|
هل الناقة مقروصة؟ صبحكم الله بكل خير اخوكم ماش خبرة بالبل ولا نستغني عن قزعتكم عندي ناقة لقحة امس الصباح وصلت للمفلا ما بها الا العافية شوي يوم شفتها ضلعت من يدها وبركت تفقدت اليد ما بها لا شوكة ولا شيء الا تقطة دم صغيرة من فوق اليد قامت تمشي ورا البل وتبرك لين وصلت الشبك وبركت ويدها وارمة تفقدتها ثانية اشوف تقطة الدم وجنبها وحدة اصغر منها فوق اليد جزمت انها مقروصة لكن الناقة تجتر رحت للبيطري وعطاني 3 ابر 1مضاد حيوي ( ستريب توبنسلين ) phenylbuta-kel 2 3- هستاكيور ورشيتها بالماء والرجاء بالله سبحانه اليوم الصباح يدها لا تزال وارمة وتضلع منها لكن باله زين وش راي الاخوان اهل الخبرة؟ وجزا الله كل من رد خير الجزاء |
رد: هل الناقة مقروصة؟ وعليكم السلام ورحمة الله عساك ماتشوف شر بحلالك يا عبدالرحمن .. والمقروصة مالها الا المضاد الحيوي .. |
رد: هل الناقة مقروصة؟ المقروصه تلقاها تعرق بالحيل ومالها الا المضاد الا اذا صارت توها مقروصه فيه عرق فالعرنون قدام العين افصده وانشاءلله تطيب |
رد: هل الناقة مقروصة؟ هلا اخوي عبدالرحمن بشرني عن حال الناقه اليوم؟ |
رد: هل الناقة مقروصة؟ اقتباس:
والله لا يهينك على المرور اقتباس:
والناقة ما لاحظتها بعرق بالحيل اقتباس:
ومشكور على حرصك والناقة اليوم الصباح ما جاز لي حالها حطيت لها البرسيم ولا لدت له واليد لا تزال وارمة |
رد: هل الناقة مقروصة؟ علاجك زين لكن المفروض انك فصدت مكان القرصة |
رد: هل الناقة مقروصة؟ تكشيط (تقطيع سطحي) لمكان القرص بموس نظيف شي مهم وانا اعتبره من الاسعافات الاوليه للناقه قبل العلاج والبل تسلم غالباً من الموت لا قرصها شي وكشط مكان القرصه الا اذا قرصت من الديد غالباً ماتسلم وماينفع معاها شي الا بأذن الله والله اعلم |
| الساعة الآن 30 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |