![]() |
الفاطـر الغاليــــه مريضــه ( فزعتكم يااهل الخبـره ) السلام عليكـم . أخواني الاعزّاء عندي ناقتن فاطر من اطيب البل صابها وكالً في جسمها كلهّ مغير تدوّر الشبك وألاّ الشجر ثم تحتك لين تقطّع جلدها عليه . عطيتها ابر جرب ولانفع وعطوني البيطريين ابر انواع واشكال ولا نفع والناقه الان شبه ماعليها شعره نهائياً وجنوبها كلها دم من كثر ماتحك عمرها والعياذ بالله . .. اللي مرت عليه هالحاله يعطينا العلم بارك الله فيكم وفيما ملكت ايمانكم . |
رد: الفاطـر الغاليــــه مريضــه ( فزعتكم يااهل الخبـره ) مرحبتين يامشعل عساك طيب وأمورك طيبه وفاطرك ماتشوف باس بس السؤال وش نوع إبرة الجرب وعلى كم جرعه |
رد: الفاطـر الغاليــــه مريضــه ( فزعتكم يااهل الخبـره ) ابرة الجرب أمريكيه وعطيتها 15 وبعد 10 أيام 15 ولانفع وبعدها بفتره عطيتها ابرة جرب أردنيه ولانفع . .. وسلامتك |
رد: الفاطـر الغاليــــه مريضــه ( فزعتكم يااهل الخبـره ) ياليت تعطينا صورة لـهـا و أن شــــاء الله نخبـرك من خبرتنــــا و شكرًا |
رد: الفاطـر الغاليــــه مريضــه ( فزعتكم يااهل الخبـره ) والله ياخوك مااعرف اساميها |
رد: الفاطـر الغاليــــه مريضــه ( فزعتكم يااهل الخبـره ) الله يشفيها ويبارك لكم عليك بتسبيح الناقه بفيري وشوي سم مخفف ولازم تواصل عليها وسلامتك |
رد: الفاطـر الغاليــــه مريضــه ( فزعتكم يااهل الخبـره ) مشعل يستبعد ان المرض جلدي طلما عاطيتها هالنوع من الابرتين ارجح ان المرض في الدم على العموم تحليل الدم هو الفيصل المختبرات البيطريه موجوده بااغلب المناطق والتحليل بسعر زهيد وسهل |
رد: الفاطـر الغاليــــه مريضــه ( فزعتكم يااهل الخبـره ) والجاره تستبعد لخطورتها على جلد الناقه |
رد: الفاطـر الغاليــــه مريضــه ( فزعتكم يااهل الخبـره ) راشد محمد لاعدمناكم وبيض الله وجيهكم |
رد: الفاطـر الغاليــــه مريضــه ( فزعتكم يااهل الخبـره ) مساك الله بالخير اخوي مشعل دام جلدها تجرح لاعاد تقربها الجاره ولا حتى الماء السؤال/ هل يجيها حمى؟ وتبرك في الظل؟ ان كانت الاجابه بنعم فهو جدري واعزلها فورا وخذ علاج الجدري والله يعينك .. شفائها يتاخر احياناا ان كانت الاجابه بكلا ....فانقلها في ظل وادهنها بمرهم فيه مضاد والله يشفيها تقبل تحياتي |
رد: الفاطـر الغاليــــه مريضــه ( فزعتكم يااهل الخبـره ) الأمر عادي بإذن الله تعرف المرة .. أكيد تعرفها ما فيه أحد ما يعرفها نقع لك (( مره )) في غرشة نوفا الكبيرة أم 8 ريال وأغسل الجروح الليل في الناقة بالماء اللي منقع بالمرة حاول أنك تحك الجرح زين وتحسن أن المرة وصلت الجروح وغسلتها زين مثل عمليت التطهير. بعدها خلها تنشف شوي .. ثم أمسح عليها بفازلين وكرر العملية كم يوم وبإذن الله ما عليها شر. |
رد: الفاطـر الغاليــــه مريضــه ( فزعتكم يااهل الخبـره ) مرحبا بك ياحاتم تراحيب وبل الوسم . مااعتقد انه جدري الناقه مايجيها حمى وأما الظل فاانا عازلها في شبكً تحت ظل ولا ادري هل هي تتبع الظل ام لا . ... والشكر موصول للأخ القدير / فهد الاحمد . وبيض الله وجهك يافهد والله .. تقديري للجميع |
رد: الفاطـر الغاليــــه مريضــه ( فزعتكم يااهل الخبـره ) انتبه ليكون سعار ( داء الكلب ) من علامات السعار الحكه الزايده ما شفتها تاكل من القاع الخشب و الرمل ؟ |
رد: الفاطـر الغاليــــه مريضــه ( فزعتكم يااهل الخبـره ) مرحبا ياشبـاب .. لا اعتقد ذلـك النااقه طبيعيـه .. لاهنت |
رد: الفاطـر الغاليــــه مريضــه ( فزعتكم يااهل الخبـره ) أنا أشوف انه مالك الا تسوي تحليل للناقة |
الساعة الآن 59 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |