استفسارات حول الابل
 

السلام عليكم ورحمة الله وبركاته

ياخوان عندي كم سؤال ودي انكم تفيدوني فيه

واسف على كثرة السؤال

1)ماهو الفرق بين البكره والناقة وماهو الفرق بين القعود والفحل
2)ماهو العمر الذي اذا وصل اليه الابل ذكور واناث يصير قادر على التلقيح
3)ماهو العمر الذي اذا وصل اليه الانثى ما تحمل والذكر مايلقح
4)كم سعر الذكر والانثى نوع الوضح اذا كان حوار ونوعه طيب وكم سعر البكره والقعود وكم الناقه والجمل سعر كل
ذكر بالحاله وكل انثي بالحاله
5)من الاشخاص الى عندهم حوار طيب جدا ذكور واناث نوع الوضح
6)اسماء اشهرالفحول والنياق من نوع الوضح
7)مامعنى كلمة ذود
8)اذا عزمت على شراء ابل من وين اشتريه بشرط ان يكون نوعه وضح وطيب جدا واسعاره معقوله((بالنسبه لدرجة طيبها))

واســــــــــــف اســــــــــــف اســــــــــــــــــف على الاطال
لان ودي يكون عندي معلومات حول الابل وبذات الوضح

مرحبا فيك بين اخوانك ممن يهتون الابل ويتابعون اخبارها

ج 1- الفرق بين الناقه والبكره . البكره من جذعه وتحت اي من السنه الاولى الى السنه الخامسه ومن سته سنوات وفوق تسمى ناقه وهو نفس الفرق بين القعود والفحل .

ج 2- من سن جذع اي خمس سنوات للجمل والناقه بالمثل وممكن من اربع سنوات وهذا غير مرغوب عند اهل الصنف .

4)كم سعر الذكر والانثى نوع الوضح اذا كان حوار ونوعه طيب وكم سعر البكره والقعود وكم الناقه والجمل سعر كل
ذكر بالحاله وكل انثي بالحاله
ج 4 - تتفاوت من حيث الشكل والاصل ومالك البكره او الناقه او الفحل .

ج 5- اعتقد ان سؤالك هذا سوف تعرفه عندنا تطلع اكثر على اهل الابل المشاركين في المزاينات

ج 6 - الاسماء كثيره الى يملكون الابل الطيبه كثيرين والحمدلله والله يوفقهم على سبيل المثال في الوضح ( فنجال الشيباني - حثلان السبيعي - ناصر بن مهنا السبيعي - ابن صاهود السبيعي - وليد ابن شويه - حسن بن عمار المطيري - فواز الميموني - ابن غصين - غازي بن عتيق العضياني - ابن قريع الدوسري - فراج السبيعي - عبيد الشاطري - مناور بن بدر المطيري - الحداري الحربي - عليان الطهيمي - ابن عمير القحطاني - ثلاب السبيعي - محمد الفصام - محمد بن سفر المرزوقي - مبلش البقمي وووووو كثير جدا واسف اذا نسيت احد منهم

ج7- مجموعة ابل

ج 8 - من سوق البل او من مالك البل مباشره

امل ان اكون وفقت في الاجابات ، والله ولي التوفيق

اخوي محمد بن شريه المطيري واخوي سلطان المطيري

بيض الله وجهكم والله يعطيكم العافيه

بس ياليت تفيدوني بالاسعار يعني تتروح ما بين كم وكم

وجزاكم الله الف خير والله يرزقكم من حيث لاتحتسبون ويبارك لكم في ما اعطاكم وعامة المسلمين اجمعين

بس الله الرحمن الرحيم
اخوي محد يقدر يحدد سعر معين لناقه لم يراها بالعين
الاسعار في نياقه تصل مليون او اكثر او اقل وربما في نياق تحصلها بأسعار عاديه مثل 10 ,15
20 اللف على حسب رغبت البياع وبالنسبه للوضح والمجاهيم اسعارها مرتفعه عن باقي النياق

الله يعطيك العافية اخوي محمد

عندي سؤال اخير حوار الوضح الطيب يكون سعره في30الف تقريبا
او حوار وضح قيمة 30الف يكون عادتا كيف مستواه

عبدالله بن عبدالرحمن العنزي
حياك الله بين اخوانك

وماندي زياده على الزملا كفو وافو

اخوي الكريم عبدالله الاسعار تتفاوت مثل ما ذكر اخوي محمد وهي على حسب رغبه البايع والشاري ، يعني انا اقولك في حواره وصل السوم الى 800000 ثمان مائه الف ريال ورفض راعيها يبيعها وهو الشيخ حسن الجبيل المطيري وهذي صورتها

http://www.mzayan.com/vb/images/uplo...194bdc8b12.jpg