منتـديـات مــزايـن - الحيه ـ s وسم قبيلة العصمه

منتـديـات مــزايـن (http://www.mzayan.com/vb/index.php)

- خيمة العلوم والأفكار التطويرية للابل (http://www.mzayan.com/vb/forumdisplay.php?f=184)

- - الحيه ـ s وسم قبيلة العصمه (http://www.mzayan.com/vb/showthread.php?t=37585)

الحيه ـ s وسم قبيلة العصمه

بسم الله الرحمن الرحيم

ـ الحيه او الهايش ـ ويطلق عليها البواكير ولاكن المتعارف عليه الان هو الحيه

ـ s ـ

وسم عام لقبيلة العصمه من عيال منصور من برقا من عتيبه

وهم كالاتي ـ

(العمريه)
ياسمون الحيه على الرقبه من يسار ولكل فخذ وخامس واسره شاهدها

(العبابيد)
ياسمون الحية على الرقبة من يسار ولكل فخذ وخامس وأسره شاهدها

(الشجاعين)
على الرقبه من يمين ولكل فخذ وخامس واسره شاهدها ماعداء فخذ الركيبات منهم ياسم الجروف

(الحمارين)
ياسمون الحيه على الرقبه ومنهم من يضعها على الخد ومنهم من يضعها على الفخذ من يمين ولكل فخذ وخامس واسره شاهدها

(الشفعان)
ياسمون الحيه على الرقبه من يمين وبعضهم من يسار ولكل فخذ وخامس واسره شاهدها

(الجلاه)
ياسمون الحيه على الرقبه من يسار ولكل فخذ وخامس واسره شاهدها

من الشواهد فالشعر الشعبي ـ

قال العصيمي من ضميره تهيض *** كما الدر من خلف لذيذ شرابها
تكلت المرباع والصيف كله *** وخريفها ما مل منها جنابها
نشق الدِّيـََر بين الرضا والغصيبة *** على شأن حمر وسمها في رقابها))
واليا شعاها صايح من خريمه *** غزيز خيل سابقتها ركابها
ولحقوا على زينات الأوعاد ضمر *** سواة الأهله معتبين(ن) حزابها
لحقوا وثار الملح بين الدياقا *** في عبلة بيضا يلالي سرابها
وصاحوا عليهم صيحة عاصمية *** بصافي الحديد اللي معرب زهابها
راحوا شلايح في يدا كل مقدم *** روحه يعرضها الخطر ما يهابها
الشاعر عبدالله بن دخيل الله الشجعاني العصيمي

ويقول احد شعراء العصمه
ـ
حنا ليا سيق الجهام يعرف وسمنا
نعرقص الحيه علـى المفـرود

وقصيده لـثواب السبيعي من قبيلة سبيع العزيزه يتوجد على جيرة صامل المحيشيرالعبادي
ياليتني من عقب قطر المحيشير
يابن ثمر ماعاد جالي قطيري
قاربت انا قطر الرخوم المثابير
سراي ليل طايح في حظيري
والله يالعارض وقل المساعير
يسكن به اللي راس ماله بعيري
لاصل من الزيدي ليا خدت النير
واصل اليا ماسل وعندي وحيري
مع جوف قطعان عليه البواكير)
وسم العصيمي فوقها مستديري)
اهل بيوت كنهن الدواوير
ذباحتن للحيل والله خبيري
وهل نجور يجلبن المسايير
ولا قط به يومن عليه عسيري

من المصادرـ
وسوم الأبل في الجزيرة العربية ( حاضر و وبادية)
المؤلـف : مساعـد بـن فهـد بـن نـزال السعـدونـي

أهداء لموقع مزاين الرايع ونرجوء حفظ حقوق النشر باسم موقع مزاين
ودمتم بخير