|
هل وجود الشامه عذروب في المجاهيم ؟ بسم الله الرحمن الرحيم اسعد الله اوقاتكم وتقبل الله منا ومنكم صالح الأعمال وجعلنا واياكم من عتقاءه من النار في هذا الشهر الفضيل يا اخوان وجدت لي ناقه مجهم مزيوووونه جدا وناقة انتاج فااخر ترفع اي بعير تنتج عليه في كل بطن من بطونها وغاليه وانااجها مبيوع غالي والناقه مانقدت عليها الاّ وجود اكثر من شامه حمراء في اكثر من مكان في الناقه رغم انها مجهم غرابيه جدا والناقه تنقل الشامه لأنتاجها فهل تعتبر الشامه عذروب في المجاهيم حتى ولو كان انتاجها فاخر ؟ وهل الشامه دليل التهجين ؟ وهل يأثر وجود الشامه على سعر الأنتاج او الفحول ؟ والله لا يحرمكم الأجر |
رد: هل وجود الشامه عذروب في المجاهيم ؟ الشامه في نظري الشخصي انها عذروب يقدح في المطيه واذا صارت تورثها لانتاجها بعد عذروب ثاني الشامة نعم دليل على التهجين غالبا |
رد: هل وجود الشامه عذروب في المجاهيم ؟ الشامه لاتعذرب المطيه إلا بوجهة نظر الشريطيه .. والطيبه طيبه سواء فيها شامه ولابدونها !! |
رد: هل وجود الشامه عذروب في المجاهيم ؟ السلام عليكم ياخوك هذي اكيد ابوها بعير مجدل الدوسري ويسمونه ابو شامه او شامان وانتاجه كله يجي فيه شامه ولون انتاجه كما ذكرت غرابيه وابل نوادر في الزين والانتاج وهي معروفه عندنا في وادي الدواسر ولانعتبرها عذروب بل صارت علامة جودة هههههههههه نعرف منها اصل الناقه |
رد: هل وجود الشامه عذروب في المجاهيم ؟ يا ابو احمد الزبون او الشريطي اول ما يحصل الشامه في الناقه او البعير يتبادر الى ذهنه انها تهجين وخصوصا باكستاني وليست في مستوى السليمه من الشامه من حيث القيمه ولكن القناي الشامه لا تعذرب الناقه الطيبه في نظره |
رد: هل وجود الشامه عذروب في المجاهيم ؟ بيض الله وجيهكم والله لايحرمكم الأجر الناقه شفت انتاجها على الطبيعه شي فاخر ماشاء الله تبارك الله ولكن الخوف ان هالأنتاج الفاخر ان رزقنا الله منه ما يجيب قيمه بسبب الشامات اللي تورثها الناقه خاصة ان قيمتها غاليه واعتبرها مغامره يقدم الله مافيه الخير لنا ولكم وبيض الله وجيهكم |
رد: هل وجود الشامه عذروب في المجاهيم ؟ الأخ ممدوح إن كان مالك نظرفي الناقه ارسلي صورتها ورقم جوالك على الخاص عندي لها زبون |
رد: هل وجود الشامه عذروب في المجاهيم ؟ الشامه ماهيب عذروب فالمطيه أخي الكريـم .. ولكن قد يتبادر إلى ذهن البعض انها دليل على التهجين وهذا الكلام غير صحيح . واعرف لـك احد الاخوان اللي معنا بالموقـع عنده بعيرً كفـو مجهم وفيه شآمه والرجال هاده فالبل .. .. فـ من وجهة نظري الشخصيـه أنها لاتعبر عذروب إطلاقاً ... .. |
رد: هل وجود الشامه عذروب في المجاهيم ؟ مرحبا ياممدوح وابل الجزيرة اللي نعرف مافيها وشوم . والوشوم علامة تهجين ويستارثها الانتاج اما الناقة الغاليه مايعذربها شامه وشامتين ويفحل ولدها .وفيه فحول طيبه اماتها زرق مجاهيم . |
رد: هل وجود الشامه عذروب في المجاهيم ؟ الله يرحم والديك يا ممدوح قل أمين من زمان وأنا أدور أجابه على هذا السؤال ونزلت موضوع في المنتدى ولا لقيت له إجابه هل الشامه عيب في الناقة ؟؟؟ أنا شريت بكره أبوها معديان بعير الأمير بن جلوي وأمها من أبل الشيخ مجدل والبكره كفو كفو لكن عيبها فيها الشامه اللي تقول وأمها شفتها ناقة كفو وخصم سوداء غرابيه ولا فيها شامه . وسالفة الشامه في إبل مجدل الدوسري من بعير اسمه حشيرين يقول أنه من أبل الملك خالد الله يرحمه وهذا سر فيه وفي أماته. وسلامتك وسلامة الجميع |
رد: هل وجود الشامه عذروب في المجاهيم ؟ اخوي الشامه ماهي عذروب في الناقه ولا على كل حال ان انتاجها يجيه ماصاب امه, من ناحيت انه تهجين فاهاذا غير صحيح ان عندي بكره من فحل الابل ساسه من ابلنا وامها كذلك من ابلنا وفيها شامه ولا سبق ان صار عندن مثل ذلك وجاء انتاجها عايدي لا يوجد به شامه ان شاء الله اني افدتك |
رد: هل وجود الشامه عذروب في المجاهيم ؟ الشامه الصغيره ماهي عذروب لاكنها تشوش على الشرايه لاختلاف الاذواق وعدم وجودها افضل /يعني لوخيرت بين ناقتين متقاربه في الزين ابا اختار اللي مافيها شامه اما لافاتت بزينها فغير تقبل تحياتي |
رد: هل وجود الشامه عذروب في المجاهيم ؟ عندي ناقه فيها شامتين واحده في جنبها وكبيره والاخرى في جنبها الاخر الناقه عارف ساسها ولا قربها التهجين |
| الساعة الآن 27 : 05 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |