|
سوال من سالم المنصوري لاهل الخبره الله لا يهينك على الطرح المميز بس حبيت أنشدكم يا اهل الخبرة أنا عندي موت الحيران المفاجئ من 30 حوار ما تبقى الا 6 وهذا الشي يصير كل سنة فحبيت اشرح واحد من الحيران وأشوف وش البلية الي فيه فحصلت قلبة كبير ومليان من الماء ياليت الي عنده خبره يفيدني في الموضوع http://mzayan.com/vb/maazayn/images/misc/progress.gif |
رد: سوال من سالم المنصوري لاهل الخبره الامر غريب يلزم عرض الموضوع بجامعة الاحساء للابحاث بس قبل هذا كله يلزم التوضيح عن علف الامهات هل تستخدم ادويه للقحات؟ |
رد: سوال من سالم المنصوري لاهل الخبره سلام عليكم الحيران تلد متعافيه ولا من يووم تولد مريضه صف لنا حاله الحيران |
رد: سوال من سالم المنصوري لاهل الخبره الله العالم ان ابو الحيران من امهاته والشي ذا يصير واجد واولهم محمد بن مبلش وقد ذكر الشي ذا بنفسه |
رد: سوال من سالم المنصوري لاهل الخبره اول شي اثني الشكر الخاص لخوي فلاح الخالدي اعرضة هذا الموضوع المهم جدا في رأيي ثانيا اشكر إخواني ابي تجاوبوا مع الموضوع يا إخواني الحوار يوم يطيح ما يكون فيه اي عوق يكون طبيعي حاله حال اي حوار ثاني وسؤال علي الدعجاني اقوله ان ابو الحيران ماهوب من أمهاته مع العلم أن موت الحيران جا مع الجت الجديد الي جابوه لنا ولا اعلم هل هوه من الجت او لا وشكرا لكم على التعاون |
رد: سوال من سالم المنصوري لاهل الخبره ان كنت تقصد الجت اللي يا في دولة الامارات كلنا نطعم منه ولا حدث عندنا موت مثل ما انت ذاكر. ولكن سوالي متى يموت الحوار عندك ؟ بعد كم يوم من الولاد ؟ وكيف تعتني به؟ وايش تطعم امة بعد الولادة ؟ وهل تولد الناقة في الشبك والا خلا ؟ ارجو الاجابة حتى نستطيع نعطيك راي |
رد: سوال من سالم المنصوري لاهل الخبره ياخوان الجتِ معناه:البرسيم . احتمال محد يعرف كلمت الجتِ وهي معروفه عند اهل الساحل الخليج هذا ماحبيت توضيحه وتقبلوا تحياتي |
رد: سوال من سالم المنصوري لاهل الخبره بخصوص سوالك محمد المنصوري الحوار ينولد في الشبك ما هوب في الخلا والموت ماله وقت محدد البعض أسبوعين والبعض شهرين والعناية عاديه اول ما يطيح الحوار نعطيه أبره فيها دوا عن طريق فم الحوار ومرات شراب والدواء اعتقد انك تعرفه وقد مر عليك وانا في اعتقادي انه من الجت لانه اذا أملح لبن الناقه وشربه الحوار يموت خلال ساعات معدودة عندك خبر في هالشي |
رد: سوال من سالم المنصوري لاهل الخبره الموضوع غريب جدا جدا كم عمر الحيران الي تموت ؟؟ وكل سنة مثل هالحالة ؟؟ هل انت تعاملك مع الصبي معاملة زينة لانه الحالة هذة مرت علي واحد بس الموت من دق وحتي المفاريد وكان من الصبي يعطيها ((جره في الماء بكمية كبيرة )) والمعزب نايم بالعسل . |
رد: سوال من سالم المنصوري لاهل الخبره الله لا يهينك يا بو محمد على نقل تساؤل الأخ سالم المنصوري أنا أتفق مع أخوي طلال بن عقاب وأزيد عليه بشيء (( أنه يشد من محله وإذا قدر يغير العمال اللي عنده يكون أفضل )) قال عليه الصلاة والسلام (( الشؤم في ثلاث الدار والمرأة والدابة )) ومن هذا المنطلق فإني أنصح الأخ سالم بأن يشد من محله اللي هو فيه (( إن كانه مطول فيه )) وأنصح نفسي والجميع بالصدقة (( الصدقة تدفع البلاء )) وسلامتكم |
رد: سوال من سالم المنصوري لاهل الخبره الاخوان تطعم اللقحات ضد المعوي والدموي وخاصه النياق اللي في الشبك حصل عندي موت في الحيران قبل ثلاثه سنوات وبعدها جبت التطعيمه والدكتور وتطعيم وجت حيرانها سليمه ولا عاد موت الحمدالله |
رد: سوال من سالم المنصوري لاهل الخبره السلام عليكم يا المنصوري اخوي .. هذي الحاله صابت كثير مننا في الامارات ... وخصوصا العام ياللي فات .. من كل عزبه يموتون 12 و 6 وغيرها من الاعداد واكتشفنا كلنا انه السبب هو النواقص في الحيران .... يكونون الحيران بالف خير وعافيا .. وفجاه بديت الاحظ انه في اقل من يومين يصيب الحوار مثل الترنحات البسيطه مثل ياللي يفقد توازنه لثواني بس .. وبعدها يرجع لحالته الطبيعيه .. فمات عليه اغلى حيراني .. وتميت ادور علي السبب واكتشتف انه بسبب النواقص .. ومش شرط يكون في الام او في غذائها ولكنه بلاء من الله .. وجبت له فيتامينات من العياده .. و حبوب من زيت السمك " Seven seas " يباع في الصيدليات البشريه .. ودواء والله ما يحظرني وش امسه .. اما الفيتامينات .. اعطي امه نص فنجان مع الماء واغرها اياه .. والحوار اعطيه حبه من زيت السمك .. مع ربع فنجان فيتامينات .. وتميت على هالحاله عشر ايام .. حتى ولو الحوار بخير وينطنط .. استمريت اعطيه واعطي امه على شان يرضع امه ويستفيد من ياللي اعطيه لامه .. والحمدلله .. انا وغيري استفاد من هالدواء .. ركز على الحيران اول ما ينولدون .. ومن يطوف عليهم اسبوع .. لاحظ هل فيه ترنحات بسييييييييييييييييييطه جدا .. وهذا اول الدلائل والله يوفقك ولا يخسرك في حلالك |
رد: سوال من سالم المنصوري لاهل الخبره :mwalat20:http://im11.gulfup.com/2011-09-18/1316333838501.jpg هذا هو الحل ويعطى الحوار بالفم من 2-5 ملي ويمكن استخدامه تحت الجلد او باللحم او بالوريدوشراب والسعر من 20-25 ريال وايضا يستخدم للابل قبل وبعد الولاده وقبل الضراب وللفحول ايضا وماودي اعلمكم بالباقي حتى لاترفعوا سعر الدواء علينا اسمه stress-vitam من انتاج vetoquinol |
رد: سوال من سالم المنصوري لاهل الخبره عسى الله لا يهينك يا عيد ولا يهين إخواني اعضاء المنتدى على وجهودكم الي بذلتوها من اجل حل هذا السؤال والله لا يهينكم على هالجهود وعساكم عالقوة |
| الساعة الآن 09 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |