|
بنت معيضان الهرش .. منتجة ولقحة على بعير صخيبري السلام عليكم ورحمة الله وبركاته هاذي طول الله عماركم على الطاعة لقحة كسوب بـثالثها مشريه لقحة من ابل مبارك بن سالم بن ساقان المنصوري وعلى كلامه إنها من بنات (( معيضان )) الهرش بعير بن كلوان اللي باعه على محمد بن زايد الخيارين وأنا أذكر يوم نزل بن كلوان في الكمام وكان معيضان معه قبل 7 سنين على ما أعتقد الناقة سالمة عذاريب وعلى الشرط .. لا ذيبه ولا قلب عصب ولا تقطيع شبوك. الناقة عمرها سديس حالياً لقحت جذعه وولدت ثنية وجابت قعود طيب .. معروض في سوق القحول للبيع (( طويلان القوزي )) على هذا الرابط http://www.mzayan.com/vb/showthread.php?t=40505 ولقحت كسوب ثنية وولدت رباع وجابت قعود (( أطيب من بكرها )) وعلى بعيري الصخيبري اللي هي لقحة عليه حالياً وأضربناها رباع عقب ما مات ولدها وتلد بإذن الله (( سديس )) في شهر 3 ميلادي وإن شاء الله إن اللي في بطنها (( بكرة )) بإذن الله. الناقة منتجة وبطنها طيب وفيها حليب ما شاء الله تبارك الله وبتملا الطاسة أم 60 ولكن الناقة نحوس وتبي اللي يطبعها أنا أحلبها برباط والناقة أطيب على الطبيعة .. جبرة وعمرها طيب وراسها طيب وأحسن من الفديو بواجد .. واللي وده يسير ويشوفها على الطبيعة أبرك وأسعد ويشرفنا في محلنا. الموقع جوسمين .. غرب الجبيل وسلامتكم أخوك أبو فيصل 0551471471 |
رد: بنت معيضان الهرش .. منتجة ولقحة على بعير صخيبري وين الموقع يابوفيصل وهل سيمت من قبل ؟ |
رد: بنت معيضان الهرش .. منتجة ولقحة على بعير صخيبري اقتباس:
مرحبا يا بوناصر الموقع جوسمين .. على الماء في سمحة ولا عليها سوم |
رد: بنت معيضان الهرش .. منتجة ولقحة على بعير صخيبري ممكن صورة البعير اللي هي لقحه عليه ؟؟ |
رد: بنت معيضان الهرش .. منتجة ولقحة على بعير صخيبري مرحبا ياابو فيصل ياراعي العلوم الزينه 10000 جوال 0500704848 |
رد: بنت معيضان الهرش .. منتجة ولقحة على بعير صخيبري تم البيع الله يبارك لمن شرا ويربحه منها امين ويخلف علينا بالبركه |
| الساعة الآن 59 : 11 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |