|
العشاير ... بسم الله الرحمن الرحيم يا اخوان عندي كم عشرا كانت سمان واحوالها طيبه ... عزلنا منها حيرانها وزدنا علفها اضعاف علفها الأول خاصة البرسيم من شان تيسر وتضرب ولكن حالها تردى بشكل عجيب خلال اسبوعين عظامها طلعت وهزلت علما انها كانت تسرح والحين في شبك ما تسرح ... فهل لهذا دور والا هل هذا هو حال كل العشاير ؟؟ لأنه مر علي من قبل كم عشرا هزلت رغم انها مكرمه افيدونا جزاكم الله خير |
رد: العشاير ... ينقل للقسم العياده البيطريه خلك على نفس البرنامج الغذائي مع توفير الشعير حبوب الدود على جرعتين وتكرر بعد أسبوعين وبعد شهر بتشوف التغير |
رد: العشاير ... ياهلابك ياممدوح نفس الكلام الي قلته عندي في ثلاث نياق عشاير عظام ومكرمهن من البرسيم والذرة والوافي والصباح النخال والطحين لقام احسن الأعلاف عند خشمها وعطيتهن ابره ديكتوماس و شراب الدود وحبوب الدود ولا افادن بي شي اتمنى من اهل الخبرة يفدوننا وتقبلوا خالص تحياتي |
رد: العشاير ... مشكور يا اخ محمد ولكن السبب ليس مرضي ابداااا البل معطاه كل الابر اللازمه قبل فتره قريبه .. ومكرمه على الاخر ولكن الموضوع عند اهل الخبره فقط ولهذا وضعت الموضوع في قسم الاستشارات .. |
رد: العشاير ... شرحكم سرا |
رد: العشاير ... هلا اخوي ممدوح مره اخرى جميع العشاير يصيبها هزل طبيعي بعد مضي ١٠ اشهر من إنتاجها طلما انك عطيتها مضادات الدود فماعليك خلاف اذا خاطرها طيب وأكلها طيب لايحتاج الامر لاخبراء.. |
رد: العشاير ... اقتباس:
هذا انت طلعت كالعاده خبيرنا وفزعتنا ... هالمعلومه هي اللي كنت ابي اتأكد منها .. يعني هذا حال العشاير على 10 اشهر ينقص حالها ولكن مع علاجات الدود والعلف الطيب يرجع حالها اذا اراد الله .. شاكر مقدر ولا خلى ولا عدم |
رد: العشاير ... اضرب الابل ويبي يعود حالها العشار هو علاجها باذن الله |
رد: العشاير ... السلام عليكم صار عندي على ثلاث ولكن هذا مثل ماقال الخبيرين الاخ/ محمد التميمي والاخ/ بن موطان حال المعاشير في حل الضراب الضراب دواها |
رد: العشاير ... مسيك بالخيـــــــــر الاخوان ماقصروا اخذ العلم مني من غير قصورن فيهم العشاير انت شملتها على طول ؟صح !. اذا صح فانت اخطيت انت سبب مرضها لابغيت تغرز الابل غرزها بالتدريج يعني شملها يوم وفكها يوم بعدين شملها يومين واليوم الثالث خل ولدها يرضع شوي بس واحلب لازم تنظف ديوسها اول باول لان الحليب يرد فالديس ويضر الناقه ويصيبها مرض اسمه (( نزر )) وانت شف الناقه تحت بطنها حول السر تلقاه منتفخ من الحليب لانه رد فجسمها وتراه خطير يمكن يعطب ديس الناقه وعلاجها اسرع فك الشماله ونظف الديس ورشه بماء بارد ودقها ابرة بنسلين مركزه كل يوم 25سم لمدة 3 ايام بالتوفيق |
رد: العشاير ... بيض الله وجيهكم جميع وبعون الله ربك ييسر الامر .. الاخ محمد عز الله انك صادق نعم عرزتها على طول بدون تدريج والله يستر شاكر مقدر لكم جميعا والله يوفقكم |
| الساعة الآن 35 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |