|
يهمني رأيكم بالفحل وإنتاجه السلام عليكم ورحمة الله وبركاته الفحل ساسه من أبل حريب التمر السبيعي انتج عندنا انتاج طيب اكبر بناته الشتاء القادم تكمل جذعة الترككم مع الصور لتحكمو عليه وإنتاجه صور الفحل http://almzayan.com/files/3296.jpg صورته الحالية http://almzayan.com/files/3298.jpg صور بناته http://almzayan.com/files/3309.jpg http://almzayan.com/files/3310.jpg البكرة التالية بنت الناقه اللي ضربت فيها مثال اخي مشعل http://almzayan.com/files/3302.jpg صور القعدان http://almzayan.com/files/3304.jpg القعود التالي ولد الناقه نفسها أخو البكرة من الاب والأم http://almzayan.com/files/3305.jpg الناقه التالية أخت الفحل من الأب والأم |
رد: يهمني رأيكم بالفحل وإنتاجه اخوي سالم الصور عيت تطلع معي بارك الله فيك اتمنى اعادة رفعها على موقع الهدفه للتحميل او مزاين ليسهل مشاهدتها ولحفضها انا لو اعرف اعدت تنزيلهاا بإنتظارك |
رد: يهمني رأيكم بالفحل وإنتاجه اخوي طلع بعض الصور بكرتين وقعود و كلها عاديه والتصوير مهوب واضح تقبل وجهت نظري |
رد: يهمني رأيكم بالفحل وإنتاجه مرحباا بك ياسالم . المبروك أزين من البعير اللي سبق وانك عرضته . راسه زين وضخم ماعدا قلّته عليها مآخذ اذنه رقم 1 لونه زين ووسرته زينه البعير هجرً شوي ولحيم جنب ورقبه . انتاجه مبروك ان شاء الله اعجبتني البكره اللي انا اشرت لك على أمها فالموضوع السابق والبكره حلوه ماشاء الله عليهاا . وكذلك القعود اللي تحتها لونه طيّب وظهره طيّب ورقبته رقاقه وحلوه وراسه عادي . وانا اقول دام المبروك نطحته بناتـه . بعه والله يرزقك بااطيب منــه .. والناقـه اللي سبق وان هرجنا فيها دوّر لها الفحل الكفووو لو تعنى لـه وبتذكرني بالخيـر . .. واخت الفحل : اشهد أنها ناقة البدوي اللي تبدويه وترويه عسى الله يطرح فيهاا البركه . هالنوع من البل يجي أنتاجه اكبر الحشو وازينها عظم ووبره وحال . .. |
رد: يهمني رأيكم بالفحل وإنتاجه http://almzayan.com/files/3309.jpg البكره ذي طلعـت لي من الصور اللي فوق ... ماشاء تبارك الله حلوا جنب وظهر والبكره جذابه ووسرتها طيبه وعز الله انها منوة القناي البدوي لو انها لحيمً شوي وعرقوبها ماهوب الاقصى |
رد: يهمني رأيكم بالفحل وإنتاجه ماظهرت الصور الله يجزاك خير |
رد: يهمني رأيكم بالفحل وإنتاجه المشكلة انها تظهر عندي الصور ماعرف وين المشكلة |
رد: يهمني رأيكم بالفحل وإنتاجه شوفوا لنا حل يالنشامى .. الصور ماتطلع مع اكثر الاعضـاء حتى بعد أن اعاد تحميلها الاخ سالم على مزاين ... حاولت انسقهاا فالموضوع الاصلى ولامن فايده ... علماً أنها تطلع معي . واكثر الاعضاء ماتطلع معه . ياليت تفيدوننا وتحلون هالمشكله ومن ثم يتم نسخ الموضوع إلى مكانه . |
رد: يهمني رأيكم بالفحل وإنتاجه المشكله يابوذعاااار مهوب في مركز التحميل حجمـهااا ثقــيل يبي لهااا ضغط |
رد: يهمني رأيكم بالفحل وإنتاجه مرحبا بالاخ سالم اعطيك رايي حسب طلبك الفحل وانتاجه عادي جدا والاخ مشعل ماقصر اعطاك الراي الصحيح |
رد: يهمني رأيكم بالفحل وإنتاجه تم ضبط حجم الصوره واعادة رفعها |
رد: يهمني رأيكم بالفحل وإنتاجه جزاك الله خير يالتميمي |
رد: يهمني رأيكم بالفحل وإنتاجه افادوك الاخوان والبعير وانتاجه عادي جداً وعسى الله يرزقك بالي اطيب منه |
رد: يهمني رأيكم بالفحل وإنتاجه أخواني مشعل الشويش سلطان الدلبحي بندر مطر عبدالعزيز التميمي عادل الضويحي بندر معيض شاكر مروركم العطر |
رد: يهمني رأيكم بالفحل وإنتاجه السلام عليكم ورحمة الله وبركاته أخي العزيز حيث طلبت راينا بكل صراحه أكيد بتتقبله بكل اريحيه وصدر رحب اولا :الفحل لايضرب عندك شي من نوعية البل المغاتيرالتي صورتها ولاناقه الا اذاكان عندك ابل شقح او حمر طيبه ان شاء الله بينتج منها وضح ثانيا: الوضح ماشاء الله عليها ولكن وسرة البل هجره وجرومها صغيره نوعا ما تحتاج فحل منتج حتى ولو لونه اشقح ان شاء الله بتنتج وضح بارك الله لك |
| الساعة الآن 24 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |