ياسيدي نايف وريث المجد محمود المقام
قصيدة في روح الشهيد بإذن الله تعالى اللواء / عبدالجليل شارع العتيبي رحمة الله رحمة واسعة وتقبله الله مع الشهداء .






ياسـيـدي نـايـف وريــث الـمـجـد مـحـمـود الـمـقـام


حـنــا الـذخـيـرة فـــي يـديــك وكـلـنــا عبدالـجـلـيـل


حـنــا عتـيـبـة ماعلـيـنـا مـــن خـفـافـيـش الــظــلام


نـعـلـن ولانـــا للـقـيـادة كـــل صـبــح وكــــل لــيــل


حنـا علـى عهـد الجـدود الـلـي عـلـى وقــت الإمــام


مــن غـابـر الأزمــان مـانـعـرف بـنـكـران الجـمـيـل


تاريخنـا مـاهـوب فــوق الأرض مــن فــوق الغـمـام


وأذكارنـا عبـر الزمـن تـروى لجيـل(ن) بـعـد جـيـل


هــذا ولـدنـا للـوطـن ضـحـى ونــال أعـظــم وســـام


حــاز الشـهـادة بــإذن رب الـكـون والـظـل الظـلـيـل


عبدالجليـل إستشعـر المـوقـف وجــود فــي الـحـزام


وأقـدم علـى المجـرم بـحـزم وسـطـر الفـعـل النبـيـل


قايـد شجـاع أثـبـت تفـانـي فــي المهـمـات الجـسـام


إخــلاص أبــو مشـعـل تجـلـى والـقـدم دمــه يسـيـل


الــدم يـنـزف بــس فــي قـلـبـه شـجـاعـة وإحـتــدام


والــرأس يغـلـي بـالأمـانـة والـظـفـر مـاهــو ذلـيــل


ولـسـان حـالـه قـــول : مايـهـنـاك ياعـيـنـي مـنــام


لـيـن أودع المـجـرم قتـيـل إيــدي ولا آنـــا القـتـيـل


عــز الله إنـــك نـلــت مطـلـوبـك وحـقـقـت الـمــرام


مامتـت لـي أشبـعـت خصـمـك ذل وأشفـيـت الغلـيـل


إرقــد قـريــر الـعـيـن يـانـسـل الرجـاجـيـل الـكــرام


تغشـاك رحمـة واسـع الرحمـة مــع الأجــر الجـزيـل


هـنـا عـلـى رتـبـة لــواء رقــوك وأولــوك إهـتـمـام


وهـنـاك رتـبـة جـنـة الـفـردوس فـــوق السلسـبـيـل


الله يـبـيـحـك يـاعـظـيـم الـفـعــل مــاهــوب الــكــلام


ويعـوضـك الله جـنـة الـفـردوس ويـعـوض الـزمـيـل


زميلـك الـلـي وقفـتـه عظـمـى كـمـا الـنـاس العـظـام


الـحـارثــي والأكـلـبــي مـيـقـافـهـم مــالـــه مـثــيــل


والشعب كله من شروره ( يام ) لين طريف ( شام )


لـو راحــت الأرواح مــن دون الـوطـن قـالـوا قلـيـل


وياسـيـدي نـايـف وريــث المـجـد محـمـود الـمـقـام


حـنــا الـذخـيـرة فـــي يـديــك وكـلـنــا عبدالـجـلـيـل







راجح المغيري العتيبي