|
عاااااجل لمن لديه الخبره مشكوووراً السلام عليكم ورحمة الله عندي مفرود لوحظ عليه هذه الليله أنه يكح ويظهر مع دمنه أجلكم الله دم ..ماهي مشكلة القعود وماهو العلاج المناسب لمثل هذه الحاله..وللجميع الشكر العرفان.. أتمنى سرعة الرد والله لايهينكم مقدماً..:mwalat33: |
رد: عاااااجل لمن لديه الخبره مشكوووراً ارحب يابوناصر عساك طيب اجل عليكم برد امس وقبله؟ على العموم إبرة النحاز مهمه للكحه والدم اصبر عليه بكره وبعده وان شاء الله ينتهي خروج الدم دون اي علاج وباقي الاخوان يعطونا خبراتهم |
رد: عاااااجل لمن لديه الخبره مشكوووراً حياك الله الدم عادي عليك بابرة النحاز وانشاء الله مايشوف شر |
رد: عاااااجل لمن لديه الخبره مشكوووراً ماقصروا الإخوان الله يجزاهم خير ويشفي قعودك لكن إعزله بعد ماتعطيه إبرة النحاز لين يطيب عشان لايعدي بقية إبلك ولو تعطي بقية المفاريد جرعه وقائية مايضر تحياتي |
رد: عاااااجل لمن لديه الخبره مشكوووراً اقتباس:
اقتباس:
يامرحبا ومسهلا يامحمد الوهبي وياسليل المجد والطيب..وعزالله صدقت البارحه وقبله علينا برد مهوب طبيعي الهوا راكد والبرد يحول مثل فريز الثلاجه.. بيض الله وجهك وجعل شيبان خلفوك يردون حياض الجنه..قل آمين. بكره بأجرب إبرة النحاز وبإذن الله نتحرى من الله الشفاء للحلال وأهله..لاهنت يالسنافي. اقتباس:
اقتباس:
أرحب يابن حماد وياهلا وغلا بولد العم..واللهم أمين ويجزاك ويجزاهم كل خير..ووصيه منفذه بإذن الله وراح أعزله لحاله وباطعم المفاريد الآخرى بإذن الله..سلمت ولاهنت يالذيب.. وللجميع أصدق المحبه والتقدير.. |
| الساعة الآن 39 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |