|
ماهي افضل طريقه لترويض الناقه على الحلب ؟ السلام عليكم ورحمة الله وبركاته هذا اول مشاركه لي يالربع عندي ناقه توها والد قبل ايام مع العلم انها ليست الولده الأولا شاريها وهي لقحه- في اول الأمر من الولادة كنت احلبها ( لتخفيف من حليبها ) بعد جهد وتعب بس ماتخليني اكمل الحلب لاكن في الأوان الأخيره مستحيل اقرب منها واحلبها وان تمكنت من حلبها قامت تتحرك قدام وراء وتشوت برجلها وحالا الله اعلم فيه . قمت وعقلت رجليها واذا فكيت عليها ولده تدرله ويرضع وذا جيت ابا احلبها تحركة وماهنا حليب . ماهي افضل طريقه لها وكم من الوقت يكفي لترويضها ؟ |
رد: ماهي افضل طريقه لترويض الناقه على الحلب ؟ وعليكم السلام يامرحبا اخوي حاتم يعتمد اذا الناقه بكر واذا اكبر من البكر يبلها وقت طويل وعناء في التطبيع وانصح الاخوان بتطبيع الناقه وهي بكر البكر : انسب شيء من خلال تجربتي القيد في الرجلين ولمدة بسيطه لا تتجاوز الاسبوع بس شيء مهم ان اللي يحلبها يعزم عليها وما يتركها حتى لو بركت الناقه يقومها لين تعود وعادتا ما تتجاوز الاسبوع وبالإمكان الاستعاضه بالقيد في الفخذ في وقت الحلب فقط مهم جداً وحلب الناقه في اليوم ثلاث مرات لتعود على الحلب الاشياء اللي تجنبها وهي من اخطر الاشياء: ١-احذر من انه يطقها او يكب في وجهها تراب لانها تخاف ولن تطبع بسهوله وبتصير تخاف من الحلب ٢-عدم ربط الرسن في الوجه لانه يخلي اثر في الوجه واتمنى أني افدتك وتقبل تحياتي وشكري وتقدير |
رد: ماهي افضل طريقه لترويض الناقه على الحلب ؟ وعليكم السلام ورحمة الله ارحب ياحاااااااااااتم عسى الله يبارك لك في خلفتك ويهديها والله يخوووووووك الناس في تدريبهم لأبلهم ماهم سوا والبل ماهي سوا . بالنسبة لي اذا بغيت أطبع الناقة للحلب أول مابه أقيد رجليها وأدربها على العقال وكل مادرت دخلت معها وحلبت اللي الله يكتبه . بس أوصيك وصاه أقضبهااااا ... لا تضرب الناقة .. لا تضرب الناقة وحايلها بخبز وبتمر وخلك طووووووووووووويل بال معها ترى بعض النياق بالها طويل ولا يتطبع الا بعد وقت ,,, عندي ناقة خلفة أخذ فيها القيد ثلاث شهور وكل يوم أحلبها ثلاث أربع مرات ألين تأدبت ,,, وهالحين أحلبها بدون قيد وبدون عقال .. وبعض البل ماينحلب الا برباط ثفان .. وكلا ودبرته وخبرته عسى الله يوفقك |
رد: ماهي افضل طريقه لترويض الناقه على الحلب ؟ مرحبا بك يا حاتم ناقتك يظهر إن لبنها غزير ( شهر كامل ) الأسبوعين الأولى إقهرها هي و اللي تحتها و لا تطعمها غير تبن الأسبوعين الأخرى أطعمها ذرة و ظهرها من الشبك اعصير بس تاخذلها ؛ ( جولة خفيفة ) ( بعد شهر ) شملها و أذكر الله كل ما قربت منها و شف سنعك معها إن طاوعت و تحلبها فالحمدلله و إن ما طاوعت عودها بتجارب الأخوان اللي قبلي هذي سواتي مع بعض البل وو الله يا بعضها تهدى نفسيتها على طوووول و بعضها لا بالله إلا بالعقال و تاقف وقوف عسكري و أحسن و أحذر من قبصة الديد اللي توذي البل ترا يجي منها رمح مهوب صاحي :mwalat41: و سلامة عمرك يالغالي و الله يوفقك و يهدي خلفتك |
رد: ماهي افضل طريقه لترويض الناقه على الحلب ؟ ما قصروا الاخوان صراحة قالوا كل اللي بالخاطر لكن بزيد عليهم الصبر ثم الصبر ثم الصبر وبيعينك الله |
رد: ماهي افضل طريقه لترويض الناقه على الحلب ؟ كل عام وانتم بخير ومن العايدين _ وبيض الله وجيهكم وماقصرتم اشهد انكم وفيتم وكفيتم واستفدنا من تجاربكم والأمور طيبه ابشركم |
| الساعة الآن 31 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |