|
لأهل الخبره افيدونا اثابكم الله السلام عليكم ورحمة الله وبركاته قبل انضمامي اخذت قرابة الشهرين اطالع المنتدى كزائر حتى تأكد لي انه الأفضل واعضائه الكرام هم من خيرة اهل البل فلي الشرف ان اكون معهم . اخواني لدي مشكلتين مع البل ( علماً انني جيد في هذا النشاط ولكن الحنين الى مكان عليه ابائي فهم اهل بل رحمهم الله ) الاول ان الهرش يسف التراب علماً اني رابطه حتى لا يهج البل . الثانية القرد وكيفية التخلص منه . اطلت من عشمي فيكم فأعذروني |
رد: لأهل الخبره افيدونا اثابكم الله حياك الله بالنسبة للهرش عطه ملح كل يومين وانشاء الله يترك هالطبع وبالنسبة للقرادن والحلم فيه جره - سم - تلقاه عند البيطري وفيه بخاخ عندهم تملاه ماء وتخلط مع غطاء من السم والسم نسبة 60% وانشاء الله ينقطع منها وسلامتك |
رد: لأهل الخبره افيدونا اثابكم الله لن انسى اخي عبدالعزيز ان هذه اول مشاركه لي ولن انسى انك اول من في المنتدى تفضل علي بكرم علمه اصلح الله لك الدنيا حلالاً وزادك في الأخرة نوراً وايمانا |
رد: لأهل الخبره افيدونا اثابكم الله حياك الله ياحاتم بين أهلك وأخوانك بالنسبة للهرش عطه ملح كل يومين وان شاء الله يترك هالطبع كلام سليم مئة بالمئة أما بالنسبة للقردان فعليك طال عمرك بالبخاخ الريد وحده بوحده .. مجرب |
رد: لأهل الخبره افيدونا اثابكم الله الف شكر اخي وسوف اعمل بنصائحكم اليوم بإذن الله |
رد: لأهل الخبره افيدونا اثابكم الله رحب ياحاتم الاخوان كفو ووفو وابشر بالاخوه اللي تنومسك في هالمنتدى |
رد: لأهل الخبره افيدونا اثابكم الله أرحب تراحيب المطر الإخوان ماقصروا وبعطيك اللي عندي بالنسبه للملح عطه الملح الأزرق المطحون في صحن ويكون عنده على طول لمدة إسبوعين وبعدين كل إسبوعين مره و علق له بعد مكعبات الملح في شبكه على طول ويفضل تعطيه شراب الدود في الماء الحين مره وبعد إسبوعين مره ثانية أو تستعيض عنها بإبرة الجرب الإمريكية مره واحده لأنها أفضل لقتل ديدان البطن بالنسبه للقراد عليك بالريد زي ماقال أخوي طلال ولو تقدر تحط لك عشر من الدجاج مع البل تراها تنظف المراح |
| الساعة الآن 39 : 04 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |