|
مطلوب حواره فرديه السلام على الجميع طلب مني احد الاخوان بكره فرديه مجهم ترقم رقم واحد في شبك التحدي بأي قيمه كانت و لاهو مقصر مع الي يجيب علوم البكره اذا شراها ممكن تراسلني على الخاص او هذا جوالي 0509888881 الرجاء من الاخوان البكره يجب ان تكون كفو كفو |
رد: مطلوب حواره فرديه اقتباس:
من ناحية يشرط ان الحواره ترقم بالاول في اشواط التحدي هذا شرط ماله سنع وانا اخيك جميع اهل البل اللي يشرون بغااااالي ويدورون النواميس ما يشرطون انها تاخذ الاول يشرون على نظرهم ولا نظر اعرف منهم ويداحنون الرجاجيل في المزاينات واما فازو بالاول ولا فازو بغيره وانا اشوف ان البكار اللي تدخل شبك التحدي بتكون ابكار دواهي والرقم الاخير الا شفتها بين اماتها بتقول هذي بتاخذ رقم واحد وانا اخيك القصد طال عمرك الابكار الزيان واجده عند الربع واقيامها طيبه جدا وعاد مداها معقول طال عمرك واللي بيشري يعتمد على الله وعلى نظرته ان كان راعي نظر وبعدها يدخل في مرحلة التوفيق ان الله يريد له ناموس تنومس والعكس ومن ناحيتي بدور لك ابشر بعزك واوعدك ما اشر لك الا على البكرة اللي يجي عندها علوووم واخباااار وشهره واسوام طيبه جوالك خزنته عندي وبتصل عليك قريب انشاء الله ان كان اللي يدور صامل تكفى لا تعبني وهو ماهو بصامل |
رد: مطلوب حواره فرديه اقتباس:
الله يسلمك الزين معروف الي بيرقم الاول او الثاني بالكثير الله يسلمك دور الزين واتصل بي والرجال صامل وكريم ولا افضله على من عندي |
رد: مطلوب حواره فرديه الله يمسيكم بالخير ...يا ابو مطر اذا تبي بكره حواره مزيونه سنها ثلاث شهور (مجهم) ابوها عومان وجد ابوها بعير جابر بن بخيت الزعيري المري عومان الهرش حاصل على المركز الاول لاجمل الفحول وانتاج الظفره 2010 وعمت الفحل يقالها مجاره ناقت المري الحصله على جوائز كثيره وما عليك الا تكتب مجاره ناقت الزعيري المري وشف الصور... البكره حد 300000 ريال ثلاثمائه الف ريال اذا انت صامل كلمني على الجوال (0555812363 ) وارسلك الي تبي من الصور لابوها وامها والبكره موقعها الشرقيه. |
رد: مطلوب حواره فرديه يا بندر خويك بيسوق فوق ثلاثة مليون فأبشر بالي يرضيك ويرضي خويك ارسلت لك رساله على الخاص |
رد: مطلوب حواره فرديه الله يسلمك ياعبدالعزيز والله ماعتقد سمعت حواره فوق ٣مليون ولاكن خويي مايدفع هاذي الارقام ولا قريب منها على كل حال مشكووور على المشاركه الطيبه اما بالنسبه للرساله لم يصلني منك اي رساله |
رد: مطلوب حواره فرديه عندي لك بنت ولد وحيدان وأمها اغلى الذود حوارة كفووووو كفووووو العمر الهايل والراس الكبير والسبال اللي تلعب والممشا الهولة وكل يوم وهي في تطور عليها سوم 100000 والرجال اللي يبغي النواميس يحول عليها ويشوف. الموقع الخرج 0563622505 |
رد: مطلوب حواره فرديه عذراا الموضوع قديم وينقل للارشيف |
| الساعة الآن 07 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |