|
مــــــرض غـــريب مساء الخير يالربع لا تبخلون علينا عندي بكرة مزايين غاليه حييييييييييييييييل القت سهيل اللي زل جاها العام سوامه ولا بعت وبعد شهر جاها مرض غريب فجأه هزه في اخر ظهرها بلاها يامن فقارها ياوروكها ومدري وش السبب تبرك طبيعي وتقوم طبيعي وتهج اول البل ولا تنقد عليها بشي الا بمشيتها واخر خفوف رجليها من وراء تقل منجرحة من المشي وكل مالها تضعف لما اندقت واختفى سبالها تقل ماصتلها زقارة عزلتها بشبك شهر ونص حبوب نحاس وحبوب دود وارخيت عليها العلف والحلبه ( بوفيه مفتوح ) والفيتامينات بالماء ولا تطلع محبوسة زانت كثير وطلع سبالها وزينها لكن الهزة مافارقتها ناس قالوا طير واستبعد ذلك لانها ماتهز راسها وناس قالوا عين وناس قالوا مرض يقاله خيال او خيل والله اني تعبت معها ولا شفتها وهي تمشي يضيق خاطري ابي اعرف هالمرض وشو ؟ والعلاج ؟ لانني ماتطببت بها نهائياً :mwalat26:ولا بطيتها اي ابره ابي اعرف مرضها قبل ابدا رحله العلاج وهل لو ماسلمت من الهزة بيضرها في اللقاح مستقبلاُ .:mwalat16: جزاكم الله خير |
رد: مــــــرض غـــريب يمكن يكون حلل... الله يشفيها |
رد: مــــــرض غـــريب مالك الا تحلالها والله يشفيها |
رد: مــــــرض غـــريب الاخ اشرف والاخ فيصل اشكر لكم مروركم لكن الحلل وشو ؟ وش اعراضة ؟ وش اسبابه ؟ وش علاجة ؟ حتى لو ماهو علاج لبكرتي نبي نستفيد و جميع الاعضاء يستيفدون واتمنى من الجميع التفاعل مع هالموضوع لاني تعبت من كثر ماسأل ولا لقيت جواب كلها مجرد توقعات وهذا اللي خلاني اتأخر في علاجها وانا اشك بأن مشكلت بكرتي شي يتعلق بالأعصاب لانها احياناً وليس غالباً تجيها زي الرعدة لا قربت منها وهزتها تغيب وتحضر . |
رد: مــــــرض غـــريب اخوي بندر الخطوه الاولى حبوب النحاس وانتهيت منها الخطوه الثانيه فيتامين ب 1 b1وفيتامين e selenium تعطي جرعة 10 سم من كل نوع فالمره الاولى و5 فالثانيه والثالثه واعلمنا بالنتيجه لوسمحت |
رد: مــــــرض غـــريب الاخ عيد المنصوري اشكر مرورك وأن شاء الله راح أبدا بالخطوة الثانية لكن عندي سؤال هل اخذ عينه دم لها قبل الخطوة الثانية ولا بعد |
رد: مــــــرض غـــريب الاخ عيد بالنسبه للجرعه الاولى عرفنا كميتها لكن الثانية والثالثة متى يعني بعد كم يوم اتمنى توضح |
رد: مــــــرض غـــريب يمكن انه مرض الطير لانه انواع شي في الراس وشي في الكرش وشي في الفقار واللي في الفقار يحرول ارجيلها |
رد: مــــــرض غـــريب الاخ سالم اشكر مرورك |
رد: مــــــرض غـــريب ممكن مرض الطير وانا مرت علي مثل هذا المرض بدأ بهز الرأس وعلاجته بالكي وسلمت ولاكن ردت الهزا ورجفه بالارجل من الخلف وبركة وعي تقوم وماتت . والموضوع كله موضوع فيتامينات . وأنصحك حمل البكره ودها للاحساء للمستشفي الامير وراح يفيدونك . |
رد: مــــــرض غـــريب الاخ طلال اشكر مرورك والله يعوضك بخير من اللي راح البل تفدي اهلها |
رد: مــــــرض غـــريب قررت بعد الاستخاره ثم ارائكم اوديها للجامعه لتحليلها وعمل اشعه كامله وسوف ازودكم بالنتائج والعلاج اللي راح استخدمها والله يكتب اللي فيه خير البل ما تحرم اثنين |
رد: مــــــرض غـــريب الأخوه الأعضاء مساكم الله بالخير جميعاً تم مراجعة مستشفى جامعة الملك فيصل بالأحساء الواقع على طريق سلوى بوابه رقم 3 وكانت أول مره لي أزوره صراحه تفاجأت بالكادر الطبي والأمكانيات الجباره بأختصار كأنك داخل مستشفى بشري بكل اقسامة طبعاً الكادر الطبي وانطلاقاُ من مقوله كلاً يعد ما واجه لاحظت عليهم وبكل صراحه وشفافيه حسن الأستقبال وخفه النفس وحب تقديم المساعده اللي للأسف فقدنها حتى بالمستشفيات البشرية الخاصه وعلى شان ما اطول عليكم بالكلام تم حضور جميع أطباء المستشفى ومشاهده البكره أثناء سيرها بعد ذلك اتفقوا على عمل أشعه مقطعيه لها للتأكد من خلوها من اي كسور والحمد لله كانت النتائج سليمه بعد ذلك تم عمل فحص دم شامل واتضح وجود نقص بالأملاح والفيتامينات وزياده في نسبة كريات الدم البيضاء المهم اتفقوا انه هالمشكله تتعلق بالأعصاب لكن ماهم عارفين المرض وش يكون تم صرف الأدويه التالية : phenylarthrite (فيني لارث رت) 25 سم يومياً لمده 5 أيام و selepherol (سلفرول) 25 سم كل 3 ايام و فيتامين B5500 بمقدار 5سم يوم بعد يوم وPENIKEL L.A.15+15 مضاد حيوي 25سم يوم بعد يوم وفيه بعض الفيتامينات التي تحتوي على تركيز عالي في الكالسيوم والنحاس وهي عباره عن بودره لم تكن متوفره لديهم وشريتها طبعاً مده العلاج شهر وبعد شهر نفس العلاج لكن بكمية أقل . المشكله ان كلها أبر اللي يعيننا على طرحتها كل يوم والله يعينها على الأبر هذا ماتم التوصل اليه حالياً للعلاج والشفاء بيد الله واتمنى دعواتكم |
رد: مــــــرض غـــريب أسأل الله العظيم أن لا يخسر عليك ويشفيها |
رد: مــــــرض غـــريب الله يشفيها ولايحرمك منهاا ولايخيب لك تعب إنه القادرعلى كل شي . .. وجزاك الله خير الجزاء على موافاتنا بهذا التقرير وانواع الادويه ليستفيد منها أخوانك . .. وبشرناا عنها |
| الساعة الآن 13 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |