|
من له عزل هالبعير !؟ " استفسار مع صوره 2 مرفق السلام عليكم ورحمه الله وبركاته اخواني اطلب منكم المساعده في ايجاد اهل العزل هذا لانه البعير عندي بفكه فحل ..والعزل ياللي عليه عزل يشبه عزل ال مره .. بس هذا في الفخذ .. وياللي عرفته من احد الاخوان العزيزين علي من السعوديه بعد ما سأل الشواب قالوا له العزل عزل ال مره .. بس ال مره يعزلونه في الرقبه .. وهذا العزل في الفخذ .. البعير الحين في الامارات .. وانا شريته على اساس انه جاي من السودان مباشره .. والغريبه انه اخوي سعودي لقي ناقه عليها نفس هالعزل في السعوديه.. وسألت سوداني في السودان ثقه .. قالي عن عزل في البعير يرجع لعزل قبيله في السودان .. بس العزل الثاني ياللي في الفخذ من اليسار هوب سوداني ولا قد شافه .. فيا ليت تعطوني من وقتكم وتفيدوني .. وجزاكم الله خير مقدما ... http://mzayan.com/mlffat/index.php?a...etfile&id=7221 http://mzayan.com/mlffat/index.php?a...etfile&id=7222 |
رد: من له عزل هالبعير !؟ " استفسار مع صوره ما اعتقد ذا الوسم لـ آل مره . والله أعلم . الوسم ذا غريب نوعاً مـا . واعتقد أنه وسم قبيله فالسودان . والبعير جايك مباشره من الباخره ومستلمه ـ أو شاريه من احد فالامارات . ... |
رد: من له عزل هالبعير !؟ " استفسار مع صوره اعتقد ان هالوسم مو للمره لأني سويت بحث لوسومهم ولالقيت هالوسم |
رد: من له عزل هالبعير !؟ " استفسار مع صوره ليس وسم للمره حسب المجلد الموجود عندي |
رد: من له عزل هالبعير !؟ " استفسار مع صوره جزاكم الله خير يا اخواني .. واخوي مشعل .. انا شاري البعير من الامارات من شايب منصوري ما عنده حلال واجد يا دوب خمسه .... وجرته العازه يبيع البعير لانه ماديته ضعيفه وفي عازه |
رد: من له عزل هالبعير !؟ " استفسار مع صوره مـاظــن انـه للمـنـاصــير وننـتـظر اخـوانـا المـنـأصيـر يفـيدونك |
رد: من له عزل هالبعير !؟ " استفسار مع صوره الوسم هذا ماياسمونه المناصير اطلاقا ولاظنتي لحد من اهل الجزيره العربية الوسم سوداني والله ولي العلم |
رد: من له عزل هالبعير !؟ " استفسار مع صوره جزاكم الله خير يا اخواني في منتديات ثانيه قالوا انه هالعزل قد يكون لقبيله الهديل في السعوديه !! والله اعلم |
| الساعة الآن 39 : 05 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |