|
ناقه تعشر وترفع راسه كانها للقحه اخواني الكرام عندي ناقه تعشر وترفع راسه كانها للقحه لمدة احدى عشر شهر وبعدها اكتشف انها ليست للقحه وقد احضرت له طبيب شعبي وادخل عليها وغرف عنها ولم يجد شيء الا انه قطع عنها وعمل لها كي من جانب الرحم وقال ضربها للفحل بعد يومين ولكن ما زالت تشوال حيث ان البعض نصحني بابرة تنظيف من البيطري لكن ما اعلم عنها شيء ماذا تنصحوني بارك الله فيكم انتظر ردودكم على الموضوع وفقكم الله |
رد: ناقه تعشر وترفع راسه كانها للقحه أخوي صالح جبتها عالجرح ؟!!!!!!!!! أنا عندي ناقه تشول ولاهي بمعشر واليوم طال عمرك اخدت من الصيدلي إبرة تترامايسن مضاد حيوي وشريت لي ثفى (حب رشاد) وطحتنه وعطيته الناقه في لقام مع تمر وراح أكمل عليه 3 أيام بالإضافه إلى الإبره 20 مل في اللحم في كل جنب(المجموع 40 مل) لمرة واحدة وراح أوافيك بالنتيجة بعد 10 أيام إنشاء وننتظر رأيي بقية المطاليق شرواك |
رد: ناقه تعشر وترفع راسه كانها للقحه نفس الوضع عندي قطعنا عنها وادخل عليها البيطري وعطها ابرة اليسرة و قطعنا تحت اللسان وبعد ثلاثة ايام عرضتها على الجمل تشاول عقلتها للجمل غصب وضربها ولادري حتى الان لقحه ولا لا تكفا يامشبب خبرنا عن النتيجة |
رد: ناقه تعشر وترفع راسه كانها للقحه السلام عليكم .. أبعطيكم تجربتي في هالموضوع عندي ناقة لها 10 أشهر أحسبها لقحة ،، ونفس الاعراض تشاول وترفع راسها بس اللي خلاني أجزم بعدم لقاحها إن صفنها مانزل ،، وانها ماتحرص تقرب للبعير وعيونها جافله جبت لي طبيب شعبي ودخل عليها ،، وصارت معشّ نظفها وعطاها كم ابره وحط حبه في حياها وقال ضربها بعد 10 أيام وعطها ابرة التثبيت يوم عدت خمسة أيام وتصعد باللي في بطنها ،، وهو عبارة عن حوار صغير جداً لم يكتمل نموه ،، كبر الأرنب تقريباً ومن بكره تبرك قدام الفحل ،، بس الدكتور قايل لي انتبه تضربها قبل عشرة أيام عشان مفعول الحبه لاتضر خيف البعير. وبكره باضربها ان شاء الله . |
رد: ناقه تعشر وترفع راسه كانها للقحه اقتباس:
والله ياخوي اني كنت شاك ان في بطنها حوار ميت لاني لما ضربتها من الفحل كانت هزيله والفحل كذلك هزيل توه جاء من الركض وكنت وقتها متاكد انها قد لقحت من الجمل وقد مضى عليها اكثر من احدى عشر شهر والبطن مانزلت وكل الابل التي بعدها بطونها نازله الا هي واليوم احضرت ابره من الطبيب البيطري وسوف اطعنها بها واشوف النتيجه ان شاءالله وسوف اخبركم عنها |
رد: ناقه تعشر وترفع راسه كانها للقحه مرحبا اخوي صالح اولاً الادخال والتقطيع و التنظيف بشكل عام ثانياً الشحم وتخفيفه بقدر الاستطاعه ثالثاً الجسره وخل عنك الإبر البرسيم كفيل بجسرت الناقه رابعاً البعير اذا ماعشرت منه دور غيره فعل جميع هالاسباب والله يريد مايشاء |
رد: ناقه تعشر وترفع راسه كانها للقحه اقتباس:
اشكرك على مرورك الذي انار الموضع اخي الفاضل اليوم اتصلت على طبيب شعبي يقولون هذا طبيب معروف للابل وسالته قال هذه الناقه تم لقاحها وبعد ثلاثة اشهر او اربعه ممكن تكون تعرضت للطرد ومات الجنين وتحتاج تنظيف سؤالي بحكم خبرتك الطويله هل الجنين لو مات في بطنها ليس له تأثير على الناقه وفقك الله |
رد: ناقه تعشر وترفع راسه كانها للقحه اخوي صاحب الموضوع بعض الابل تشاول وهي ما هيب معشر يعني بالعربي كذوب هههه يسمونها عند ال مره بروق وعندي ابل واجد من هالنوعيه بس إذا لقحت بتعرف انت لان شوالها بيتغير وبتكون تشول حتى من الرجال ماهوب لازم تقربها من البعير ع العموم انت نظفها وابرة اليسرة زينه تنضف الرحم من الداخل ولا لها اي تأثير ان نفعت والا ما ضرت واانا مجربها بنفسي وفيه حبوب لونها وردي عند الصيدلي يحطونها في الرحم من قريب للتنظيف بعد زينه وابي اقول لك ماهوب شرط يكون فيها شي الناقه يمكن انها تشول كذا من الخوف فقط تحياتي وخالص ودي |
رد: ناقه تعشر وترفع راسه كانها للقحه اقتباس:
حياك الله اشكرك على مرورك الرائع وعلى هذه الاضافه الرائعه للموضوع والتي منها يستفيد الجميع بارك الله فيك ونفع بك |
رد: ناقه تعشر وترفع راسه كانها للقحه الناقه ترغي لاربطتها ولالا؟ |
رد: ناقه تعشر وترفع راسه كانها للقحه مساء الخير اخوي عليك بكثر الغسيل طلع لها البيطري وخله يغسلها ومع كل غسله راح تشوف شوال الناقه يخف ولا تظربها وهي تشول يمكن العلم عندالله انها تبي اكثر من غسله يعني اربع وخمس حتى تترك الشول وهذا شي منتشر بي كثره في هذا الزمن والله يكتب الي في خير لك ولى جميع الاخوان |
رد: ناقه تعشر وترفع راسه كانها للقحه اقتباس:
نعم ترغي |
رد: ناقه تعشر وترفع راسه كانها للقحه اقتباس:
اشكرك على مروك احسنت بارك الله فيك |
رد: ناقه تعشر وترفع راسه كانها للقحه تطبب فيها انشالله واغسلها وشف وش تحتاج والله يوفقك انشالله |
رد: ناقه تعشر وترفع راسه كانها للقحه ادخل عليها ونظف رحمها واغسل رحمها بمطهر تلقاه عند البيطري يعطيكيه ويعطيك معه ليّ تدخله في رحم الناقـه . لانظفتها احقن هالمحلول المطهر لادخل اللي في رحم الناقه تركّب في راسه برواز الابره وتصب من المحلول وتدفع بالابره . وبعدها بينضف رحم الناقه تماماً .. واخذ ابره للاخصاب تلقاها عن البيطري للمبيض .. يعلمك بطريقتها وبعدها بـ اسبوع عطها ابرة يسره .. وبعد 10 ايام عطها جرعه آخرى من ابرة اليسره .. وبعد اربع ايام تماماً اعرضها على البعير . ولاضربها . طقها بابرة التثبيــــت بعد ساعتيـن أو اكثر المهم لاتتجاوز 24 ساعـه .. وبعدها ناقتك معشر بإذن السميع العليم . |
| الساعة الآن 47 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |