|
علاج الحيل اللي ماتلقح السلام عليكم ورحمة الله وبركاته اسعد الله اوقاتكم بكل خير هل الحيل اللي ماتلقح لها علاج ؟ عندنا 10 من اطيب البل حيل مايلقحن وادخلنا عليها وقطعنا الصيد ولاخلينا عنها شي ولا تلاقحن افييدونا جزاكم الله خير .. |
رد: علاج الحيل اللي ماتلقح مرحبتين اخوي عبدالعزيز بعد إذنك أني نقلت الموضوع في هالقسم طبعا كثير من الحيل تتعالج وتلقح والحيال له اسباب كثيره ام ان الناقه رادم شحم او يوجد التهابات في الرحم او وجود الصيد والذيخ وكلها تعالج ياعبدالعزيز شف لك طبيب شعبي في المنطقه اللي انت فيها وقبل الهباب ابد في العلاج وباقي الاخوان يفيدونا بتجاربهم |
رد: علاج الحيل اللي ماتلقح الحيل طاردها عن العلف ما اعطيها الا تبن فقط ولا تذوق الشعير ولا المكعب الا لين تلقح :) .. |
رد: علاج الحيل اللي ماتلقح أنا اضمن لك بعد الله ان دخل طبيب شعبي فاهم على هالحيل من ابلك تبي تعشر بمشئة الله فااحرص على هالموضوع وبشرنا عنها |
رد: علاج الحيل اللي ماتلقح جزاك الله خير ولاهنت يالطيب قد ادخل واحد من الجماعه صاحب خبره على 5 من الحيل وتلاقحن 2 منهن والباقي يفتح الله في انظار الاخوان للاستفاده من تجاربهم .. |
رد: علاج الحيل اللي ماتلقح وفقك الله اخوي عبدالعزيز اغلب الحيل تلقح باذن الله اكثر مشاكلها من الغشم اللي يدخلون عليها ويحطون في ارحامها تمر وعويدي و.......الخ تجربتي الشخصيه للناقه اللي سبق لها الولاده : 1. الادخال بزيت الزيتون الصافي الاصلي والعسل الالماني / الغابه السودا بالحبه السودا وحبه او حبتين مضاد حيوي مع العنايه بالنظافه ولبس القفازات وملاحظة وجود حبوب في الرحم من عدمها وان وجدت تعطى الناقه ابرة جرب بعد الادخال. 2. تقطيع الصيد بعنايه وتشريط بسيط بعد الادخال مباشرة. 3. حك اسفل اللسان حتى يدمي. 2. تكرم الحايل بالبرسيم والشعير لمدة عشره ايام مايقربها الفحل . 3. تفك عليها الفحل وبتكون مجسر 100% باذن الله البكر الصغيره من الافضل يقطع الصيد عنها فقط والبكر من الرباع الا السديس تجيب اداة قسطره من البيطري وهي عباره عن ماصوره ملساء نحيفه في اخرها ثقوب وتدخل من خلالها عسل مخلوط بزيت زيتون ومطحون فيه المضاد الحيوي والبكر الشاق ادخل عليها -كما سبق مع الناقه المستالده ----------------------------------------------------------------- ملاحظه: اذا مالقحت الحايل فخلها مع البل وخل الفحل يضربها فاحيانا ماتلقح الا بعد تكرار البعير عليها فلا تعجل انتبه من اعادة الادخال لانه ما من تكراره خير ويفك حوافظ الناقه هذه طريقه ناجحه الا ماندر وكل شي بقدرة الله تعالى تقبل تحياتي |
رد: علاج الحيل اللي ماتلقح البل نظفها من الصديد شي بسيط ولايقربها الملح أو اي شي ثاني وهد الفحل عليها أول ماتنظفها أخوي انا مجرب في ابل عندي وأسال الله التوفيق |
رد: علاج الحيل اللي ماتلقح أخوي بهيان هل جربت فحل غير الفحل ألي عندك ؟؟ هل تضرب الابل الحيل وهي علي يسره ؟؟ عليك برشاد مدة 5 ايام مرة باليوم تخلطة مع شعير مقدار أستكانه شاي والشعير مقداره كيلو ولاتعطيها مكعب ومن يضربها عليك بالابرة المثبت وأسمها رسبتال اللون أزرق ومن يضربها الفحل وهو فوق الناقة تضرب الناقة وسهرها 80 ريال تقريبا وان شاء الله راح يتعاشرن انا مجرب والمجرب يبهت الدكتور في برهانة .والله اعلم |
| الساعة الآن 03 : 07 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |