|
استشاره ياجماعه الخير عن البيطريين استشاره ياجماعه الخير عن الأطباء البيطريين او الشعبيين اللي يدخلون على الناقه انا عندي ناقتين كلهم قد جابو قعدان ولهم ذلحين يمكن سنتين ماعاد عشرن ونبغى تكفون اذا احد يعرف له دكتور مجرب او شخص مجرب في الادخال والتنظيف يرسل لي رقمه ولا يعلمني وين محله انا ابلي حول الرفيعه وان كان احد يعرف له شخص يشرط لقاحها بعد فضل الله احسن واحسن بس تكفون نبغى اللي تصفطونه لأبلكم او لحلاكم 0555427888 |
رد: استشاره ياجماعه الخير عن البيطريين حياك الله أخوي ،،، بخصوص الاستشارة فأنا أشور عليك بالتعامل مع الاطباء اما الشعبيين فأيضاً لهم تجاربهم ونجاحهم ولكن فالوقت الحالي انا أنصح أنك تتعامل بالطب الحديث أحسن لك وأضمن لك بمشيئة الله ،، أحد الاخوان أرسل أبله إلى جامعة الملك فيصل فذكر أن واحده من الابل قد ولدت والثانية شراها حايل فأتضح تسرطن في مبايض الحايل وعلاجها الاستئصال والثانية الي قد ولدت { إلتهاب حاد في المبايض مما أدى إلى صعوبة في التلقيح } ،، فأنا أتوقع أن في المبايض فيها مشكله ،، خلنا نشوف رأي الاخوان لربما يفيدوننا ،، تحياتي لك ،، |
رد: استشاره ياجماعه الخير عن البيطريين عليك بالجالمعة اما بالقصيم ويمدحووون الرجال اللي فيها وانا والله ماجربته لكن عندي ناقة اليوم بأوديها له بعد ماذكرولي الناس تجاربه واللقاح بعد الله سبحانه ثم شغله فيها او جامعة الأحساء والله يرزقك فيهن البكار الطيبة العام يا اخوان جبتلي رشيدي كشف على الناقة قال هذه منفجر رحمها ولافيها لقاح مرة والناقه جايتني هدو وناقة طيبة لكن لها كم سنه حايل وجبت بعده دكتور قال الناقه مدخل عليها واحد غشيم مايعرف الرحم ومجرح رحمها وهي سليمه بس متقفلة الحافظة عندها وفتحتها وحطيتلها علاج ويبغالها علاج عن الجروح اللي سببها لها ادخال الشخص الأول. وعند ما سألت الدكاترة قالو لو انفجر رحمها ماتت على طول هذا كلام فاضي ... فأنتبهو من الغشمااااان |
رد: استشاره ياجماعه الخير عن البيطريين مرحبا يامحمد هذا دكتور في وادي العجمان في متالع واسم الصيدليه صيدليه المري واسم الدكتور هيثم ابو صلاح سوري وهو معروف في وادي العجمان وعند كل راعي ابل تقريباً وهو قد نظف لي ناقه عندي نظافلها وعطها ابر وقال عقب ثلاث ايام سقها للبعير وسقتها وعقب ماقامت الناقه من الفحل عطيتها ابره تثبيت القاح ولقحت وقد وديت للجامعه ثلاث نياق ونظفولها واضربتهن ولا لقحن وكل شي بيد الله ثم الدكاتره وهو يطلع ب٥٠٠ وجامعه الملك فيصل بلاش عاد انت اختار وكل شي بيد الله وهذا رقمه الدكتور هيثم (ابوصلاح) (٠٥٠٤٩٨١٣٧٤) واتمنى أني افدتك وتقبل تحياتي |
رد: استشاره ياجماعه الخير عن البيطريين بيض الله وجيهكم جميع ولاهنتوا على المشاركه |
رد: استشاره ياجماعه الخير عن البيطريين هذا رقم سوداني بالدمام طبيب شعبي اسمه ابو احمد 0501507049 مجربه من زمان في الادخال والتنظيف ويده مبروكة والشفاء من الله |
رد: استشاره ياجماعه الخير عن البيطريين
|
| الساعة الآن 18 : 03 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |