منتـديـات مــزايـن - الهــــــــــــــــيام وتجربتي معــــه

منتـديـات مــزايـن (http://www.mzayan.com/vb/index.php)

- عيادة مزاين البيطرية (http://www.mzayan.com/vb/forumdisplay.php?f=3)

- - الهــــــــــــــــيام وتجربتي معــــه (http://www.mzayan.com/vb/showthread.php?t=40111)

الهــــــــــــــــيام وتجربتي معــــه

السلام عليكم ورحمة الله وبركااته

مسااكم الله بالخير اعظاء وزوار منتدى مزاااين

اليوم اعلمك با تجربتي مع بكره شريتها وكان سعرها زين بالحيل والبكره قيمتها من 100 وفوق

المهم ارتبطة مع الدوام وكاان مجيي الى البل داايم في الاسبوع مره وفي الليل اثر البكره مهيوه

والعااامل يمني الاول مايعرف البل ابطى فيها لين الله يرمكم لمحتها في الليل ( تذرق ) دريت انها مريضه

جااء الوالد الله يحفظه وشافها قال مهيوه ولا عاد لها علاج انحرها ثم بداء مشواري معها عطيتها ابر هيام ولا نفع

وسويت لها خلطات واجد ولا نفع اخرتها شاار علي احد اصدقاء بان اعطيها بنزين ورفضة حتى تردت البكره واجد

وعرضتها للبيع ولا احد يبيها وعلمتهم قلت البكره مهيومه حتى ضطررت الى استخدام البنزين ثم علموني كيف الستخدمه

عطيتها اول شي زيت زيتون ثم غريتها با غرشة مويه بنزين وهي طبعن عاقلها وهي يا ريجيل ينطلق وجهه وتفك سباله

ولو عطوني فيها ذيك الساعه مليون عييت واخليها لمده ساعتين واطلقها وتاخذ يومي احسبها طاابت وهي ترجع وتتردد

وبعد اربعة ايام وهي تمووت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ

انصح بعدم استخداام النزين ابددد انتبهو يا ريجيل وانصح بعد التطبب في الحلال لاني بعد ذي تحسفة يومي ما نحرتها من الاول

ورتحة وريحتها ذا البهيمه و ســــلامتكم