|
هل اصابنا رهاب انقطاع الشعير ؟؟ اخواني الحاصل ان الناس ما عاد عندها ثقه في الحكومه والمسؤلين في السيطره و القضاء على اسباب انقطاع الشعير المفتعله فما زال الناس متوجسين وخائفيه ووجلين من معاودة انقطاعه مره اخرى فترى السراء اللي ماله اخر والواحد يحمل ويعود يصف مره ثانيه يعني تدوير للتحميل ويخزن ما اخذ كل يوم تحسب للانقطاع كل يوم تصل الجنادريه وانا اقف على بعضها من 8 الى 12 تريله يوميا وفي العزيزيه كذلك من العدد واكثر وانا واقف عليها البارح الساعه 10 اخبرني المسؤلين في المتعهد المرزوقي ستصل اليوم 16 تريله واخبرني الاخ فلاح الخالدي انه راى تريلات في الشرقيه تبيع شعير ما عليها سرى وبالسعر المحدد 40 والخلاصه اصاب الناس مرض اسمه رهاب انقطاع الشعير ولا يلامون على ذلك وستبقى محفوره في اذهانهم لن يمحاها الزمن اسال الله الفرج لنا ولهم وان يسلط على كل من كان ورى هذي الازمه |
رد: هل اصابنا رهاب انقطاع الشعير ؟؟ مرحبا يابو فالح موضوع الشعير طاريه لحاله يألم وانت جبت زبدة الموضوع اي بالله ماعاد فيه ثقه لأن الموضوع بين انه تلاعب ولاهي ازمه بالاساس لاكن الله يرزقا بالوسم البكور اللي يغنينا عن علفهم وطمعهم لاهنت |
رد: هل اصابنا رهاب انقطاع الشعير ؟؟ انا ما صابني رهاب ولا شيء !! هههههههههه الشعير أحس أنه صار مخدرات للإبل ؟؟ والله نتكلم هنا ولا كأننا نقول شيء ،، العالم فيها إدمان على ها الشعير لحلالهم والعياذ بالله ،، الحل تم إخبار ها البشر فيه ولكن لا حياة لمن تنادي خلهم دامهم هم الي يضرون بأعمارهم ،، (( المقاطعـــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــه )) |
رد: هل اصابنا رهاب انقطاع الشعير ؟؟ السلام عليكم ورحمة الله وبركاته أرحب يابو فالح والشهر عليك مبارك وذنب مغفور وسعي مشكور لنا ولك ولكل مسلم بإذن الله تعالى.. شوف يابو فالح مسآلة الثقه أعتقد إنها فقدت إبتداء مع موجة الغلاء الفاحش الذي مارسه التجار الجشعين على كثير من ابناء المسلمين الذي لاحول لهم ولاقوه وليس لهم سلاح إلا الدعاء على من تسبب أو إفتعل هذا الغلاء في سجدة أخر الليل وفي دبر كل صلاه !! والحقيقه أن كثير من شعوب الخليج ثقافتهم العلميه والثقافيه في التعامل مع التجار الفجار في حال الغلاء الغير مبرر أعتبرها صفر مكعب مع التربيع ! لإنهم عادتاً لايفكرون بأسباب هذا الغلاء المجرم ولا يآخذون بالآسباب التي تمنع هؤلاء (القوم) الجشعين من التمادي في غيهم !!! وهذا الآمر مما ساهم وجعل التجار يتهيئون للتلاعب ويتلاعبون بالآسعار ويفتعلون الغلاء الغير حقيقي عام تلو عام.!!! نعلم أن الخليجين بصفه عامه هم شعب طيَب ومسالم ولايبحثون إلا عن السكن والمعيشه والتعبد لطاعة الله ورسوله فيما أمرهم.. لكن قدرهم مع ثورة البلدان الخليجيه بالثروه النفطيه إبتلاهم الله بمستوطنين لايعرفون لله طريق وسلمت إليهم كثير من إقتصاديات البلد لتفوقهم التعليمي وجهل كثير من شعوب الخليج آن ذاك!! وهذا مما ساهم في ظهور أمور سلبيه قد تلتبس على فكرأهل الخليج وتجعلهم في حيرة من أمرهم!! أخي فالح لايخفى عليك وعلى الجميع ما فعله تجار المال والآعمال في سوق الآسهم قبل سنين مضت وما ساهمو به في خسارة المواطن العادي الضعيف عندما أوهموه بآن هذه الآسهم هي الملجى الآمن والإستثمار الطول للأجيال وعندما تمكنو من هدفهم جعلوهذا المواطن على بساط الفقر دون حسيب أو رقيب !! وهنا أرى أن تجار الجمله والمفرق المحتكرين للسلع الإقتصاديه المهمه في هذا البلد إخوان للتجار المال والآعمال ولا أعتقد أنهم أرحم منهم ؟ لابل أجزم على ذلك !!! ياسيدي الفاضل يبدو لي وللكثير أن هالعالم العريض يعيشون على كف عفريت والشاطر من ينهب قوت يومه دون النظر للعواقب وللعلم لايستقيم الحال في كثير من الآحوال لإ بالعدل واللجوء إلى رضى الله تعالى,وقد نكون الآن تحت المجهر إختبار من الله تعالى حتى و إن أوهمنا الغير بأننا مسلمين ونسكن ديرة هي منبع الإسلام.. عموماً يابو فالح الكلام من النهايه نحن شعب تكاسلنا في بداية النشئه لهذا البلاد بالعلم فسلم الآمر لغير أهله من المتسعودين الذي كانو يلقبون بحج ولم يعد وعاثو في الآرض فساداً دون أن يحسون أصحاب الشان بذلك إلا بعد ففوات الآوان,والله يخارجنا يابو فالح.!!! إستغفر الله العظيم والحمد لله رب العالمين.. وتحياتي للجميع |
رد: هل اصابنا رهاب انقطاع الشعير ؟؟ اقتباس:
ارحب يبن مفلح مرورك اضافه جميله تقبل تحياتي وتقديري |
رد: هل اصابنا رهاب انقطاع الشعير ؟؟ يبو فالح مهوب بس رهاب الا جتنا ام الركب بعد الله يستر لاتجينا الذيبه |
رد: هل اصابنا رهاب انقطاع الشعير ؟؟ اقتباس:
:mwalat4:حلوه الذيبه يبو عمير :mwalat4: الشهر عليك مبارك القصد لو ترك يومين بدون سرى لانتهة الازمه لان الحاصل الان تصريف من التجار وتخزين من المستهلك لعدم ثقته في الاستقرار لهذا المنتج والضحيه السوق لجميع انواع الاعلاف الاخرى ارتفاع لوجود ازمه مصطنعه فورود يوميا للرياض الجنادريه 16 تريله والعزيزيه 12 كميه لا باس بها تسد حاجة السوق والمستهلك فياليت قومي يعلمون ويعقلون |
رد: هل اصابنا رهاب انقطاع الشعير ؟؟ أصبت يابو فالح ولكن هذه الازمه غيرت من المفهوم العام لدينا الكثير وربما ضارة نافعه |
رد: هل اصابنا رهاب انقطاع الشعير ؟؟ اليوم الثلاثاء مريت الجنادريه السراء ماله تاااالي ياكثررهم الناااس والله انا البدوو مساكــــين كل سنــه لزم يمر يا ازمه ولا غلا قبل اسبوع جاني احد عيال عمي يقوال ابي احط ابل قلـــت له انحـــش تبي يجيك الضغط والسكر وكل يوم وانت في ديره تتبع السروات |
رد: هل اصابنا رهاب انقطاع الشعير ؟؟ كل شي له تبعات ونتائج يابوفالح وهاذي نتيجة الازمه اللي حصلت والوعي عند المستهلك مناحي صفر ولا اذا خذا كفايته من الشعير ليش يرجع في السرا مره اخرى لا وتلقاه موصي ربعه وعيال عمه بسياراتهم ولا عندهم حلال ولا شي بس فزعه مع الاخ المذكوووور مناحي تسبب عليهم وعطل اشغالهم وصرنا ندوووور في حلقة مفرغه الله يستر بس شكل الربع بيطولون على طاق طاقيه ههههههههههههههههه |
رد: هل اصابنا رهاب انقطاع الشعير ؟؟ اقتباس:
ا اولا اشكر مرورك وتواجدك وترجع بالسلامه انت تشوف يبو صنهات مناحي وربعه صافين من شهر على التريلات ولا يعدون وش خذو من التخزين العشوائي وبتطب عليهم الاخباريات يحسبونهم يخزنونه للبيع وبيصادرون حليلهم والازمه خلصت والروعه عادها في قلوبهم ماسكين سرى الين يقولون خذ كيس ومعه واحد مجاني ذاك الحين مناحي بيصحى وبيعلم بني عمه واهل الشرقيه يقولون تجي التريله ما عنها احد تحمل ما تبي وب 40 ولا فيه سرى وان فيه محدود لكن ربيع مناحي ما زالت ثقافة (سرى الخباز ) وقولت (من سبق لبق) ( ولالول راعي الاوله ) (واللي ما ينجح شويته تحترق) ( تغد بهم قبل يتعشون بك ) تسيطر عليهم وتوجه تفكيرهم |
رد: هل اصابنا رهاب انقطاع الشعير ؟؟ الشـعـيـر شبـه مـتـوفـر بـس الـنـاس مـايـتـركـونه يجي كـل يـوم 16 تـريـله وتروح في ثـوانـي لـو يتـركونه يومين بـس .. كـان امـتـلى السـوق شـعـيـر |
رد: هل اصابنا رهاب انقطاع الشعير ؟؟ اقتباس:
هذا ما عنيته من موضوعي بالضبط بل ما يصل الان من تريلات اكثر من ما مايصل قبل الازمه |
رد: هل اصابنا رهاب انقطاع الشعير ؟؟ اقتباس:
ارحب يبو مزيد جعل عمرك سنين من شاف معوادها على دمنها صدق انها مخدرات ولا فيها منه شي ابشرك مقاطعه من سنين ولا اعرفه لحلالي غير ذا الاسبوع منحد الله لا يحدنا واياك |
رد: هل اصابنا رهاب انقطاع الشعير ؟؟ اقتباس:
ارحب يبو ناصر مرورك عطر متصفحي وموضوعي امدك الله بالصحه والقبول في الشهر الكريم ثبت ان النبي صلى الله عليه وسلم يتعوذ من الغلاء فهو داء عظيم ويمحق البركه والرزق وباب للطمع من التاجر والحسد من الفقير اسال الله العظيم بكرمه ومنته ان يعجل لنا بالفرج من الغلاء في كل شيء نبي لنا بيوت وذيدان ومواتر ونعمه الله لا يحرمنا ولا يحرم اخوانا المسلمين |
| الساعة الآن 39 : 01 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |