منتـديـات مــزايـن - مزاين الأبل ... للشاعر / كديميس العصيمي

منتـديـات مــزايـن (http://www.mzayan.com/vb/index.php)

- الوسائط المتعددة لمزاين (http://www.mzayan.com/vb/forumdisplay.php?f=105)

- - مزاين الأبل ... للشاعر / كديميس العصيمي (http://www.mzayan.com/vb/showthread.php?t=44715)

مزاين الأبل ... للشاعر / كديميس العصيمي

اهـل المزايـن عاقـبـو شـمـخ النـيـب @ وتـكــبــدة فـالـمـهـرجـان الإهـــانـــه
مـابـيـن تـدريــب ٍ ومـابـيــن تــأديــب @ ومابـيـن تقـريـر الـحـكـم وامتـحـانـه
وبين الشبوك وبين عوج المشاعيب @ ومــن لا لـقـي مشـعـاب بالخيـزرانـه
ومــن الجـفـال عيونـهـا كالمشـاهـيـب @ ليـاحـضـر جـمـهـور راعـــي فـلانــه
اللي على صالون واللي علـى جيـب @ واللي معه سوطـه ويشعـب حصانـه
والمـنـشـديـن يـلـحـنـون الـهـنـاديــب @ حتى تجـي الشيلـه علـى الأصطوانـه
فـي مهرجـان ٍ فيـه للضيـف ترحـيـب @ بـيــن الحتـيـفـه والــزبــاره مـكـانــه
لـكــن يـوجــد فـيــه عـــدة عـذاريــب @ يشوفـهـا المبـصـر ويسـمـع بـأذانــه
الـبـذخ للضـيـفـان عـنــد المـعـازيـب @ والـكــفــر بـالأنــعــام والإسـتـهـانــه
بأسم الكـرم حطـو وجـاب ومواجيـب @ وزود البذخ مـن كثـر حشـو الإعانـه
وكثـر المهايـط فـي كـلام اللواعـيـب @ وخسـران مــن قلـبـه يـقـوده لسـانـه
والنجـش والتطفيـف بـيـن الجلالـيـب @ والمشـتـرى والبـيـع يحـتـاج أمـانــه
ياليت لاجاء عرض حرش العراقيـب @ لــيــا كــــل ذود ٍ بــأولــه تـرجـمـانـه
يـشـرح مـعـانـاة أمـهــات الـدبـاديـب @ بلـسـان حــال الــذود يـشـهـر بـيـانـه
ويجـاب لـه قاضـي ليـا سألـه يجـيـب @ ونشـوف مــن تثـبـت علـيـه الإدانــه
للـبـل عـلـى الـوبـال عـــدة مطـالـيـب @ مـنـهـن محبـتـهـا وخـالــص حـنـانــه
ويتبـع هواهـا فالفيـاض المعاشـيـب @ لـيـا كـسـى عــرق شـعـبـا قحـويـانـه
البـل سعدهـا بـيـن عــردان ومغـيـب @ واليـا اكتـسـى واد الـرشـا بسعـدانـه
وبـيـن جبـلـه وذقــان وام المقـاريـب @ والا الــحـــوم لازيَـــنـــه ديــدحــانــه
مـثـنـاة نـجــد ومــرتــع ٍ للـحـنـازيـب @ الـلــي لـهــا فـــي مجتمـعـنـا مـكـانـه
كـانـت عدايـلـنـا ومـنـهـا المنـاجـيـب @ وكانـت علـى قـدر ٍ عـزيـز ومصـانـه
وندحـم بهـا فـوق الـعـدود الأجانـيـب @ ليا صـار نسقـي بالرشـا مـع شطانـه
مـثـل قـلـيـب الأيـســري فاللـواهـيـب @ ليـا صـار فـي حكـي شربـنـا خشـانـه

الشاعر / كديميس بن صالح العصيمي [/SIZE]