|
الفاطر حالها شين السلام عليكم ورحمة الله وبركاته يا اخوان عندي فاطر كبيره بالسن نادره بالزين والغلا .. شريتها راجين من الله يرزقنا منها بفحل .. والناقع عشرا هالزمان .. صار لها عندي7 شهور الناقه ضعيفه وحالها يشين رغم اني اعطيتها حبوب الدود اكثر من مره واعطيتها ابر الجرب والدود ومنقع لها البرسيم باستمرار نبيها تزين عشان تيسر ونضربها اطعمتها الشعير انغثت منه ولا قدرت تهضمه وتطرشه .. رغم ان اسنانها طيبه وتاكل عليها شوركم يالربع وهل ممكن الناقه تيسر وتلقح وهي ضعيفه وحالها شين ؟ |
رد: الفاطر حالها شين هل الناقة تضرس ؟؟ وهل عيونهاا تدمع اخوي ؟؟ واذا بغت تقوم من مبركهاا تقوم بصعوبه ولا بسهوله ؟؟ ياليت ترد على هذه الاسئلة حتى نقدر نفيدك .. وأيضاً هل الله يعزك ويعز من يقرى تذرق بين فترة وفترة ولا بإستمرار ؟!! |
رد: الفاطر حالها شين اقتباس:
بالنسبه للناقه فما قد سمعتها تضرس ... احيانا اشوفها تدمع ... اما القومه فنعم تقوم بصعووووبه من مبركها وتسمع صوت طقطقه لعظامها او عصبها بالنسبه لأخراج الناقه فهو طبيعي .. والله يجزاك خير |
رد: الفاطر حالها شين دقها بإبرة هيام الفرنسية .. وكررها عليها عقب و21 يوم وأعزل الناقة تأكل لحالها لين يزين حالها وأعلفها بعلف .. (( مسس )) يباع في الصرار فيه خلطه ممتازة .. عبارة عن شعير وشوار وتمر وأعطها حشائش متنوعه مثلاً برسيم رودس تبن (( أعزكم الله )) ولا تستعجل النتايج بيزين حالها وبتسمن بإذن الله وبتلقح وسلامتك |
رد: الفاطر حالها شين اقتباس:
هل هذي اعراض هيام ؟ وهل صوت الطقطقه وهي تقوم عارض مرضي معروف ؟ |
رد: الفاطر حالها شين ما عليك زود أخوي ممدوح ،، إضيف على كلام أخوي الكبير / فهد الاحمد أيضاً لربما تكون الناقة مصابة بـ نقص كلوريد الصوديوم Sodium chloride deficiency لان هذا النقص يحدث نقص كلوريد الصوديوم في الإبل التي تتغذى على مستوى منخفض من الصوديوم خصوصاً اذا كان محتوى النباتات الرعوية من الصوديوم منخفضاً ، وتظهر علامات تنكرز الجلد والتهاب المفاصل ولحس الأوساخ وجلود الحيوانات الأخرى (الشهية المنحرفة) ، كما يفقد الحيوان المصاب الشهية والوزن ، ويصاب بها ويسمى الجوع الملحي ، كما أن الحيوان المصاب يتبول بكثرة وهناك رأي يشير إلى أن فرط التبول نتيجة نقص الصوديوم ناتج عن عدم حساسية الهرمون المضاد للتبول بسبب فقدان ميكانيكية التيار المعاكس الفعالية . يعتمد العلاج على توفير كمية كافية من ملح الطعام مع الماء أو الغذاء . هذي نقطة أيضاً ،، حاول أنك تزود الناقة بفيتامينات تنفعهاا ولا تضرهاا بمشيئة الله ،، وأسئل الله أن يعجل بشفائهاا ويرزقك منها الرزق المبارك ،، وننتظر رأي الاخوان كذلك لعل منهم من نستفيد منه ،، |
رد: الفاطر حالها شين مرحبتين اخوي ممدوح الاخوان ماقصرو عليك بالتنويع في جميع الحشائش والشعير صباحا والمكعب مساء ركز على الأملاح مفيده جداً لوجود عنصر النحاس |
رد: الفاطر حالها شين اقتباس:
حسب كلامك ان الناقة تدمع عيونها وهاذي واحدة من علامات الهيام المتعدده بالنسبة للطقطقة اعطها إبرة (( كوربرال )) 40 ملي وعقب يومين كرر الجرعة وبأذن الله ماعليها شر |
| الساعة الآن 24 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |