|
عطونا الشور في التعليف بالتمر السلام عليكم ورحمة الله وبركاته مساكم الله بالخير ,ومبروك عليكم الخير اليوم أسل الله ان يطرح فيه البركة ,وأن يغيث قلوبنا بتقواه أنشدكم عن اللي عنده تمر مكنوز وقديم ,ومع غلى الاعلاف صار التمر هو الوجبة الاساسية (عشا), والصبح حسب التيسير شوي مكعب او شعير ,واحط لهن ذره. ما نستغني عن الشور |
رد: عطونا الشور في التعليف بالتمر التمر زين ولكن كثرته تغث لانه حار على المعده ولكن يعطى بحدود المعقول ،، وفيه طريقة ممتازه للإستفاده من التمر وهي كا الآتي : يهرس التمر وينقع في الماء ويعطى للإبل تشرب منه اليوم كامل مفيد وانا شخصياً مجربه ، ولكن إنتبه من الكثرة لاني زي ما ذكرت لك { حاررر } على معدة المطية ويغثها منما يتعبهاا في حدوث مثل هذا الامرر ،، أتمنى إني أفدتك وفي إنتظار الأخوان يدلون برأيهم ،، |
رد: عطونا الشور في التعليف بالتمر اقتباس:
ما قصر الاخ بدر وافضل طريقة تنقيعة بالماء |
رد: عطونا الشور في التعليف بالتمر التمر يضر القحات جدا |
رد: عطونا الشور في التعليف بالتمر التمر من افضل الاغذيه ولكن كثرته تغث وتسبب الاجهاض |
رد: عطونا الشور في التعليف بالتمر التمر طيب جدا لمن عرف له ومضر جدا لمن يكثره بدون تدريج التمر مايصلح للقحات سبب رئيسي في الاجهاض التمر يسبب احيانا تسمم دموي في حالة الاكثار هذي تجربتي مع التمر |
رد: عطونا الشور في التعليف بالتمر شف وأنا أخوك أنا ما راح أزيد على كلام الأخوان ولكن بأكد على كثير من كلامهم وخصوصاً اللقاح فالمعروف أن التمر .. يعمل إنقباضات لرحم الناقة وقد تتسبب هذه الإنقباضات لرحم اللقحة بالإصعاد وعليه فإني لا أنصح بإعطاء التمر للقاح وخصوصاً المداني منهن. الأمر الثاني .. نقضت التمر شينه على البل لو إنقطع عنها وهذه الحالة شفتها عند واحد من الربع جيته في مراحة بعد مرور كم سنه .. وعينت إبله ما شاء الله تبارك الله .. رادمه شحم .. سألته وقال أعلفها خبز وتمر نصحته إنه يغير بالتدريج .. لخطورة التمر على اللقاح. أو إنقطاع التمر كعلف أساسي. مريته بعد مرور خمس شهور .. والله ما ودك تطالع في حلاله مع العلم بأن الرجال .. مرخي عليها بالوافي والبرسيم. والسبب يعود إلى إنتهاء كمية التمر. وعدم توفير كميات أخرى. والبل تعود على التمر. عشان كذا إنسل حالها. وسلامتك. |
رد: عطونا الشور في التعليف بالتمر وعليكم السلام مساك الله بالنور والسرور يامرحبا اخوي هاشم الاخوان ماقصرو انصحك بعدم إعطاء القحات تمر لي انه سبب رئيسي للإجهاض التمر زين للتسمين يردم شحم ولاكن عطها في ماء حط التمر في الماء وخلها تشرب الماء اتمنى أني افدتك تقبل شكري وتقديري |
رد: عطونا الشور في التعليف بالتمر ان شاء الله اني افيدك مع تجربتي مع التمر . اطعم ثلاث اكياس مكعب الصوامع وحط مع نص درام صبغ من التمر وتاكله الابل من القاح والعشائر. ومردمه شحم ولله الحمد والفضل والمنه. ولا ضرها التمر. |
رد: عطونا الشور في التعليف بالتمر التعليف بالتمر ممتاز ولكن باعتدال ولايكون رطب يكون ناشف او ينقع بالماء |
| الساعة الآن 48 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |