|
وش حل كبر ديد الناقه السلام عليكم وتقبل الله طاعتكم.........يالنشاما عندي حدا البل ناقه قادمها كبير واذا ولدت كبر زياده لدرجة انه يضايقها بالمشي وش السواه واحد من العيال قال جب الدكتور وخله يقطعه لك ترتاح وتريح الناقه مع العلم لا الحوار يشرب ولاينحلب مامنه فايده ابي شوركم لاهنتو . |
رد: وش حل كبر ديد الناقه الي مايحلب ولا يرضعه الحوار يقطع افضل لانه 1- يضايقها ويجزعها 2- يشوه الناقه 3- كل ماعينت فيها عورتك كبدك وجزعت فيها ورحمتها هذا رايي والله يدلك لما فيه خير |
رد: وش حل كبر ديد الناقه ينقل للعياده البيطريه |
رد: وش حل كبر ديد الناقه اذا مافيه الم ولا ضرر اقطعه |
رد: وش حل كبر ديد الناقه ان كان الديد ميت لابأس من قطعه اما اذا فيه حياه حاول انك تجنب القطع. |
رد: وش حل كبر ديد الناقه مرحبا ضاري ونورت المنتدى والله يبارك لك في حلالك أنا أشوف الامر مو سهل اقطع ولاتقطع الاستئصال يترتب عليه امور واجد اللي فهمته منك ان هالشطر يوجد فيه حليب بس ثقيل وصعب حلبه لقساوته يوجد ابره عباره عن أنبوب يدخل في فتحت الديد ولايوجعها ابد ينزل الحليب كله بدون حلب الأنبوب يقوم بمهة إنزال الحليب الموجود في الشطر هذا حل من الحلول وبالاخر استشارت العيادات البيطريه مهم في مثل هالحاله |
رد: وش حل كبر ديد الناقه إنتبه تقوم بعملية بتر الديد بنفسك حاول انك تجيب دكتور بيطري هو الي يقوم بهذا الشيء ،، لكي تتجنب الاتهابات المزمنة ،، والبتر من أفضل الحالات عندما لا يوجد فيه فائدة ،، |
رد: وش حل كبر ديد الناقه يارجال وش يحدك على القطع ترى مهوب هوين ويمكن يلتهب ثم ياخذ عليك الديد كله ، الواضح ان الديد مندعل ولاله الا الشمالة تحفظه وتمنع الناقة من لطمه في رجلها |
رد: وش حل كبر ديد الناقه اذا كان الديد ميت او غير ميت فيه حليب او مافيه ومضايق الناقه ولا يرضعه الحوار ولا ينحلب فيه مغاط تلاقيه عند البيطري خاص بقطع الديد الذي ما منه فايده ويتعب الناقه ويتعب من يشوفه تحطه على ديد الناقه من المكان الذي تريد قطعه وكل اسبوع تغيره لانه مقاسات وبهذه ينقطع الديد بدون الم وبدون جراحه وكل العملية تاخذ شهر فقط لا الم ولا تعب ولا شي من هذا القبيل |
رد: وش حل كبر ديد الناقه بسم الله الرحمن الرحيم مسسساء الخير ارسل الناقه لجامعة الاحساء وقص ديد الناقه وريحها وارتاح |
رد: وش حل كبر ديد الناقه اضغط على الضرع ، اذا بين صبعك في مكان الضغط فعلاجه كالتالي: ابرة دايريزون في العضل مضاد حيوي في العضل مثل انفي موكس 15% مرهم ضرع داخلي في كل حلمة انبوب اذا كان الضرع قاسي عكس الاول فتزيد على العلاج السابق انك : تغسل الضرع بماء دافي تضع عليه مرهم ضرع خارجي مثل ادارين بالاضافة الى العلاج السابق لكن اهم نقطة هي حلب الضرع تماما قبل استخدام العلاجات السابقة والحلب نصف العلاج |
| الساعة الآن 42 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |