|
قصيدتي بسويعيان(سويعيان الناس لا ياخذونه)-خالد المضياني بسم الله الرحمن الرحيم السلام عليكم ورحمة الله وبركاته كيف حالكم ياأهل مزاين؟ هذي قصيده قلتها بالفحل سويعيان فحل محمد بن علي ابن عمره المري ، يوم جاني خبر أن أهله مايمانعون ببيعه أن جاب حقه وأنا أشوف أن الي يدفع به مهما كان أقل من حقه ، وقلت هالقصيدة الي أسندها على الأخ راشد العرق"أبو علي"(لإن راعي الفحل من ربعه ، وأنا ماأعرف راعيه ، أعرف أبو علي ، وهو الي علمني بالفحل)أقول: [poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""] يابو علي قلبي من الهم محروق=وشلون راعين الفحل يعرضونه والله لو أنه لي ماياصل السوق=ولا اشاور التجار ويقيمونه ان كان لاجل المال لو ملي صندوق=مليون ورى مليون مايشترونه وان كان يبونه غصب تراي مطفوق=روحي وهي الروح تنساق دونه بينه وبين الأبل ميزات وفروق=جرمه كبير وطيب ساسه ولونه كل الركاب أدون منّه وهو فوق=أكبر فحل ياجعل ربي يصونه يصعب على القصاد وصفه بطاروق=ومهما نظم طاروق شعره يخونه أنا أشهد أنه للمعاشيق معشوق=ياحظ منهم ياعرب يملكونه يابو علي تراني اليوم مخنوق=سويعيان الناس لا ياخذونه لا قام راع البل يخايل له بروق=وهاج الجمل والناس قاموا يجونه خلوه بين نياقكم دوم مطلوق = لا يشترونه ناس ويحملونه لاشفت له صوره وانا معصب أروق=وشلون للي بعينهم ينظرونه يالله يالي خالق ٍ كل مخلوق=أكفه من الحساد لا يحسدونه [/poet] وسلامتكم |
الأخ الغالي/ خالد المضياني.. أسعد الله أوقاتكم بكل خير.. بيض الله وجهك وصح لسانك.. يابو علي قلبي من الهـم محـروق وشلون راعين الفحـل يعرضونـه وان كان يبونه غصب تراي مطفوق روحي وهي الروح تنسـاق دونـه أنا أشهد أنـه للمعاشيـق معشـوق ياحـظ منهـم ياعـرب يملكـونـه لا قام راع البل يخايل لـه بـروق وهاج الجمل والناس قاموا يجونـه خلـوه بيـن نياقكـم دوم مطلـوق لا يشترونـه نــاس ويحملـونـه لاشفت له صوره وانا معصب أروق وشلـون للـي بعينهـم ينظرونـه يالله يالـي خالـق ٍ كـل مخلـوق أكفـه مـن الحسـاد لا يحسدونـه تسلم على هالقصيده وابو علي ماهوب مقصر إن شاء الله.. أخوكم تركي العتيبي.. |
لاهنت ياخالد وبيض الله وجهك على هالابيات الجزله يالجزل وانا اقول [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""] لاهو بمشيول ولاهو بمسيوق=ا لا ان بناته بالهداد يعدونه معك ومعي وايضا مع اللي لهم ذوق=الله يكثر عندنا هالنمونه [/poet] لاهنت ياخالد اخوك راشد العرق |
اقتباس:
صح بدنك ووجهك ابيض وشاكر لك مرورك وردك الكريم ، وهلابك |
اقتباس:
لاندمت ووجهك ابيض وكفو يابو علي وأنا أشهد أنكم ماقصرتوا وهلابك |
تسلم على هالقصيده ياخالد |
لاهنتى يا خالد وبيض الله وجهك عى القصيده بس الفحل نبي انشوفه ونشوف انتاجه ...........؟ ولاعدمناك |
اقتباس:
أشكر لك مرورك وردك الكريم ، وهلابك |
اقتباس:
وجهك ابيض واشكر لك مرورك وردك الكريم ، وبخصوص البعير هذي صورته ،ماشاء الله عليه ماشفت بكبره بعير شف طوله بجنب الرجال http://www.mzayan.com/vb/images/uplo...27901d1e82.jpg وعلى شان ماتقول يمكن الرجال قصير شف طوله بجنب الشاص http://www.mzayan.com/vb/images/uplo...279020c24f.jpg وعليه مفروده تسام ب200.00 (ميئتان الف ريال) وانتاجه يتميز بكبر الحجم وزين اللون ، وفيه موضوع للاخ راشد عن أنتاجه ، وشكرًا |
كل الركاب أدون منّه وهـو فـوق أكبر فحل ياجعـل ربـي يصونـه يصعب على القصاد وصفه بطاروق ومهما نظم طاروق شعـره يخونـه الله الله قصيده جزله من رجال جزل صح السانك ياخالد وبيض الله وجهك يا شاعر المنتدى والله يعطيك الف عااافيه أخوووكــ/// |
اقتباس:
صح بدنك ووجهك ابيض واشكر لك مرورك وردك الكريم ، وهلابك |
صح لسان الشاعر وبيض الله وجهك وقصيده في فحل يستاهل |
اقتباس:
صح بدنك ووجهك ابيض وأشكر لك مرورك وردك الكريم ، وهلابك |
صح لسانك يا بو نايف بصراحه قصيده جزله و سويعان يستاهل الله يرزقك من انتاجه |
اقتباس:
صح بدنك واشكر لك مرورك وردك الكريم ، وجعل والديك بالجنة على الدعوة الزينة ، وشكرًا |
| الساعة الآن 04 : 11 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |