|
استشاره عاجل جداً جداً السلام عليكم ورحمة الله وبركاته اعضا منتدى مزاين ابي شوركم في علاج البكره المفروده اللي مستبركه ما تقوم الا برفعها بعمود من تحت الزار علماً ان البكره مشريه من منطقه بعيده عن المنطقه اللي انا فيها ومشوارها طويل شوي ويمكن طولت وهي في الدينه ( كلمت شخص يعالج البل وقال لازم تكويها مطرقين) على العصبه مكان العقال ويمكن ما تقوم الا بعد اسبوعين او ثلاثه البكره حالها طيب جداً ولم الاحظ عليها اي مرض0 وشاكر لكم ,,,,,, |
رد: استشاره عاجل جداً جداً الكي اخر علاج اكرمها بالشعير فقط وخفف الماء لاتسقيها الا بعد 3 ايام ولاتخليها تروى بالماء بس اللي يقطع ضماها وكل يوم سدحها على جنبها ومدد قوايمها وان صار لها 21 يوم ماقامت اكوها |
رد: استشاره عاجل جداً جداً اكو البكره على الوهان ولا تراها بطول ماقامت واذا كويتها كويه صحيحه بتقوم خلال ساعات وهذا من واقع تجارب وانا اخوك وكية الوهان ماتشوع الناقه لانها ماتبين هذا رايي المتواضع |
رد: استشاره عاجل جداً جداً كلام الاخ بخيت صحيح علاجها الكي اكوها من الوهان بتقوم انشالله من واقع تجربه شفلك رجال بخيص في الكي وتوكل علا الله . |
رد: استشاره عاجل جداً جداً انت تقومها بعامود وتاقف معاك وتمشي ولابركت معد قامت؟ على العموم اذا هو وهان ومستبركه تنبع الخطوات التأليه ترفعها بونش بشكل يومي يعني تخليها معلقه بالهوء وتنزل الونش لحد ماتلمس يديها ورجليها الارض وان استغنت عن الونش في هالحاله فك الونش منها وخلها واقفه لاتمشي شبر وان طاحت كرر العمليه ثلاث ايام وهي باول البل ان شاء الله مجربه عندي باكثر من ناقه من مفروده للفاطر للمعلوميه الونش سهل جداً ثلاث مرابيع طوال من النوع القوي او ثلاث مواصير بشكل مثلث في روس هالمواصير حلقه حديديه تمسك بالونش وونش من اقرب محل مواد بناء تقبل مروري |
رد: استشاره عاجل جداً جداً سعد حمود بخيت البريدي سمير محمد محمد التميمي الله يبيض وجيهكم على تفاعلكم ونصايحكم ما قصرتو وشاكر لكم جميع |
رد: استشاره عاجل جداً جداً اخوي مسفر ولا يهونون الربع فيه بكره اشتريتها من وادي الدواسر وبركت اسبوعين وبعدها انطلق الحصان وراح لم البكره ومن الله قامت ودخلت شبكها يا ليت تجربها باذن الله تقوم وجرب تراني مجربها |
رد: استشاره عاجل جداً جداً عند الشيبان طريقه للوهن بالظبط ماني عارفها لكنهم يروعون الحوار لين يطمر ويرشونه بمويه بارده قبل الفجر لانهم يقولون ان الحوار يظن انه مايقدر يقوم فلازم يروعونه عشان يطمر اسالو عنها الشيبان |
رد: استشاره عاجل جداً جداً السلام عليكم ورحمة الله وبركاته إذا مر 8 أيام وماقامت مر البيطري إشرح له الحاله وترفعها بالونش اليدوي بحيث تكون أرجلها بالكاد تلامس الأرض لمدة ساعتين مع تحريك الأرجل( عمل مساج) طريقة مجربة من قبلي والله إن شاء يشفيها |
| الساعة الآن 33 : 12 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |