|
استفسار - عن الرحم السلام عليكم ورحمه الله اخواني جزاكم الله خير على المشاركه بمعلوماتكم القيمه .. واسال الله العلي العظيم ان يجزيكم خير الجزاء عنا وبجنه الفردوس الاعلى ... اخواني عندي ناقه ملتحمه قرنها .. وكل ما يجي دكتور او شاطر يخاف يكمل للاخير لانه جدار القرنيه عندها خفيف جدا .. ولا يتحمل الضغط .. هل فيه ادويه او علاجات اقدر استخدمها على شان اقوي جدار الرحم على شان نقدر نفتح القرنيات !؟؟؟؟؟ وجزاكم الله خير عنا ...... |
رد: استفسار - عن الرحم فيه مستشفي البل الي في منطقه القصيم ممتاز جدا جدا في علاج مشاكل الرحم بجميع النواع المستشفي في ( مليداء ) |
رد: استفسار - عن الرحم للاسف الخوف من العنوه بس على شان ناقه .. شكلي بديت اعالج فيها يا اخوي بو عوف .. والسموحه على التاخير في الرد لاني توني اشوفه الرد بعد فتره طويله ما فيه احد رد علي |
رد: استفسار - عن الرحم الاخ مبارك بعد التحية هذا اللتصاق في جدار الرحم وهو تقريباً شبر من تدخل يدك في حيا الناقة ومن السهولة فتح المهبل ولكن يرجع ثاني مرة وبعد الضراب يلتصق الرحم والناقة تشول على انها لقحة وهي ليست بلقحة وانصحك ببيع الناقة او عسفها رحول وجهه نظر والله يبارك لك بحلالك |
رد: استفسار - عن الرحم التذخل الطبي افضل في مثل هذه الحاله |
رد: استفسار - عن الرحم حمد بن عيران القريني جزاك الله خير يا اخوي ... وللامانه كانت عندي ناقه نفس ما وصفت يا اخوي حمد ........... وفتحناها فوق الثمان مرات .. وفي الاخير تعبنا منها .. قمنا ومرحناها ولا لقحت .. وجبت لها دكتور ودخل عليها عصا مطهره وخليناها ثلاث ايام بلايليها .. ورابع يوم بطلته عنها .. مرحتها ولا قحت .. وبعدها تميت كل يوم امرحها مره تكون ميسره ومره لا .... كل ما ادخل الفحل اشوف الحلال ولقاحه .. ادخله عليها وامرحها وسط امهاتها .. والحمد لله ابشرك لقحت .. وكنت اتوقع شوالها شوال كذب .. وعبور .. اخذت دمها وفحصته وثبت اللاقاح بالدم .. والحمد لله والمنه .. بس للامانه هذي قرنيتها عمرها ما فتحت .. على كثر ادخل فيها ..اوصل لطريق مسدود .. فقمت اخفف الادخال عليها ..علما بانه جدار الرحم رقيق جدا .. وانا حذر في الادخال عليها .... اخوي عيد .. جزاك الله خير .. بس اليوم متصل بالمستشفيات عندنا في الامارات .. ولا يردون علينا .. يعني من كثر الزحمه .. والله كريم .. بحاول .. |
رد: استفسار - عن الرحم ابو محمد بعد التحية والتقدير الله يبارك لك فيها وعسى ان تكون لقحة واذا لقحة تاكد ان الرحم لم يلتصق مرة ثانية واذا ملتصق فالناقة لم تلقح |
| الساعة الآن 06 : 07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |