|
الراي وعاجل جدا تكفون السلام عليكم ورحمة الله وبركاته كل عام وانتم بخير عند لقحة تبي تلد هاليومين وتعرفون الولادة في فصل الصيف والشهر هذا الحر شديد ولا يخافكم خطورته على الحوار وابي من اهل الخبرة الطريقه الممتازة للحفاظ على الحوار تكفون وشكرا |
رد: الراي وعاجل جدا تكفون مرحبا يا ثامر اولا لازم توفر المظله لان الحوار صغير وما يتحمل الحراره من الساعه عشر تدخله المظله وحتى الثالثه عصرا وتسقيه بالماء يوميا حتى يشرب بنفسه شكرا |
رد: الراي وعاجل جدا تكفون وزود على كلام اخوي جابر ترش مكان الحوار بالماء ابرد له خصوصا حزة القايله |
رد: الراي وعاجل جدا تكفون هلا اخوي جابر بيض الله وجهك وشكرا |
رد: الراي وعاجل جدا تكفون هلا اخوي حمد بيض الله وجهك وشكرا |
رد: الراي وعاجل جدا تكفون طيب الاخوان كم ياخذ على الوضع هذا من المده وشكرا |
رد: الراي وعاجل جدا تكفون الله يتمم على خير . ويرزق منها الانتاج الغالي . اما بالنسبه لسؤالك متى فلين يجدل الحوار ويقوى عظمه . وخلاص التباريد باقي لها من 3 شهور وحول . .... |
رد: الراي وعاجل جدا تكفون ما قصروا الاخوان والمده على هالحاله عشر ايام ودير بالك لا يشرب حليب الظهر على طول يموت وشربه ماي الظهر بالرضاعه كل اربع ساعات الظهر ليما يتعلم شرب الماي واحرص عليه من الشمس |
رد: الراي وعاجل جدا تكفون ضلل الحوار عن الشمس ولا تكثر الحليب عليه وسقه ماء بعدين ياثامر وين الابل |
رد: الراي وعاجل جدا تكفون ماازيد عل كلام الاخوان. الظلال وتخفيف الحليب |
رد: الراي وعاجل جدا تكفون امنعه من الحليب في القايله ورش محله بالماء وقت القايله وحاول تسقيه الماء وقت القايله واخواني ما قصرو كلهم رايهم واحد وواضح الله يبارك لك في حلالك ومالك ولا يريك مكروه |
رد: الراي وعاجل جدا تكفون اهم شي تمنع امه من البرسيم نهائيا وحبذا ماتعطيها الاسبوع الاول الا تبن في وجه العدو والباقي وضحوه الاخوان وعلى فكرة عندي حوار صيفي مقامه وصحته افضل من الحيران الشتويه لكن يبي له حرص اول عشرة ايام والله الموفق |
رد: الراي وعاجل جدا تكفون السلام عليكم جميع اود ان اظيف على كلام الاخوه ولا فيهم قصور بالاظافه لذالك 5 او 10 سم مالتي فتامين بالفم او B kombleks بالفم يساعد على تقويته عظمه ويشد حيله باذن الله وكذالك عندما تراه يدوخ او يترنح وكانه يبي يغمى عليه حاول ان تعطيه بطل صغير ماء او بطليين ماء بارد سوف يساعده على عدم التقيء مثل مشاكل البطن عند شرب الحليب وكذالك يمنع الاسهال ( عزكم الله ) وانت تعرف ان الحليب بالصيف يذبح والكثير منا لا يريد الادويه للحلال لكن من الواجب اخذ الحيطه والحذر والباقي عند الله يجب اعطاء الفيتامينات اللزمه للحوار والام تقبل مروري اخوك خالد الميموني |
رد: الراي وعاجل جدا تكفون ماقصرووا الخوان |
رد: الراي وعاجل جدا تكفون ماقصرو الاخوان |
| الساعة الآن 26 : 10 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |