منتـديـات مــزايـن - ســـــؤالــ : وشلـون السوق بأم رقيبــه هالايـام ..

صفحة 1 من 2

عرض 40 مشاركات من هذا الموضوع لكل صفحة

منتـديـات مــزايـن (http://www.mzayan.com/vb/index.php)

- الأسئلة والإستشارات (http://www.mzayan.com/vb/forumdisplay.php?f=91)

- - ســـــؤالــ : وشلـون السوق بأم رقيبــه هالايـام .. (http://www.mzayan.com/vb/showthread.php?t=43031)

مشعل الشويش

03 / 12 / 2011 54 : 08 PM

ســـــؤالــ : وشلـون السوق بأم رقيبــه هالايـام ..

السـلام عليكـم ..
كمـا في ( العنـون ) ..
وشلون السوق فأم رقيبـه يامرتادي أم رقيبـه ..
عندي بكارً وضح بعضها مزايـن وكفو.. وبعضها فوق البداوه بشوي مفاريد وحقايق ..
افيدونا نحمل وألا نفكها وسط امهاتها ..؟
..

عبدالعزيز البقمي

03 / 12 / 2011 44 : 09 PM

رد: ســـــؤالــ : وشلـون السوق بأم رقيبــه هالايـام ..

ارحب ارحب يامشعل

السوق يقولون مولع

امس رجال ماره يقول يحرجون على بكره اقل من عاديه

بـ 13 الف

وانا عندي ابل بوديها للسوق ان شاء الله في اقرب فرصه

..

سلطان الدلبحي

03 / 12 / 2011 47 : 09 PM

رد: ســـــؤالــ : وشلـون السوق بأم رقيبــه هالايـام ..

ارحــب يابوذعاار الاسبوع الللي وراء اللي فات في ام رقيبـه

وش اقوال لك مشعل سووق حراميـه سوق انت معروف انجش بكرتك لين اوصلها السماء

والله بكاار متسوى 30 الف تلقها هناك على 100 و 200 نااس ما تعرفة البل غير امس ودخلة بها وخربتهاا

داايم الشريطي يخرب الارض اللي يمشـي بهاااا ووالله ماينقل لكم انه غير صحيح وانت سوق كذب وحراميــه

وان اني منغبن منه ووالله لوابي اطلع مافي صدري اخذة صفحاات

مشعل الشويش

03 / 12 / 2011 18 : 10 PM

رد: ســـــؤالــ : وشلـون السوق بأم رقيبــه هالايـام ..

مرحبا يابوعايض :

انا بكاري فيها اللي يسام بـ 40 وفيها اللي يسام ب60 في مراحها

وكذلك عندي بكره ابي فيها فوق الميه بواجد ..

ما ادري السوق وش وضعه ؟؟

انت جيت السوق ياعبدالعزيز .؟

....

ياسلطان :

الخير والشر في كل مكان وانا اخوك

واكثر اسواق البل تحصل فيها مثل ماذكرت والعياذ باللـه ...

لكن انا ودي أسألك عن حركة السوق الجاده في البيع والشراء الصحيح ( اللي على وجهه )

مثلاً انا جالب للسوق .. وبودي بكار لـ احد هالحراجات اللي عندهم عروض واعرض البكار . او حتى احرج ..

ياليت تفيدوني .. وتفيدون جميع الاخوان اللي يبون علوم السوق

سلطان الدلبحي

03 / 12 / 2011 44 : 10 PM

رد: ســـــؤالــ : وشلـون السوق بأم رقيبــه هالايـام ..

انا يامشـعل ادور ضرايب جااء في الحرااج بكره طيبه

قيمته من 20 اذا زادة 25 قمت ازود فيها لين وصلة 25

لني اشوف لي ناس تسوم ولا ادري وينهم فيه وصغاار سن

لين وصلة البكره ر50 هذا مهوب سرق وضحك على المشتري !!!!

الحراجاات الرسميه اللي لقيتها 4 وكلها مااشيه وفيهاا بيع

ويذكرن انه جاء بيعات قويه من ضمنها قحطاني اخذ 2 بكرتين من وسط الحراج با 550

و فيه واحد من العيااال جلب يم ام رقيبه باع با 130 بكره حقه وضحاء

وسوووووووق الوضحاااء قاايم هناك هي و الصفر ولا باقـي الالوان قليل الطلب عليها

ام البكره اللي فوق الميه لا تدخلها الحرااج

دخله العـرض يبي يجيك فيهااا اقيام زينه

والله يرزقــــــــك من واســـــــــــــــــــــــع فضــله يابوذعاااااااااااااار

ناهس نايف بن عصاي

03 / 12 / 2011 00 : 11 PM

رد: ســـــؤالــ : وشلـون السوق بأم رقيبــه هالايـام ..

والله السوق حامي وان طعتني ود حلالك والرزق على الله

بدر النفيعي

03 / 12 / 2011 05 : 11 PM

رد: ســـــؤالــ : وشلـون السوق بأم رقيبــه هالايـام ..

أرحب يا ابوذعارررر ،،

ودهن وبإذن الله فالذا بعتهن ولا دخلن في الفردي ههههههههههه ،،
:mwalat4:
أنتبه ثم أنتبه ثم أنتبه تدخلهن الحراج والله لا تشوف بكارك في الحضيض ،،

خلهن في ساحات العرض وكل يوم أعرض مع ها الناس الي تسوق أبلهاا وتعرض بها للماره وبيجيك واحد دراهمه مسببه له قلق نفسي في بنك سامبا ويلزق على جامة موترك شيك مصدق بمليون ولا تنساناا من السعي لاني نصحتك ،،:mwalat3:

عبدالعزيز البقمي

03 / 12 / 2011 12 : 11 PM

رد: ســـــؤالــ : وشلـون السوق بأم رقيبــه هالايـام ..

لاوالله يابوذعار

ماجيت السوق لكن حسب ماسمعت من ريجيل يجيبون العلم

ان السوووق مولع وفيه بيع قوي

وانا عندي 3 صفر طيبات مقاني وفيهن حايل طييييبه ناقة مزاين جمل

ومعهن قعود حق خيار جده الهدب لونه اصفر

وباقرب فرصه ان شاء الله بوديها للمزاين

..

ساجربن عدوان

03 / 12 / 2011 15 : 11 PM

رد: ســـــؤالــ : وشلـون السوق بأم رقيبــه هالايـام ..

السلام عليكم ورحمة الله وبركاته
أنا مع عمي ابو غضبان
شرينا بس من واحد عارض بسوق ام رقيبه عصيمي أسمه ابو شافي
فوق ثمان مية الف
وغير وغير ووقفت على ناقه حراج وصلة 190الف ماتسوى 40الف
وسوق حي حي حي واذا حلال مزاين لاتأخر والسبوع القادم بكون بسوق أن شاءالله

بندر الرويلي

03 / 12 / 2011 16 : 11 PM

رد: ســـــؤالــ : وشلـون السوق بأم رقيبــه هالايـام ..

لا تردد السوق مولع والطلب على الوضح

سيف القحطاني

03 / 12 / 2011 20 : 11 PM

رد: ســـــؤالــ : وشلـون السوق بأم رقيبــه هالايـام ..

مثل مقال اخونا بدر النفيعي

اعرض الابل لاتدخلها الحراج يابو ذعار

والله يربحك ولا يخسرك

ممدوح احمد الشريف

04 / 12 / 2011 51 : 06 AM

رد: ســـــؤالــ : وشلـون السوق بأم رقيبــه هالايـام ..

انا قبل امس في ام رقيبه ...

السوق سوق وضح وصفر فقطط والحراجات اكثرها ابل اقل من عاديه .. كل الحراجات اللي وقفت عليها مافيها اللي سيم اكثر من 19 الف ريال

البل الطيبه كلها في العرض والوضح والصفر الطييييبه وااجد عسى الله يرزقك ويرزقك المسلمين ..

اما المجاهيم فلا لها سوق في ام رقيبه .. والمجاهيم الطيبه اللي شفتها في العرض تنعد عدد .. ( شكلي بحول وضح :mwalat14:)

خالد بن عصاي

04 / 12 / 2011 24 : 09 AM

رد: ســـــؤالــ : وشلـون السوق بأم رقيبــه هالايـام ..

السوق للوضح والصفر مولعة

نشوف اهل الظفرة والكويت يسحبون من السوق

لاهنت على طرح الموضوع يا مشعل

عبدالعزيز البقمي

04 / 12 / 2011 40 : 04 PM

رد: ســـــؤالــ : وشلـون السوق بأم رقيبــه هالايـام ..

الله يبشركم بالجنه

اجل زانت لي انا ومشعل

مشعل معه وضح وانا معي صفر

والله يكتب اللي فيه الخير

اذني اطيح في غشيم ابيعه على مليون هههههههههههه

فهد العضياني

04 / 12 / 2011 41 : 06 PM

رد: ســـــؤالــ : وشلـون السوق بأم رقيبــه هالايـام ..

الللي عنده وضح يبيع لأنها ارتفاع اسعارها مثل ارتفاع اسعار اسهم بيشه وانعام

اما المجاهيم رااااااكده واهلها راكدين تذكرني بالسهم القيادي سهم سابك

الساعة الآن 30 : 01 AM بتوقيت مسقط

صفحة 1 من 2

عرض 40 مشاركات من هذا الموضوع لكل صفحة

Ads Management Version 3.0.1 by Saeed Al-Atwi

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى

This Forum used Arshfny Mod by islam servant