|
استفسار عن تنظيف الناقه اخواني الله يحفظكم عندي استفسار عن ناقة من العام وهي مالقحت الناقه ثنوها بكرة عندي العام الاول ويوم جا العام اضربتها وقطعت منها ولا قسم لنا الله فيها لقاح والسنه ذي ماعندي من الفحول الى جذع ولااضربتها به لان الناقه سمين ولاهوب محتالها واروح اضربها ببعارين عند قصرااناا الناقه لامن سقناها للفحل وشافته قامت تاكل اماتها وتردهن ولاصكينا عليهن طقت خلا منا دعمتنا ودعمت المواتر المهم اني طرحت الناقه وجبنا لها واحد يقطعها ويدخل عليها فيها صيد بسيط ويقول الرجال ان الناقه متسكر رحمها !! ويقول فتحت الرحم وحطينا فيها حبوب تنظيف وضربتها بابرة مضاد حيوي 40 مل الكلام ذا قبل كم يوم واليوم الصبح يوم وديناها للفحل سوة سواتها كل يوم وقيدناها وسقناها للفحل العصر واضربها انا لقيت مواضيع واجد لحالات مقاربه لما جا عندي وفرت مخي قلت باخليها بموضوع الحالها عشان اكون ادق في الفهم اخواني تعليقكم على ماتقرون والحل الناقه عندي تسوا شي واجد ولانيب بايعها لو طال حيالها بس ماودي اتفرط في لقاحها الزمان ذا بعد |
رد: استفسار عن تنظيف الناقه يابو محمد الي ادخل عليها وش يقول يقول متسكر رحمها مره خايط ولا يروح شي من الندوه لو بسيط |
رد: استفسار عن تنظيف الناقه الرجال يقول انه يوم ادخل عليها لقاه قافل وفتحه ونظف ويقول الرحم نظيف والقفله هي اللي تمنع من لقاح الناقه لان ماء البعير مايدخل الرحم |
رد: استفسار عن تنظيف الناقه إصبر عليها عشرة أيام بعد التنظيف والمضاد ثم إدخلها عالبعير المضاد يحتاج وقت ومادام نظفها وعطاها التحاميل والمضاد وفك القفله خلها شوي قبل ماتدخل عليها مره ثانيه وترى الناقه غالبا ماهي بميسر إكرمها بالبرسيم وإربط الفحل وسط البل ,أحيانا قد تحتاج إبرة اليسره إذا الناقه مايسرت الله يفك عوق ناقتك ويمنحك منها مايسرك |
رد: استفسار عن تنظيف الناقه جعل الله يبارك لك ان شاء الله ببكره منها تنوسك لكن اصبر خل ابره اليسره اخر شي قدام تفدر الفحول |
رد: استفسار عن تنظيف الناقه اخوي مشبب بن شباب لاهنت على المرور الناقه ضربناها امس وهي اللي بركت للبعير والناقه ماعليها خلاف سمين ماتشل عمرها من الشحم الى كنها تردا حالها شوي ذا الايام مادري شقومها والى البل عامه ماعليها خلاف والبعير معها جذع بينها وهاذا هو يتكرفها ويحودها والسنافيه ماهيب ضاربه له حساب :mwalat10: محمد ال فالح اشكر لك مرورك يالسنافي وابرة اليسره مالي فيها نهائيا وانا قصدي اتلاحق وقت اللقاح ماودي اسوي مثل العام ماعندي خلفات الى من شهر اربعه ورايح |
رد: استفسار عن تنظيف الناقه مادام بركت وتوالبعير ضاربها أمس ردها عالفحل بعد إسبوعين كما تعلم وإن شاء الله يفرحك بلقاحها والمعذره فهمت بالخطاء إنك طرحتها للبعير.لكن الآن ماهو سؤالك ؟؟إنت عملت بالأسباب وتبين سبب عدم اللقاح وهو الصيد والرحم مقفل وتم علاج المشكله. ملاحظه: الشحم الزايد يقلل فرص اللقاح كان مابين عشارها بعد إسبوعين خف عليها وأنا خوك وإعزلها عالتبن الله يكرمك والماء كل 3 أيام ولماإنها خفت سقها للفحل ولك خالص تحياتي |
رد: استفسار عن تنظيف الناقه سؤالي عن الطريقه اللي سويتها صحيحه والى لا ؟؟ وهل قفل الرحم من السمنه مع انها من خذيتها وهي سمينه وحالها طيب ولقحت عندي وولدت وامورها زينه |
رد: استفسار عن تنظيف الناقه صحيح ونص وبالنسبة للقفله هذي عادة تكون على وسخ مما يسبب إلتهاب وإلتصاقات والسمنه تضعف إنتاج المبايض تحياتي يالغالي |
رد: استفسار عن تنظيف الناقه الله لايهينك على المرور وبارك الله فيك |
رد: استفسار عن تنظيف الناقه شباب بن مشبب عطاك شرح وافي وانا معاه في شوره |
رد: استفسار عن تنظيف الناقه شوركم طيب يالربع وانا نظفت المطيه وحطيت حبوب تنظيف وضربتها ابرة مضاد حيوي 40 مل وملحتها وخليتها اربع ايام وضربتها وعسى مااعاد يقفل الرحم بس |
| الساعة الآن 05 : 12 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |