![]() |
بداية اللين الفدع ماهي اعراضه ؟ اخواني عندي قعود عمره 6 اشهر / مشيه صار بطئ واخر الحيران واذا رد في الشبك برك اكثر الاوقات وده يبرك وقفته مب طبيعية اذا وقف/ وعند الحوض وقت العلف ياكل وهو بارك// هل هي بداية ليونه وفدع // شو الحل يااخواني / بغيت اقيده قالوا القيد مب زين للحوار // الحوار سمين مره // اعطيته امس ابرة نحاس 5 سم // هل اعطيه مجموعة فيتامينات لتقوية الاعصاب ؟ لان يمكن يكون اعصابه ضعيفه // بماذا تنصحوني ؟ الارض تحته جبل وقوية وامشيه كل يوم على القرقره (الردمية) مرواح وارده والقعود حالته تتردى الحقونا بنصيحة مجرب الله يجزاكم خير |
رد: بداية اللين الفدع ماهي اعراضه ؟ أخوي عامر التفدع أعراضه هي السمن الزايد ومن أهم اعراضه تعرض الحوار(للرمال) مع حرارة الاراض أي الشمس فهي ضاره للحوار انا حيراني من ماتحطه امه ما اطلعه من الشبك الافي الشهر الاول خصوصاً في الشتاء اما اذا قرب الصيف ما أطلعه من الشبك الا بعد مايصير مفرود أنا عندي بكرتين وسمتهن وهن مفاريد والحين لهن البكر خمس سنين ولقيه سنتين والحين الأولى سنها بكر والثانيه لقيه وكلهن واسمهن فوق الخف عند المفصل من اربع جهات الوسم صغير مثل+ وما شاء الله زان مشيهن |
رد: بداية اللين الفدع ماهي اعراضه ؟ ماعليه خلاف ان شاء الله لايسرح وحبوب النحاس اللي لونها خضراء حبتين كل اسبوع لمدة شهر |
رد: بداية اللين الفدع ماهي اعراضه ؟ علاجها ياطويل العمر والسلامة ( القيد وأبرة النحاس المخلوط بB+12 وأي سلنيوم ) خذها من البيطري واتبع الارشاداة الي يقولها لك البيطري والله يشفيها لك اخوي عامر ,, |
رد: بداية اللين الفدع ماهي اعراضه ؟ يااخواني جزاكم الله خير لكني سالت عن الاعراض ولم اسال عن المسببات او طريقة العلاج انا اسال ماهي الاعراض اللتي تدل على ان الحوار سيصيبه اللين هل الاعراض اللتي انا ذكرتها مسبقا هي بداية اللين |
رد: بداية اللين الفدع ماهي اعراضه ؟ اقتباس:
الأخ عامر الاعراض نفس اللي ذكرت في اول سطرين من أستفسارك |
الساعة الآن 07 : 06 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |