|
حواره ماتقدر اتنسم مع خشمه الحل ياجماعه بسم الله الرحمن الرحيم بارك الله فيكم عندي حواره غاليه جدا عمرها تقريبا 4 شهور فيها مشكله في خشمها ماتقدر تنسم منه ويطلع منه مخاط ابيض ولا تاكل الا الحشايش وعلى الخفيف حتى حليب امها ماتشربه جدا وطول الوقت منعزله عن الابل وماتتنسم الا تفتح فمها الي عنده حل يفيدنا الله يجزاه خير وهل الابره تتاثر على الحوار ام لا وشكرا |
رد: حواره ماتقدر اتنسم مع خشمه الحل ياجماعه مرحبا يامحمد هذا والله العالم انه إنثاث نظف وافرك خشم الحوار بماء وملح وكثر الملح ويمكن يكون له ابره |
رد: حواره ماتقدر اتنسم مع خشمه الحل ياجماعه ارحب يامحمد البكره افضل ان لاتأكل غير الحشايش لانه لو كلت راح تجيها حما اغسل خشم الحواره بالماء والزنجبيل مرتين باليوم اشتر ابرة البنسلين اللي تشبه اللبن اسمها بن سترب pen$strep وغر الحواره خمسه ملي مرتين اول يوم وبعده كل يوم مره |
رد: حواره ماتقدر اتنسم مع خشمه الحل ياجماعه فيه ابره عند البيطري اسمها (( شامل )) الافضل الامريكيه ومثل ما ذكر لك اخونا عيد اغسل خشم الحواره وعساه ما تشوف شر وعطنا النتائج لاهنت |
رد: حواره ماتقدر اتنسم مع خشمه الحل ياجماعه يمكن غضروف سكرالخشم لازم تكسره |
رد: حواره ماتقدر اتنسم مع خشمه الحل ياجماعه الشامل علاجها اسمه على ما عتقد ترايمسين يوم وراء يوم وهذا المرض يسمونة (انثاث) عطها الابرة في اللحم اسال البيطري كم سامتي |
رد: حواره ماتقدر اتنسم مع خشمه الحل ياجماعه المشكلة بسيطة لا تتخوف منه هذا نسميه خشام والعلاج مثل ماتفضلو الاخوة وانا افضل الشامل على باقي الادوية |
رد: حواره ماتقدر اتنسم مع خشمه الحل ياجماعه لا تبطها ابره :mwalat26: ولا شي مثل ماقال الاخ حزام اغسل خشمها بموية وملح وكثر الملح وطريقة التنظيف جب لك قطعة خيشة وبلها بالماء والملح وافرك خشمها زين ونظفه لمده 3 ايام وازيد على ذلك فص ثوم بواقع من 3 الى 4 فصوص صغيره خلها تاكله ومايجيها الا العافية مجربة |
رد: حواره ماتقدر اتنسم مع خشمه الحل ياجماعه الله يبيض وجيهكم جميع وعسى ماترون مكروه |
| الساعة الآن 41 : 10 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |