرات من اول اره عليها من البرسيم والله يبارك لك وتشوف منها الانتاج الطيب |
رد: نبي العلم الوكاد الله يجزاكم بالخير ياأهل الخبرة بعد اربع ايام وعلى مسؤليتي انا بعد الله يبارك لك فيهن ويتعاشرن |
رد: نبي العلم الوكاد الله يجزاكم بالخير ياأهل الخبرة كلامه سليم وفيه ناس اعرفهم من ثالث يوم يعرضها على البعير ,,, الي يستخدم الطب الشعبي مايطول ام اذى حبوب الصيدلي تاخذ وقت حتى تتحلل في رحم الناقه ,,, وتقبل مروري يالسنافي ,,, |
رد: نبي العلم الوكاد الله يجزاكم بالخير ياأهل الخبرة انا دخلت عنياق ثنتين وحطلهن حبوب الالتهاب الدكتور بالاضافه الى ابره الالتهابات الترامسين وقالي نوخن بعد 10 ايام وبعد اسبوع نوخت النوقات ولله الحمد والمنه تلاقحن وعز لقاحن لاكن قبل المناخ بيومين عطيتهن ابره ليسره والحمد لله |
رد: نبي العلم الوكاد الله يجزاكم بالخير ياأهل الخبرة اقتباس:
أرحب يابن عصاي أكرمتنا بمرورك وشورك النير تحياتي |
رد: نبي العلم الوكاد الله يجزاكم بالخير ياأهل الخبرة اقتباس:
أرحب ياسعيد أكرمتنا بمرورك وشورك النير وجزاك الله يالخير على دعائك الطيب يالقرم تحياتي |
| الساعة الآن 49 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |