|
متى يقال للقعود جذع ؟ السلام عليكم يا اخوان أنا عندي قعود ميلاد شهر 1 سنة 2009 ميلادي متى أقدر أقول علية خذع وأهده في البل أول ما يدخل في السنة الرابعة ويمشي فيها والا بعد ما يتم الرابعة ويدخل في الخامسة وشاكر ومقدر للجميع |
رد: متى يقال للقعود جذع ؟ عليكم السلام ورحمة الله اذا اتم السنه الرابعة ودخل الخامسه يعني في شهر 1 2013 يصير جذع والله اعلم |
رد: متى يقال للقعود جذع ؟ بعد اكماله 3سنوات ومع دخول المربعانيه للسنه الرابعه هده لكن يقولون يعشر منه ياواحده من النياق او جميعهن ؟؟؟ |
رد: متى يقال للقعود جذع ؟ وعليكم السلام يامرحبا يامحمد اذا تم السنه الرابعه ودخل السنه الخمسه يسمى جذع واتمنى أني افدتك وتقبل خالص تحياتي |
رد: متى يقال للقعود جذع ؟ اذا تم أربع سنوات كاملة يقال له جذع .. |
رد: متى يقال للقعود جذع ؟ لاتم سنه تحت أمـه مفـرود وعلى الحول حق ومثلها لقي ومثلها جذع .. |
رد: متى يقال للقعود جذع ؟ [QUOTE=حزام العاطفي;551806]عليكم السلام ورحمة الله اذا اتم السنه الرابعة ودخل الخامسه يعني في شهر 1 2013 يصير جذع والله اعلم[/QUOTE مع اخوي حزام العاطفي يعني تهده 1/1/2013 م |
رد: متى يقال للقعود جذع ؟ ٢٩/١٠/٢٠١٣ وبأذن الله تعاشر الابل منه ولاتفكه قبل هالتاريخ |
رد: متى يقال للقعود جذع ؟ الله لا يهينكم وبيض الله وجيهكم |
رد: متى يقال للقعود جذع ؟ ابو ناصر الله يبارك لك في حلالك الحقيقه استفسار وسوال مهم وفيه اختلف كثييييير من الناس نبي العلم الاكيد اخوي مشعل الشويش ليش ما يكون سنه تحت امه حوار ثم يدخل في مفرود وبعدها حق وبعدها لقي وبعدها جذع اتمنى من الجميع من يؤيد ومن يخالف حتى تعم الفائده للجميع ولي عوده والسلام عليكم |
رد: متى يقال للقعود جذع ؟ شطحه بسيطه من بعد اذن صاحب الموضوع يالربع انا سمعت من شايب يقول ان الجذع لـ جا يضرب الاازين ان يكون ضرابه بوقت ولادته يعني مثلن ولد بـ 1/1/1425 لـ جا جذع اخليه لين يجي 1/1/1429 وافكه يضرب هل هو صحيح والله مدري هل عندكم خلفيه عن الموضوع |
رد: متى يقال للقعود جذع ؟ اذا دار عليه رابع سهيل يدخل جذع اول سهيل يفهقه يسمى مفرود وثاني سهيل يفهقه يسمى حق وثالث سهيل يفهقه يسمى لقي ورابع سهيل يفهقه يسمى جذع وهذا حسب علمي ومعرفتي في الحلال وان شاء الله اني افدتك والاخوان اللي قبل مافيهم قصور وهم اعلم مني |
رد: متى يقال للقعود جذع ؟ اذا تم سنه مفرود االسنه الثانيه حق السنه الثالثه لقي من بدايه الرابعه جذع من بدايه الخامسه ثني وتطلع ثناياه من بدايه السادسه رباع وتطلع رباعياته وبعدها سديس وبعدها يشق ولكم تحياتي |
رد: متى يقال للقعود جذع ؟ السلام عليكم ورحمه الله لقي وش معناه يعني يلاقي اخوه |
رد: متى يقال للقعود جذع ؟ واللي مايعرف ميلاد قعوده وشلون يحسب له وهو وده يهده والاكيد أن ثنيته ماظهرت وصعب يوصل لراعية السابق يسأله |
| الساعة الآن 51 : 04 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |