|
# ورررررم فـي نـحـر الـنـاااااقـة # السلاااااااااااااااااااام عليكم ورحمة الله مسااااااااكم الله بالخير جميع .. عينتوا من الشعير شي ..؟ المهم عندي ناقة لقيت اليوم في نحرها مثل الورم ولا أدري وشهو ..!!! وقاسي بالحيل وكذلك ديسها منتفخ بالحيل بالحيل فيا ليت اللي عنده درايه .. يدلي بدلوه .. الصورررر http://www.alhadafa.com/uploadedfiles/images/12035.jpg http://www.alhadafa.com/uploadedfiles/images/12036.jpg http://www.alhadafa.com/uploadedfiles/images/12037.jpg |
رد: # ورررررم فـي نـحـر الـنـاااااقـة # عندنا وعندك خير عندي لقيّه فيها نفس اللي تسأل عنه ياليت هل الخبره يفيدونا |
رد: # ورررررم فـي نـحـر الـنـاااااقـة # مرحبا ابودرر وش علومك اكل الناقة ؟ اللي في نحرها ما وضح من التصوير ولكن طالما انه قاسي فلا منه خوف وبالنسبة لوريم الديد فهذا خباش من كثر البرسيم والشبك فالله يعينك تسرحها مسراح طيب وتخلي ديدها من الحليب ولو تعطيها مضاد حيوي ينفعها مايضرها بأمر الله |
رد: # ورررررم فـي نـحـر الـنـاااااقـة # انا كان عندي ناقتين صاب ديوسها خباش مع العلم انها تمشي يوميا خمسه كيلو وفي صحراء واشارو علي بعض الناس باعطائها ابرة وريم وبنسلين لين الناقتين عابت ديوسها وحده بعتها قصابه بالفين ريال ووحده ماتت انصحك من الابر لاتستعملها |
رد: # ورررررم فـي نـحـر الـنـاااااقـة # طلال موضوعك جاء عل الجرح:mwalat31: الشعير التالي ذبح ناقه عندي اليوم. والحيران خراريج في نحورها من حليب امهاتها الفحوله قبعت فيها النواجم والخراريج وكله من الشعير التالي والمكعب. قصت ناقتي اللي ماتت اليوم كالتالي العامل يدق علي الصبح قال الناقه غاصه ومتسكر بلعومها وباين اللي مسكر البلعوم من الخارج مثل الورم المهم قلت مافيه الا زيت الزيتون هو اللي بيفك هالسدد ومتوقعه كيس او عظم. المهم صبينا زيت الزيتون في فمها وللأسف ماتحدر والناقه منكتمه المهم كلمني العامل وقال الله يعوضك بااخير منها. قلت له شق نحرها مكان السدد والنتيجة كان خراج في ساعات معدوده طلع وذبح الناقه اقسم لكم بالله انه سبب هالخراريج هو الشعير وارد الراجحي ومكعب الوافي. من واقع تجربه |
رد: # ورررررم فـي نـحـر الـنـاااااقـة # اقتباس:
أكل الناقة لا باس فيه مالاحظت عليه تغيير نعم الوريم قااااااسي بالحيل .. وبالنسبة للمسراح .. افكها من الساعة 7 الصباح حتى 7 المغرب . وتسلم على مداخلتك وآرائك اقتباس:
اقتباس:
أنا شريت قبل شهرين مؤنة شهر من الشعير جميع الأكياس حبها أأأأأسود ومجيف فيه ريحه الله يكفينا شره |
رد: # ورررررم فـي نـحـر الـنـاااااقـة # ياخوان والله اني قاطع الشعير عن البل حول سنتين ماتغير فيها شي والحمد لله اما اللي يبي تسمين زايد يحط شعير يبي يبيع قصاب او شي .... هذا غير انا مدي ليه اغلب الناس يصر علي تعليف ابله شعير جرب البرسيم مع التبن " تكرمون " او مع رودس بس اكرم البل شوي زيادة صدقني ماتسائل عن الشعير ابد |
رد: # ورررررم فـي نـحـر الـنـاااااقـة # اقتباس:
أنشهـد ان كلامك هو الصـح وهذا المفروض يطبق أتركوا الشعير خلوه يفارق وش تبون فيه ؟؟ البرسسسسسسسسسسسسسسسسسسسسيم والله ثم والله أنه هو الزين والفائده ، |
رد: # ورررررم فـي نـحـر الـنـاااااقـة # السلام عليكم بو بندر الوريم الي من عند النحر قاسي وتضلع منه وهي تمشي ولا الظاهر انه خراج وبيظهر بس يطول بالعاده خاصه اذا كان في هذا المكان عانيت منه كثير |
رد: # ورررررم فـي نـحـر الـنـاااااقـة # اقتباس:
أأأأأرحب يابو غناااااااااام نعم قاسي يابو غنام بس ماتضلع منه أبد .. وتسلم على مداخلتك يالذيب |
رد: # ورررررم فـي نـحـر الـنـاااااقـة # اللي فيها خراج بيطلع بس عليك بالكريم الاسود كل يوم لما يطلع ويلين ويطلع له راس وبينفضخ من نفسه اهم شي نظف الجرح بمره مطحونة وبخاخ اسود بعد ما تنضفه وتعصره زين وتاكد انه ما بقى منه شي والبنسلين ينفع ولا يضر لمده 3 ايام |
رد: # ورررررم فـي نـحـر الـنـاااااقـة # الأخ طلال هذا صار عندي في ناقتين وهو خراج وبيطلع بس أنتبه ترى الخراج بالعاده يكون وراه خراج ثاني أنتبه لتنظيفه زين هل ضربت الناقة أبره في نفس المكان في وقت قريب قال لي البيطري اللي شافها هذا والله العالم أنها أبره ضاربها في مكان عرق تقبل تحياتي،،،،، |
| الساعة الآن 52 : 01 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |