|
مطلوب سواق العمال سافروا وكل يومين جايب لي عمال مافيهم اللي يبرد الخاطر ....الراعي هالايام مقدور على صف الاحتياط بس السواق هو اللي ما عنه غناة ولا خليت احد ما وصيته معد بقي الا انتم يا اهل المنتدى الله لا يحرمكم الاجر....فاللي يخبر سواق يذكره لي الله يفرج عليكم ...ذبحوني العليميه الي يبون يتعلمون عندي... |
رد: مطلوب سواق شرحك سرا والله انا مثلك يقول اعرف واذا جبته قال علمني اول مره وابشر وكل يوم وهو مغرز او خرب شي ويوم يعرف ويتعلم ويكسر سيارتي ينحاش يروح يشتغل في شركة بدبل راتبه عندي الله يكون في عون من عنده حلال |
رد: مطلوب سواق يامرحبا يأتركي والله يمسيك بالف خير أنا من رأيي اذا هو سواق قدم عليهم كسائق وبيعطونك الفيزه وبدل الواحد قدم عل ثنين وربهم بطريقتك ولاتجيب جنسيه عربيه |
رد: مطلوب سواق يا سعود ذبحوني يمكن جبت الحين حول الخمسة ما بين سوداني وارتيري ويماني وكل واحد اردى من الثاني....والمصيبة اخر واحد الحين سروووق يقول صلحت بمية وهي بخمسين وانا اتعامى واغمض عين عسى الله يعين عليها بخير... يا محمد جبت اثنين باكستاني وهندي ولا قعدوا اسبوع يبون شغل شركات ....المتخلف ذليل ولا يشاوف على الديره مبسوط في البر وكان يقضي اللزوم لكن من تالي معد لقيناهم ... |
رد: مطلوب سواق تركي قدم عل هندي ماقد طب السعوديه من قبل ودربه وخوفه زود عن الهروب أنا عندي ثنين كلهم سواويق ومرتاح اروح أحاسب اهل الأعلاف وهم يحملون وينزلون واحد في الديره وواحد مع السوداني بالبر |
رد: مطلوب سواق جزاك الله خير يا محمد وهذا اللي قاعد اسويه اجمع اوراقي الله يعيني على مكتب العمل بروح لهم الاسبوع هذا واقدم على اثنين عسى الله يهونها ... |
رد: مطلوب سواق اخوي محمد انا عندي فيزه سائق خاص ابيه سواق الوايت ويكون في المراح يكب العلف ويسقي الماء اذا احد من عمالك عند اخوه او قريبه يبي يجيبه عندي الله يجزاك الجنه |
رد: مطلوب سواق ينقل للارشيف لإنتهاء مدة العرض.. |
| الساعة الآن 57 : 02 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |